ទីតាំងសង្វៀនល្បែងជល់មាន់ និងបៀ អាប៉ោង ដ៏ធំមួយកន្លែងគ្មានសមត្តកិច្ចបង្ក្រាប

សង្វៀនជល់មាន់ងបនល្បែងបៀ អាប៉ោង គ្រប់ប្រភេទដ៏ធំមួយកន្លែង ដែលមានទីតាំងនៅចំណុចខាងក្រោយផ្ទះរបស់ឈ្មោះ ឃា ប្រហែល ៥០ ម៉ែត្រ ក្នុងចំកាស្វាយចន្ទី តាមបណ្ដោយផ្លូវជាតិលេខ ៧៨ ផ្លូវបំបែកពីអូរពងមាន់ ខេត្តស្ទឹងត្រែង ទៅខេត្តរតនគីរី ចម្ងាយប្រហែលជាង ២០ គីឡូម៉ែត្រពីអូរពងមាន់ទៅ ស្ថិតនៅចន្លោះបង្គោលគីឡូម៉ែត្រលេខ ៤៥៩ ចម្ងាយប្រហែល ៣០០ ម៉ែត្រ ពីបង្គោល។

ជាក់ស្ដែងកន្លែងសង្វៀនជល់មាន់និងបនល្បែងបៀអាប៉ោងដ៏ធំមួយកន្លែងនេះ បានធ្វើការបើកលេងជាយូរណាស់មកហើយ តែគ្មានអាជ្ញាធរ និងសមត្តកិច្ចនៅក្នុងមូលដ្ឋានណាចុះធ្វើការបង្ក្រាបឡើយ បណ្ដោយឲ្យក្រុមអ្នកញៀនល្បែងរាប់រយអ្នកទាំងនោះ បើកលេងយ៉ាងអនាធិបតេយ្យ ដោយមិនគិតពី ភាពអសន្តិសុខ និងសុវត្ថិភាពនៅក្នុងភូមិឃុំឡើយ។

សូមបញ្ជាក់ផងដែរថា កន្លែងលេងជល់មាន់និងបៀអាប៉ោងនេះ គឺគេលេងក្នុងមួយសប្ដាហ៍ លេងចំនួនបីថ្ងៃ ចាប់ពីថ្ងៃច័ន្ទដល់ថ្ងៃពុធ និងមានមនុស្សចូលទៅលេងជាច្រើនរាប់រយនាក់ លាន់ឮសម្លេងកងរំពងហ៊ោកញ្ជ្រៀវ ផ្អើលអស់អ្នកភូមិអ្នកស្រុកនៅទីនោះ។

ប្រជាពលរដ្ឋជាច្រើននៅទីនោះ សូមធ្វើការអំពាវនាវទៅដល់ ឯកឧត្ដម មុំ សារឿន អភិបាលនៃគណៈអភិបាលខេត្តស្ទឹងត្រែង និង ឯកឧត្ដម ម៉ៅ ដារ៉ា ស្នងការខេត្តស្ទឹងត្រែង សូមឯកឧត្ដមមានចំណាត់ការណ៍ ចំពោះមន្ត្រីក្រោមឱវាទ ឲ្យធ្វើការចុះចាប់បង្ក្រាបទីតាំងជល់មាន់និងបនល្បែងគ្រប់ប្រភេទនេះផងទាន ដើម្បីជៀសវាងនូវករណីអំពើចោរកម្ម និងភាពអសន្តិសុខនៅក្នុងភូមិឃុំ។ ដោយ៖ ម៉េង ឈិនចិន (សារព័ត៌មាន កម្ពុជាសុវណ្ណភូមិ)