ក្រុមហ៊ុនឧកញ៉ា ទ្រី ភាព កំពុងធ្វើសកម្មភាពកាប់បំផ្លាញព្រៃឈើនៅចំណុចស្រុកពេជ្រាដា និងស្រុកកោះញែក ខេត្តមណ្ឌល គិរី ហើយឈើទាំងតូចទាំងធំ ត្រូវបានមេការរបស់ឧកញ៉ា ទ្រី ភាព ម្នាក់ឈ្មោះគា បានប្រើឧប ករណ៍ម៉ាស៊ីនត្រង់ស៊ីន័រ កាប់បំ ផ្លាញព្រៃឈើដែលជាដែនជម្រកសត្វព្រៃនិងជីវចម្រុះ ដោយគ្មានក្រែងញញើតពីច្បាប់ទម្លាប់អ្វី នោះទេ។
មួយថ្ងៃៗគេសង្កេតឃើញរថយន្តរ៉េវដឹកឈើរាប់រយជើងចេញពីតំបន់ព្រៃនានា ដែលរងនូវការកាប់បំផ្លាញ ហើយឈើមួយចំនួនទៀតបានមកពីការប្រ មូលទិញពីប្រជាពលរដ្ឋ យកទៅស្តុកទុកក្នុងឃ្លាំងដ៏ធំមួយកន្លែង នៅជាប់ទីស្នាក់ការខណ្ឌរដ្ឋបាលព្រៃឈើខេត្តមណ្ឌលគិរីទាំងយប់ ទាំងថ្ងៃ គ្មាននរណាចាត់វិធានការបង្ក្រាបទេ។
សេចក្តីរាយការណ៍បានបញ្ជាក់ថា ទីតាំងស្តុកឈើដ៏ធំរបស់ក្រុមហ៊ុនឧកញ៉ា ទ្រី ភាព ស្ថិតក្នុងភូមិពូលុង សង្កាត់រមនា ក្រុងសែនមនោរម្យ ខេត្តមណ្ឌលគិរីហើយការរៀបចំឃ្លាំងស្តុក ឈើនៅជាប់ទីស្នាក់ការខណ្ឌរដ្ឋបាលព្រៃឈើនេះ ដើម្បីបន្លំជាឈើដែលបង្ក្រាបបានពីបទល្មើស ផ្សេងៗ ព្រោះក្រុមហ៊ុនឧកញ៉ា ទ្រី ភាព សំអាងលើអាជ្ញាប័ណ្ណប្រមូលទិញឈើ ដែលសមត្ថកិច្ចបង្ក្រាបបាននៅទូទាំងប្រទេស។ រឿងដែលក្រុមហ៊ុនឧកញ៉ា ទ្រី ភាព ទទួលបានសិទ្ធិប្រមូលទិញ ឈើដែលបង្ក្រាបបានពីបទល្មើសបែបនេះគ្រាន់តែជាលេសប៉ុណ្ណោះ ព្រោះតាមពិតទៅ បើយើងពិនិត្យលើទំហំនៃការដឹកជញ្ជូនឈើយក ទៅប្រៀបធៀបជាមួយចំនួនឈើដែលបង្ក្រាបបានគឺគ្មានតុល្យភាព ទាល់តែសោះ ព្រោះតែការបង្ក្រាប មានតិចតួច ប៉ុន្តែការដឹកជញ្ជូនឈើខុសច្បាប់របស់ឧកញ៉ា ទ្រី ភាព សឹងតែមួយគុណ២០០ដងនៃចំនួនឈើដែលបង្ក្រាបបាន។រូបភាពទាំងនេះច្បាស់ណាស់ ដែលថាក្រុមហ៊ុនឧកញ៉ា ទ្រី ភាព ដែលមានមេការឈ្មោះគា ឈរជើងនៅក្នុងខេត្តមណ្ឌលគិរី គឺចាំ ប្រមូលទិញឈើពីប្រជាពលរដ្ឋដែលទៅកាប់បំផ្លាញនៅតំបន់ព្រៃ ការពារក្នុងស្រុកកោះញែក និងស្រុកពេជ្រាដា និងមានការដឹកជញ្ជូនតាមរថយន្តរ៉េវ រាប់សិបគ្រឿង ចេញពីតាមតំបន់ព្រៃនានា យកមកស្តុកទុកក្នុងឃ្លាំង ជាប់នឹងខណ្ឌរដ្ឋបាលព្រៃឈើតែម្តង។
