ច្រឡំ​ដៃ​បង្ហោះ​រូប​​ល្វែង​លើ​ខ្លួន​ឯង​​ឲ្យ​គេ​មើល​ជា​សាធារណៈ

តារាសម្ដែងនាង Alison Pill បានលុបរូបដែលបង្ហាញល្វែងលើរបស់នាងភ្លាមៗបន្ទាប់ពីនាងច្រឡំដៃ បង្ហោះរូបនោះនៅក្នុងគណនីបណ្ដាញទំនាក់ទំនងសង្គម twitterរបស់នាងកាលពីពេលថ្មីៗនេះ។

នាង Alison Pill ច្រឡំដៃបង្ហោះរូបខ្លួនឯង

នាង Alison Pill ដែលជាតារាសម្ដែងក្នុងរឿង “The Newsroom” បានច្រឡំដៃបង្ហោះរូបភាពរបស់នាងដែលគ្មានពាក់អ្វីទាំងអស់ សម្រាប់បិទបាំងល្វែងលើនៅក្នុងគណនី twitter ហើយស្រាប់តែបានលុបវិញយ៉ាងលឿនបន្ទាប់ពីដឹងថាខ្លួនច្រឡំដៃ។

ក្នុងរូបភាពដែលនាងច្រឡំដៃបង្ហោះនោះ តារាសម្ដែងសញ្ជាតិកាណាដារូបនេះកំពុងតែដេកលើគ្រែយកដៃទ្រក្បាល និងញញឹមដាក់កាមេរ៉ា។ បន្ទាប់ពីការបង្ហោះហើយភ្លាមៗនោះនាងក៏បានទទួលស្គាល់ថាវាជាការ ច្រឡំដៃដោយសារតែមានបញ្ហាបច្ចេកទេសក្នុងទូរស័ព្ទនាង។នាងបាន សរសេរថា”បញ្ហាបច្ចេកទេសក្នុងទូរស័ព្ទខ្ញុំកាន់តែយ៉ាប់ទៅៗហើយ។ ខ្ញុំចង់លុបវាទេ ប៉ុន្តែបែរទៅជាបង្ហោះទៅវិញ។ សុំទោសអ្នករាល់គ្នាផង”។

ចំណែកឯគូដណ្ដឹងរបស់នាង Alison វិញក្រោយពីបានដឹងពីរឿងនេះក៏គិតថាវាជារឿងគួរឲ្យអស់សំណើច ទៅវិញ។ លោកបានសរសេរនៅបណ្ដាញទំនាក់ទំនងសង្គម twitterថា “គូរដណ្ដឹងរបស់ខ្ញុំពិតជាគួរឲ្យអស់សំណើចមែន”។

Alison ពេលសម្តែងជាតួ Maggie ក្នុងរឿង The Newsroom

លោក Jay Baruchel តារាសម្ដែងក្នុងរឿង The Tropic Thunder បានសុំនាង Alison Pill រៀបការតាំងពីខែធ្នូឆ្នាំ២០១០។ អ្នកទាំងពីរជួបគ្នាពេលសម្ដែងក្នុងរឿង Goon in Winnipeg ជាមួយគ្នា។ តារាទាំងពីរនេះគឺជាជនជាតិកាណាដាដូចគ្នាហើយគេអ្នកទាំងពីរ នឹងរៀបការនៅខេត្ត Quebec នៃប្រទេសកាណាដា៕

ប្រែសម្រួល៖ គា ច័ន្ទនិមល
ប្រភព & រូបភាព៖ dailymail