ភរិយាលោកមិនចន្ថាអធិការស្រុកប្រាសាទបាគង និងបក្ខពួក៤នាក់ទៀតត្រូវបានសមត្ថកិច្ចចាប់ខ្លួនពាក់ព័ន្ធការជួញដូរគ្រឿងញៀន

កម្លាំង​នគរបាល​ស្រុកស្វាយ​លើបាន ចាប់ខ្លួន ភរិយាលោក មិនចន្ថា អធិការ នគរបាល ស្រុកប្រាសាទ បាគង និងបក្ខពួក ៤នាក់ទៀត ពាក់ព័ន្ធ ករណី ជួញដូរគ្រឿងញៀន។

ការបង្ក្រាប ករណី រក្សាទុក្ខជួញដូរ និងប្រើប្រាស់ គ្រឿងញៀន ខុសច្បាប់នៅលំ នៅដ្ឋានមួយកន្លែង ស្ថិត​នៅក្រុមទី១២ ភូមិជប់លើ ឃុំស្វាយលើ ស្រុកស្វាយលើ ខេត្តសៀមរាប កាលពី ថ្ងៃទី១៨ ខែឧសភា ឆ្នាំ២០១៦ កន្លងទៅ។

ក្នុងនោះកម្លាំង នគរបាល ស្រុកស្វាលើ បាន​ឃាត់ខ្លួនជនសង្ស័យ ប្រុសស្រី ចំនួន០៥នាក់ និងដកហូត បានវត្ថុតាង ថ្នាំញៀនប្រភេទម៉្សៅ មេតំហ្វេតាមីនចំនួន ២៩កញ្ចប់ស្មើរនិង ៧.២ក្រាម,​ទូរស័ព្ទ​ដៃចំនួន​០៧​គ្រឿង​ និងឧបករណ៍វេចខ្ចប់ គ្រឿងញៀន មួយចំនួនទៀត។

សមត្ថកិច្ច នគរបាល បានបង្ហើបប្រាប់ថា ក្នុងចំណោម ជនសង្ស័យ ទាំង៥នាក់នោះ ម្នាក់ជាភរិយា របស់​លោក​មិន ចន្ថា អធិការ ស្រុកប្រាសាទបាគង​ឈ្មោះ យិន ប៉ុណ្ណារី (ហៅចែញ៉ច) ភេទស្រី អាយុ៥៦ឆ្នាំ មុខរបរគ្មាន រស់នៅក្រុម ទី១២ភូមិជប់លើ ឃុំស្វាយលើ ស្រុកស្វាយលើ ខេត្តសៀមរាប និង​បក្ខ​ពួក​៤​នាក់​ទៀត​ ១ឈ្មោះ ស៊ុំ ឆវ័ន្ត ភេទស្រី អាយុ២៣ឆ្នាំ មុខរបរគ្មាន រស់នៅភូមិជប់លើ ឃុំស្វាយលើ ស្រុក​ស្វាយ​លើ​ ខេត្តសៀមរាប ២ឈ្មោះ ផល ឡុង ភេទប្រុស អាយុ២៤ឆ្នាំ មុខរបរ​ធ្វើស្រែ​ រស់នៅ​ភូមិស្រយ៉ងត្បូង ឃុំ​ស្វាយ​លើ ស្រុកស្វាយលើ ខេត្តសៀមរាប ៣ឈ្មោះ សន ចំរើន ភេទប្រុស អាយុ១៦ឆ្នាំ មុខរបរធ្វើស្រែ រស់នៅ​ភូមិ​ជប់លើ ឃុំស្វាយលើ ស្រុកស្វាយលើ ខេត្តសៀមរាប  ៤ឈ្មោះ រឹត បូរី ភេទប្រុស អាយុ២៧ឆ្នាំ មុខរបរសិស្ស របស់នៅភូមិជប់ក្រោម ឃុំស្វាយលើ ស្រុកស្វាយលើ ខេត្តសៀមរាប។