មានការរៀបរាប់យ៉ាងលម្អិតទៀត ថាការកាប់បំផ្លាញព្រៃឈើ ដោយម៉ាស៊ីនត្រង់ស៊ីន័រ និងសម្រុកដឹកជញ្ជូនតាមរថយន្តរ៉េវរាប់សិប គ្រឿងក្នុងមួយថ្ងៃៗ គឺកើតឡើងខ្លាំងជាងគេ នៅចំណុចឃុំពុតជ្រី និងឃុំក្រងតេស នៃស្រុកពេជ្រាដា រួមទាំងការដឹកឈើចេញពីស្រុកកោះញែក ឡើងតាមផ្លូវជាតិលេខ៧៦អា ត្រង់ចំណុចភូមិបាយឆៅ ដែលគេសង្កេតឃើញមានសុទ្ធតែឈើប្រភេទធ្នង់ និងនាងនួន ។
គេចង់ឃើញអភិបាលខេត្តមណ្ឌលគិរី លោក ចាន់ យឿននិងលោក ញែ៉ម វ៉ាន់នី ជាស្នងការនគរបាលខេត្តមណ្ឌលគិរី មេត្តាពិនិត្យមើលភាពអនាធិបតេយ្យដែលឈ្មោះគា កំពុងប្រើឥទ្ធិពលឧកញ៉ា ទ្រី ភាព ប្រមូលទិញឈើខុសច្បាប់និងដឹកជញ្ជូនតាមរថយន្តរ៉េវ យ៉ាងអនាធិបតេយ្យពីតំបន់ព្រៃការពារយកទៅស្តុកទុកក្នុងឃ្លាំងដ៏ធំមួយកន្លែងនៅជាប់ទីស្នាក់ការខណ្ឌរដ្ឋបាលព្រៃឈើខេត្តនោះផង ។
យោងតាមបទបញ្ជាលេខ០២ ក៏ដូចជាការរឹតបន្តឹងរបស់រាជរដ្ឋាភិបាលឈ្មោះ គា មិនអាចបង្កភាពអនាធិបតេយ្យបែបនេះបានទេប៉ុន្តែទំនងជាមានការឃុបឃិតគ្នាជាមួយមន្ត្រីជំនាញនិងសមត្ថកិច្ចពាក់ព័ន្ធទើបឈ្មោះគា អាចធ្វើអ្វីៗបានតាមទំនើងចិត្ត ហើយជាគោលការណ៍ក្រុមហ៊ុនឧកញ៉ា ទ្រី ភាព មានសិទ្ធិប្រ មូលទិញឈើពីការបង្ក្រាបបទល្មើសនិងដឹកជញ្ជូនធ្វើអាជីវកម្មយ៉ាងពេញបន្ទុក ៕
.jpg)
.jpg)
.jpg)
.png)
.jpg)
.jpg)
ជំនួញឈើប្រណិតប្រភេទធ្នុងកំពុងសម្រុកដឹកជញ្ជូនយ៉ាងគំហុកអាណាធិបតេយ្យទៅប្រទេសវៀតណាមតាមរយៈរថយន្តសាំយ៉ុង និងរថយន្តស៊េរីទំនើបដូចជា លុច្សស៊ីស បាឡែន ធុនត្រា ឡង់គ្រីស័រ ហាយឡែនដ័រជា...Read more
ក្រុមប្រជាពលរដ្ឋរស់នៅ ឃុំស្រែគរ ស្រុកសេសាន ខេត្តស្ទឹងត្រែង បានសម្ដែងនូវការហួសចិត្ត ស្របពេលដែលសកម្មភាពដឹកជញ្ជូនឈើមកស្តុកក្នុងផ្ទៃអាងកើតមានឡើងជាច្រើនឆ្នាំកន្លងមករហូតដល់ពេលបច្ច...Read more
យោងតាមប្រភពព័ត៌មានពីរដ្ឋសភាបានអោយដឹងថា លោក កឹមសុខា អនុប្រធានទី១នៃរដ្ឋសភាត្រូវបានសមាជិក៨៦សំលេងលើ៨៦សំលេង នៃសមាជិករដ្ឋសភាមកពីគណបក្សកាន់អំណាចបានបោះឆ្នោតទំលាក់ជាផ្លូវក...Read more
