ប៉ូលិសស័ក្ក២ សឹនសៅ ត្រូវបានពលរដ្ឋចោទថា ឆបោកលុយ ១៧០០ដុល្លា រួចរតគេចខ្លួនបាត់ស្រម៉ោល

ប្រភពព័ត៌មានពីប្រជាពលរដ្ឋដែលជាជនរងគ្រោះ​ម្នាក់ក្នុងចំណោមប្រជាពលរដ្ឋ​ដែលជាជនរងគ្រោះជាច្រើននាក់ទៀតរស់នៅក្នុងភូមិថ្នល់បែកកើត ឃុំស្វាយទៀប ស្រុកចំការលើ ខេត្តកំពង់ចាម បាននិយាយរៀបរាប់ទាំងមិនអស់ចិត្តថា​អស់រយៈពេល៥ខែ​កន្លង​មក​​ហើយដែលឈ្មោះ សឹន សៅ អតីត​ជាប៉ូលីសស័ក្ក២ក្នុងការិយាល័យប្រឆាំង​បទ​ល្មើស​សេដ្ឋកិច្ចនៃស្នងការដ្ឋាននគរបាលខេត្តឩត្តរមានជ័យមាន ទីលំនៅបច្ចុប្បន្នក្នុងភូមិវត្តស្វាយ សង្កាត់ សាលាកំរើក ក្រុង និង ខេត្តសៀមរាប ដែលជាអ្នកធ្លាប់រត់ការជាច្រើនលើក​ច្រើន​សារ​នាំ​ពលករខ្មែរទៅធ្វើការនៅប្រទេសកូរ៉េទាំងប្រថុយប្រថាន។

ជនរងគ្រោះបាន​និយាយ​បន្តថា លោក ប៉ូលីសស័ក្ក២ សឹន សៅ អតីត​ជាមន្ត្រីក្នុង​ការិយាល័យប្រឆាំង​បទ​ល្មើស​សេដ្ឋកិច្ចនៃស្នងការដ្ឋាននគរបាលខេត្តឩត្តរមានជ័យ​ម្នាក់នេះកាលពីអំឡុង៥​ខែមុខក្នុង​ឆាំ្ន២០១៥ គាត់បាននិយាយគ្នាជាមួយនិងជនរងគ្រោះថា បន្ទាប់ពីលោក ប៉ូលីស ស័ក្ក២ សឹន សៅ​ បានទទួលយកលុយពីប្រជាពលរដ្ឋហើយគាត់​និងរត់ការនាំប្រជាពលរដ្ឋ​ណាដែលចង់​ទៅធ្វើការនៅប្រទេសកូរ៉េបានដោយសុវត្ថិភាព ។

ប្រភពព័ត៍មានបាននិយាយបន្តទៀត​ថា​រហូតមកដល់ពេលនេះអស់រយៈពេល៥ខែហើយដែលលោក ប៉ូលីសស័ក្ក២ សឹន សៅ អតីត​ជាមន្ត្រីក្នុង​ការិយាល័យប្រឆាំង​បទ​ល្មើស​សេដ្ឋកិច្ចនៃស្នងការដ្ឋាននគរ​បាលខេត្ត​ឩត្តរ​មាន​ជ័យ​បានយកលុយចំនួន ១៧០០ ដុល្លារពីពួកគាត់ហើយមិនបាននាំពួកគាត់ទៅធ្វើ​ការនៅ​ប្រទេស​កូរ៉េដូចការសន្យានោះទេ។

រហូតពេលខ្លះជនរងគ្រោះបាននាំគ្នាមករក លោក ប៉ូលីសស័ក្ក២ សឹន សៅ​ នៅផ្ទះស្ថិតនៅក្នុង ភូមិវត្តស្វាយ សង្កាត់ សាលាកំរើក ក្រុង និង ខេត្តសៀមរាប​ ជាច្រើនលើកច្រើនសារទៀតក៏អ្នកផ្ទះរបស់លោក ប៉ូលីសស័ក្ក២ សឹន សៅ បានព្យាយាមនិងយាយ​លាក់​បាំង​ដោយនិយាយថា លោក ​ សឹន សៅ បានផ្លាស់ប្តូរការងារពី ​មន្ត្រីក្នុង​ការិយាល័យប្រឆាំង​បទ​ល្មើស​សេដ្ឋកិច្ចនៃស្នងការដ្ឋាននគរ​បាលខេត្ត​ឩត្តរ​មាន​ជ័យទៅបំរើការ​ងារជាប៉ូលីសនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ ។ ដោយជនរងគ្រោះក៏បានធ្វើការសុំណូមពរដល់ លោក ប៉ូលីសស័ក្ក២ សឹន សៅ​ មេត្តាលើក​ទូរស័ព្ទ​និងប្រគល់លុយអោយគ្រប់ចំនួនមកជនរងគ្រោះវិញទោះបីមិនបាន​ទៅធ្វើការនៅប្រទេសកូរ៉េ​ដូច​ការ​សន្យាបោកប្រាស់របស់លោក ប៉ូលិសស័ក្ក២ សឹន សៅ​​ ក៏ដោយ ។

ជាប់ពាក់ព័ន្ធនិង​ករណី​ខាងលើភ្នាក់ងារអ្នកយកព័ត៍មានយើងមិនអាចសុំការបំភ្លឺពី លោកអនុសេនីយ៍ទោ សឹន សៅ អតីត ​មន្ត្រីក្នុង​ការិយាល័យប្រឆាំងបទ​ល្មើស​សេដ្ឋកិច្ចនៃស្នងការដ្ឋាននគរ​បាលខេត្ត​ឩត្តរ​មាន​ជ័យដែលបានផ្ទេរការងារទៅបំរើការ​ងារថ្មីជាប៉ូលិសនៃអគ្គនាយកដ្ឋានអន្តោ​ប្រវេសន៍​ក្រសួង​មហាផ្ទៃ បាននោះទេ ព្រោះ​ទូរស័ព្ទចូលជាច្រើនដងតែគ្មានអ្នកទទួល ។

ជនរងគ្រោះបាន​និយាយថា ចាំមើលថាតើមេខ្យល់បោកប្រាស់ដែលជាមន្ត្រីប៉ូលិសស័ក្ក២ សឹន សៅ រូបនេះអាចរត់គេចខ្លួនពីប្រទេសកម្ពុជា និងមិនចូលផ្ទះជារៀងរហូតឫក៏យ៉ាងណា? ហើយ​បញ្ហាទាំងអស់នេះមានតែ​ថ្នាក់ដឹកនាំក្រសួងមហាផ្ទៃទេ ដែលអាចជួយរកយុត្តិធម៍ជួនប្រជាពលរដ្ឋនិងចាត់វិធានការក្តៅចំពោះមន្ត្រីប៉ូលិសណាដែលបានធ្វើខុស​ពីវិន័យរបស់កងកម្លាំងប្រដាប់អាវុធ ដែលជាហេតុធ្វើអោយប្រជាពលរដ្ឋអស់ជំនឿចិត្ត៕ ដោយ៖ ខេង ខេមរា