លោកម៉មសូណង់ដូត្រូវបាន​គាំទ្រ​បន្ត​តួនាទី​ប្រធាន សមាគម​អ្នកប្រជាធិបតេយ្យ

សមាជិកសមាគម​អ្នកប្រជាធិបតេយ្យ យ៉ាងហោច​ណាស់​ជាង​៣​រយ​នាក់​កាល​ពី​ម្សិលមិញ បាន​បន្ត​គាំទ្រ នៅក្នុង​សមាជ​មួយ ឯ​ទី ស្នាក់ ការ​ ​វិទ្យុ​សំបុក​ឃ្មុំ ឲ្យ​លោក ម៉ម សូណង់ដូ បន្ត​តួនាទី​ជា​ប្រធាន​សមាគម​នេះ​។

សមាជ​ដែល​ធ្វើឡើង​ដើម្បី​រៀបប​ចំ​រចនាសម្ព័ន្ធ​ថ្មី​នោះ បានសម្រេច​ទុក​ទំនេរ តួនាទី​អនុប្រធាន ខណៈ​ដែល​អនុប្រធាន​ស​មាគ​ម​នេះ បាន​សម្រេច​ទៅ​​ចូលរួម​ជាមួយ​គណបក្ស​ប្រជាជន​កម្ពុជា​ដែល​កាន់អំណាច ហើយ​បាន​ជ្រើសតាំង​អ្នកស្រី ផាន់ ណា​រី ជា​អគ្គលេខាធិការ និង លោក តាំង ទ​ទី ជា​អគ្គលេខាធិការរង ។​

​សមាគម​អ្នកប្រជាធិបតេយ្យ ត្រូវបាន​បង្កើតឡើង និង ទទួលស្គាល់​ពី​ក្រសួង​មហាផ្ទៃ​កាលពី​ថ្ងៃ​ទី​០៧ ខែ កក្កដា ឆ្នាំ​២០១០ ។ ប្រធាន​សមាគម​នេះ​លោក ម៉ម សូណង់ដូ ត្រូវ​បាន​ជាប់ចោទ​ពី​បទ​អប​គម​ន៏​ទាក់ទង​សំណុំរឿង ដីធ្លី​មួយ នៅ​ភូមិ ប្រមា ក្នុងស្រុក ឆ្លូង ខេត្ត ក្រចេះ បន្តែបន្ទាប់​ពី​ជា​ប់​ព​ន្ទ​នាគារ អស់​រយៈ ពេល​៨​ខែ ដោយ​គ្មាន​ភស្តុតាង​ចោទប្រកាន់​រឹងមាំ តុលាការ​បាន​សម្រេច​ព្យូរទោស ដែល​នៅសល់​និង​ដោះលែង ឲ្យមាន​សេ​រី​ភា​ព​​​វិញ កាលពី​ថ្ងៃ​ទី ១៤ ខែ មីនា ឆ្នាំ ២០១៣៕