បែកធ្លាយរឿងអាស្រូវស្អុយបញ្ច្រាស់ខ្សល់មួយ ពីមន្ត្រីសាលាខេត្តថា អង្គភាពប្រឆាំងអំពើពុករលួយដែលមានលោក ឱម យិនទៀង ជាប្រធាន បានចេញលិខិតព្រមានប្រធានសាខាពន្ធដារនៅខេត្តបន្ទាយមានជ័យជាលើកទី២ ឲ្យបញ្ឈប់កា...Read more
ក្រោយពីមានការរិះគន់និងកាសែត ក្នុងស្រុកមួយចំនួនចុះផ្សាយពីភាពពុករលួយ របស់មន្ត្រីគយនៅច្រកទ្វារអន្តរជាតិប៉ោយប៉ែតខេត្តបន្ទាយមានជ័យ ដែលបានបើកដៃឲ្យឈ្មួញតូចធំនាំចូលទំ...Read more
Post by សារព័ត៌មាន កម្ពុជាសុវណ្ណភូមិ | Kampuchea Sovanphum News....Read more
ការចិញ្ចឹមត្រីឆ្ដោរល្មើសច្បាប់ច្រើនហួសប្រមាណ ធ្វើអោយមានតម្រូវការត្រីល្អិតយកមកធ្វើជាចំណីត្រីឆ្តោរទាំងនោះច្រើនឡើងៗ ដោយការប្រើឧបករណ៍នេសាទចាប់យកត្រីល្អិតច្រើនជាងគេក្នុង...Read more
យុត្តិសាស្ត្រ ទី១. "ដាក់ថ្នាំបន្ទន់ឆ្អឹង រួចលេបទាំងមូល និងពង្វក់ឲ្យខ្មែរមានគំនិតអាត្មានិយម សក់អាណាក្បាលអាហ្នឹង" អាជ្រឹមកំពុងធ្វើការងារនេះរាល់ថ្ងៃ។
យុត្តិសាស្ត្រ ទី២. "ដា...Read more
នគរបាលការិយាល័យអន្តោរប្រវេសន៍នៃស្នងការខេត្តសៀមរាបបានធ្វើការហៅសង្សជនជាតិយួន១អង្គរ មកធ្វើកិច្ចបញ្ឈប់លែងអោយដើរបិណ្ឌបាតបន្តទៅទៀតនេះបើយោងតាមការអោយដឹងពីសមត្ថកិច្ច។
មន្ត្រីនគរបាល ការិយាល...Read more
ស្រ្តីជនជាតិថៃម្នាក់ត្រូវបានបុរស់ជនជាតិខ្មែរ ឆ្លងដែនទៅឆក់ខ្សែក នៅវេលាម៉ោង៨:២៥នាទី ព្រឹកថ្ងៃទី១៦ ខែវិច្ឆិកា ឆ្នាំ២០១៤ នៅចំណុចផ្សារថៃ ស្ថិតនៅភូមិសូន្យសាន ឃុំតាប់ថៃ ស្រុកតាប់ប្រាយ៉...Read more
| ថ្ងៃនេះ | 34426 | នាក់ |
| ម្សិលមិញ | 42319 | នាក់ |
| សប្ដាហ៍នេះ | 76759 | នាក់ |
| ខែនេះ | 224032 | នាក់ |
| ឆ្នាំនេះ | 2968336 | នាក់ |
| សរុប | 56567232 | នាក់ |
| ថ្ងៃទី 06 ខែ 05 ឆ្នាំ 2025 ម៉ោង 18:06 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net