សមត្ថកិច្ច បានឲ្យដឹងថា  សង្ស័យទាំង៥នាក់ ខាងលើត្រូវបានកសាងសំណុំរឿង បញ្ជូនមកកាន់ ការិយាល័យ នគរបាលប្រឆាំង គ្រឿងញៀន នៃស្នងការដ្ឋាន នគរបាលខេត្ត សៀមរាបចាត់ការបន្ត។

សូមរំលឹកផងដែរថា ឈ្មោះ យិន ប៉ុណ្ណារី (ហៅចែញ៉ច) និងប្អូនស្រីម្នាក់​ទៀត​ឈ្មោះ ចែញ៉ (ឈ្មោះហៅក្រៅ) គឺជាឈ្មួញ​រក​ស៊ី​ដឹក​ឈើ​ដ៏ល្បី​ឈ្មោះ​​នៅ​ខេត្ត​សៀមរាបហើយតែង​តែ​​យក​អំ​ណាច​របស់​ប្តី (លោកមិនចន្ថាអធិការ​ស្រុក​ប្រាសាទ​បាគង) និង​ជា​បង​ថ្លៃ​​មក​គំរាម​កំហែង​ដល់​ក្រុម​សមត្ថ​កិច្ច​តូច​តាច​តាម​ដង​ផ្លូវ ហើយ​ថែម​ទាំង​ធ្លាប់បាន​​អោយ​លោក​មិនចន្ថាចាប់​អ្នក​កាសែត​២នាក់​ដាក់​គុគ​អស់ជា​ច្រើន​ខែដោយ​ចោទប្រ​កាន់​ថា ទៅ​ជំរិតទា​ប្រាក់​១រយ​ដុល្លារ​នៅ​ពេល​ដែល ​ចែញ៉ច​ និង ​ចែញ៉ ខាង​លើ​នេះ​​កំពុង​ដឹក​ឈើ​ប្រណិត​១រថ​យន្ត​ធូរីសពេញ​ពី​ស្រុក​ស្វាយ​លើ​ចូល​មក​ខេត្ត​សៀមរាប។

អ្នក​យក​ព័ត៌មាន​យើង​ពុំ​ទាន់អាច​សុំ​ការ​បក​ស្រាយ​ពី​លោក​ មិនចន្ថា អធិការ​ស្រុក​ប្រាសាទបាគង​បានទេនៅ​រសៀល​ថ្ងៃទី២១នេះ ព្រោះ​គ្មានលេខ​ទូរ​ស័ព្ទ​សំ​រាប់​ទំ​នាក់​ទំនង ពាក់​ព័ន្ធ​ប្រ​ពន្ធ​របស់​ខ្លួន​រក​ស៊ី​ជួញ​ដូរ​គ្រឿង​ញៀន។

ពល​រដ្ឋ​ខេត្ត​សៀមរាប​លួច​ខ្សឹប​ខ្សៀវ​គ្នា​រិះ​គន់ថា ប្តី​ធ្វើ​អធិការ​ស្រុក ប្រពន្ធ​ជួញ​ដូរ​គ្រឿង​ញៀន ចឹង​ហើយ​បាន​ជា​គ្រឿង​ញៀន​ចាប់​មិន​ចេះ​អស់។ ពល​រដ្ឋ​សង្ស័យថា លោក​អធិការ​អាច​មាន​ការ​ជាប់​ពាក់ព័ន្ធជាមួយ​ការ​ជួញ​ដូរ​គ្រឿង​ញៀន​ខាង​លើ​នេះដែរក៏មិន​ដឹង​ផង? ពល​រដ្ឋ​សូម​អោយ​សមត្ថ​កិច្ច​ និង​តុលាការ​តាម​ស្រាវ​ជ្រាវ​រក​អ្នក​នៅ​ពី​ក្រោយ​ខ្នង​បន្ថែមទៀត​ផង៕ ប៊ុតវិចិត្រ+ផ្លុងរ៉េត