ពលរដ្ឋ និង​បុគ្គលិកសាលាខេត្ត​សាទរពេល​លឺថា សាលាខេត្តប្តូរមកក្នុងខេត្តវិញ

កាលពីពេលថ្មីនេះ លោកឧកញ៉ា សៀង ណាំ តំណាងរាស្ត្រ គណបក្សប្រជាជន កម្ពុជា ខេត្តសៀមរាប លេខរៀងទី២ បានថ្លែងនៅក្នុង ពីធីមួយ ស្តីពីការផ្លាស់ប្តូរ ទីតាំងសាលា ខេត្តសៀម រាប ដែលបច្ចុប្បន្ន តាំងនៅស្រុកប្រាសាទបាគង និងត្រូវបានផ្លាស់មកនៅ ក្នុងទីរួម ខេត្តសៀមរាប​វិញ តាមការអនុញ្ញាតិ របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា ដើម្បីងាយស្រួល ឲ្យ មន្រ្តីសាលាខេត្តក៏ដូចជាអង្គភាពនានា បំពេញការងារ។

កាលពីព្រឹកថ្ងៃអាទិត្យ ទី០៥ ខែឧសភាឆ្នាំ ២០១៣ មានពិធីបញ្ជូលសមាជិក គណបក្ស ប្រជាជន កម្ពុជា ចំនួន 450នាក់  ចំនួន ១១ភូមិ នៅក្នុងឃុំស្វាយលើ ស្រុក​ស្វាយលើ ខេត្តសៀមរាប ក្នុងឳកាសនោះ លោក ឧកញ៉ា មាន​​ប្រសាសន៍ថា មូលហេតុដែល និងត្រូវបាន​ផ្លាស់ប្តូរ​សាលា​ខេត្តពីស្រុក​បា្រសាទបាគង ដោយសារតែ រយះផ្លូវមាន​ចម្ងាយរហូតដល់ ២២គីឡូម៉ែត្រ ពីទីរួមខេត្តសៀមរាប ដូច្នេះ ដើម្បី ងាយ ស្រួលដល់ មន្រ្តីសាលាខេត្ត ក៏ដូចជា អង្គភាព មន្រ្តីរាជការ ធ្វើការទំនាក់ ទំនង ក្នុងការបំពេញ ការ ងារ ក៏ដូចជាការ​បង្កភាព​ងាយ​ស្រួលដល់​ប្រជាពល​រដ្ឋក្នុងខេត្ត ទើប មានការ​ឯកភាព ឲ្យមានការ ផ្លាស់ប្តូរមកវិញ។ តាមប្រភពត៌មាន ពីមន្រ្តីសាលាខេត្តសៀមរាប ម្នាក់ បានបង្ហើប​ប្រាប់ថា សាលា ខេត្តសៀម រាប​ នឹងត្រូវបាន​សាងសង់ នៅអង្គរឃ្យុងយូ លើទំហំផ្ទៃដី២០ហិកតា ស្ថិតនៅក្នុង ក្រុង​សៀមរាប ខេត្តសៀមរាប ដែលជាទីតាំងមួយ ងាយស្រួស ដល់ការទំនាក់ទំនង ការងារ ។

ប្រជាពលរដ្ឋ ជាច្រើនដែល​រស់នៅក្នុងខេត្តសៀមរាប បានសម្តែងសេចក្តី​ត្រេតអរ យ៉ាងខ្លាំង នៅ​ពេលដែល បានទទួលដំណឹងដ៏ល្អ ស្តីពីសាលាខេត្តសៀមរាប និងត្រូវបានវិញ​ត្រឡប់​មកស្រុក​កំណើតវិញ ព្រោះ​កន្លងមកបានគេចមុខ​ពីប្រជាពលរដ្ឋ​មួយរយះ ព្រោះប្រជា​ពលរដ្ឋ ក៏ដូចជា​មន្រ្តី​រាជការមួយចំនួន បើមិនមានការចាំបាច់បំផុតចៀសមិនបានទេនោះ ក៏មិនខ្ចីទៅជាន់ សាលា​ខេត្ត​ដែលមានចម្ងាយ ដល់ទៅ ២២ គីឡូម៉ែត្រឯណោះ។ ប៊ុន វណ្ណៈសម្បត្តិ ប្រភពពីខេមរា