អង្ករប្លាស្ទិកកំពុងចរាចរណ៍លើទីផ្សារអាស៊ី សូមអ្នកទទួលទានប្រុងប្រយ័ត្ន!

យោង​តាម​បណ្តាញសង្គម (Face book) បានបង្ហោះតៗគ្នាថា អង្ករដែឡ​បាន​ផលិតចេញពីប្លាស្ទិក (Plastic Rice) ពេលនេះកំពុងតែ​ចរាចរណ៍​នៅ​ទី​ផ្សា​អាស៊ី​យើង​នេះ ដូច​ជា​មាន​នៅ​ក្នុង​ប្រ​ទេស​ ចិន និងកំពុងបោះជំហានចូលមកកាន់ប្រទេស ឥណ្ឌា ឥណ្ឌូណេស៊ី និងប្រ​ទេស​ផ្សេងៗទៀត​ជាដើម។

យោងតាមបណ្ដាញសារព័ត៌មាន អ៊ីនធើណេតសិនណល ប៊ីសស៊ីនីស ថែម (International Business Times) បានឲ្យដឹងថា អង្ករប្លាស្ទិកនេះ ត្រូវបានគេផលិតចេញពីដំឡូង( potatoes) និងដំឡូងផ្អែម (sweet potatoes ) លាយចូលគ្នា ដោយគេប្រើសារធាតុប្លាស្ទិកព័ទ្ធពីខាងក្រៅបាន​យ៉ាងល្អ មានលក្ខណៈដូចជា អង្ករធម្មជាតិយ៉ាងអញ្ចឹង ហើយពេលនេះកំពុងដាក់លក់ក្នុងទីផ្សារក្រុង ថៃវៀន (Taiyuan) ខេត្ដ សែងស៊ី (Shaanxi) ប្រទេសចិន។

អាជ្ញាធរចិន ពេលនេះកំពុងធ្វើការស៊ើបអង្កេតដ៏ក្ដៅមួយជុំវិញបញ្ហានេះ ប៉ុន្តែខ្លួនបានអះអាងថា មិនទាន់មាន​ប្រតិកម្មពីប្រជាជនជុំវិញបញ្ហានេះ​នៅឡើយទេ​។

ប្រភពនាំចូលអង្ករនេះក៏មិន​ទាន់​​បានអះអាងថា មកពីប្រទេសណាឡើយ តែគេដឹងថា ប្រទេសឥណ្ឌា ឥណ្ឌូណេស៊ី និងវៀតណាម ជាគោលដៅសំខាន់សម្រាប់ទី​ផ្សារអង្ករផ្លាស្ទិកនេះ។

នៅប្រទេសម៉ាឡេស៊ីឯណោះវិញ គ្រាន់តែបានទទួលដំណឹងនេះ ភ្លាមក្រសួងកសិកម្ម និងកសិឧ​ស្សាហ​កម្ម បានធ្វើការប្រតិបត្តិការហាមមិនឲ្យនាំអង្ករចូលពីបរទេសឡើយនៅ​ពេលនេះ។

ប្រភពព័ត៌មានអះអាងថា អង្ករប្រភេទនេះ កំពុងវាយលុកខ្លាំងមកកាន់ទ្វីបអាស៊ី ហើយសំដៅទៅកាន់ទីផ្សារតូចតាមផ្លូវងងឹត ជាជាងទីផ្សារធំៗ និងផ្សារទំនើប។

ក្រុមអ្នកជំនាញផ្នែកសុខភាពបានធ្វើការព្រមានថា អង្ករប្លាស្ទិក ជាប្រភពគ្រោះថ្នាក់ដ៏កាចសាហាវមួយដែល នឹងបង្កផលប៉ះពាល់យ៉ាងខ្លាំងដល់សុខភាពមនុស្ស ពិសេសនឹងផលអាក្រក់យ៉ាងខ្លាំងដល់ប្រព័ន្ធរំលាយអាហារ។

គេ​ពុំទាន់ដឹងច្បាស់ថា តើនៅ​ប្រ​ទេស​កម្ពុជា មាន​ចរាចរណ៍អង្គរ​ផ្លាស្ទិច​នេះហើយ ឬនៅ​នោះ​ទេ តែ​ទោះ​ជា​យ៉ាង​ណាក៏ដោយ​សូម​ប្រ​ជា​ពល​រដ្ឋ​កម្ពុជា មេត្តា​ប្រុង​ប្រ​យ័ត្ននៅ​ពេល​ទិញ​អង្គរយក​មក​បរិភោគ ត្រូវ​ពិនិត្យ​អោយ​បាន​ច្បាស់​លាស់ ឬ​ទិញ​តែ​អង្គរ​ណា​ដែល​យើង​ស្គាល់​ប្រ​ភព​ច្បាស់លាស់ ដើម្បី​ការ​ពារ​សុខ​ភាព​និង​អាយុជីវិត​ក្រុម​គ្រួសារ​របស់​អ្នក៕ ប្រភពពី៖ បណ្តាញ​សង្គម