ផ្លូវដីក្រហមមួយខ្សែមានប្រវែងប្រហែល៥រយម៉ែត្រស្ថិតក្នុង ភូមិសាលាកន្សែង សង្កាត់ស្វាយដង្គំ ក្រុង-ខេត្តសៀមរាប ភ្ជាប់ជាមួយផ្លូងជាតិលេខ៦ ក្រោយការាសសាំងតេលា ត្រូវបានប្រជាពលរដ្ឋរិះគន់ថា ថ្នាក់ដឹកនាំខេត្ត និងមន្ទីរសាធារណៈការ ធ្វើផ្លូវមិនរួចទុកអោយដីហុយបណ្តាលអោយពួកគាត់ពិបាករស់នៅ នឹងជិតកើតរោគល្បេងទាំងចាស់ទាំងក្មេងអស់ហើយ។
ជាក់ស្តែងនៅរសៀលថ្ងៃទី១៦ ខែមិនា ឆ្នាំ២០១៣នេះ មានបងប្អូនប្រជាពលរដ្ឋជាច្រើននាក់បាននាំផ្តល់បទសំភាសដល់អ្នកសារព័ត៌មាន អំពីបញ្ហាដែលពួកគាត់កំពុងប្រឈមជារៀងរាល់ដោយសាដីក្រហមហុយទាំងយប់ទាំងថ្ងៃ គ្របដណ្តប់ទៅលើផ្ទះរបស់ពួកគាត់ ពីស័ង្កសីពណ៍ខៀវឡើងទៅជាពណ៍ក្រហមអស់ហើយ ជាពិសេសកូនចៅក្រុមគ្រួសាររបស់ពួកគាត់ទាំងចាស់ទាំងក្មេងកើតជំងឺគ្រុនផ្តាសា រលាកផ្លូវដង្ហើម ក្អកខេសៗជិតកើតល្បេងអស់ហើយ។
ប្រជាពលរដ្ឋបានអោយដឹងថា ពួកគាតមិនដឹងថា ផ្លូវមួយខ្សែនេះខាងក្រុមហ៊ុនណាជាអ្នកធ្វើទេ តែធ្លាប់លឺថា កាលពីរដូវវស្សាឆ្នាំមុនមានអ្នកធំម្នាក់ជិះរថយ្តឆ្លងកាត់តាមផ្លូវខាងលើនេះ ឃើញសភាពផ្លូវដាច់ទឹកហូរកាត់ផ្លូវស្ទើលិចរថយន្ត ស្រាប់តែអ្នកធំរូបនោះបានបញ្ជាអោយខេត្តជុសជុលផ្លូវខាងលើនេះជាបន្ទាន់។ ពួកគាត់បន្តថា ផ្លូវនេះធ្វើមិនទាន់រួចទេ លូដាក់បីកង់ៗពីមុខផ្ទះ មិនទាន់ទាំងលុបដី ពុំនូកដី និងលូដាក់ពាសពេលថ្នល់រួចទុកចោលអស់រយៈពេលប៉ុន្មានខែទៅហើយនៅតែមិនឃើញគេមកសាងសង់បន្ថែម។ ពួកគាត់បន្ថែមថា ជារៀងរាល់ថ្ងៃមានរថយន្តទេសចរណ៍ធំៗបើឆ្លងកាត់ផ្លូវនេះជាច្រើន ព្រោះរថយន្តទាំងនោះគេចពីការកកស្ទះចរាចរណ៍តាមភ្លើងស្តុបផ្លូវជាតិលេខ៦។
ប្រជាពលរដ្ឋសុំអំពាវនាវដល់ លោកស៊ូ-ភិរិន្ទ អភិបាលខេត្តសៀមរាប និងលោកគឹម-ប៊ុនណា ប្រធានសាធារណការមេត្តាឆាប់បញ្ចប់គំរោងសាងសង់ផ្លូវខាងលើនេះទៅ បើចង់អោយផ្លូវមួយខ្សែនៅកណ្តាលក្រុងសៀមរាបនេះក្លាយជាផ្លូវដែលមានឈ្មោះថា ទីក្រុងស្អាត ព្រោះអ្នករស់នៅតាមដងផ្លូវនេះជិតត្រូវដីហុយគ្របជិតអស់ហើយ។
ពាក់ព័ន្ធករណីខាងលើនេះអ្នកយកព័ត៌មានយើងបានសុំសាកសួរទៅលោក អឿន-ពៅ អភិបាលរងក្រុងទទួលបន្ទុកសណ្តាប់ធ្នាប់ក្រុង តែលោកបានប្រាប់តាមទូរស័ព្ទថា គំរោងជុសជុលផ្លូវខាងលើនេះមិនមែនជាគំរោងរបស់សាលាក្រុងទេសុំសាកសួរទៅខាងខេត្តវិញ។
លោក គឹម-វណ្ណៈ នាយកទីចាត់ការអន្តរវិស័យនៃសាលាខេត្តសៀមរាប បានប្រាប់តាមទូរស័ព្ទនៅរសៀលដដែលនេះថា លោកពុំបានដឹងទេរឿងក្រុមហ៊ុនណាជាអ្នកទទួលជុសជុលផ្លូវខាងលើនេះ សុំអោយទំនាក់ទំនងទៅខាងប្រធានហិរញ្ញវត្ថុវិញ។
លោក សោម-សំសាក់ នាយកទីចាត់ការហិរញ្ញវត្ថុនៃសាលាខេត្តសៀមរាប មិនអាចសុំការបំភ្លឺបានទេ ព្រោះទូរស័ព្ទចូល២ដងមិនមានអ្នកលើកទទួលនៅរសៀលដដែលនេះ។
យើងក៏ពុំអាចសុំការបំភ្លឺពីលោក គឹម-ប៊ុណ្ណា ប្រធានសាធារណការបានដែរព្រោះលោកទើបឡើងកាន់តំណែងថ្មី ពុំទាន់មានអ្នកស្គាល់លេខទូរស័ព្ទទេ។
ពលរដ្ឋខេត្តសៀមរាបរិះកន់ថា ដោយសាលោក ស៊ូ-ភិរិន្ទ ជិតអស់តំណែងជាអភិបាលខេត្តសៀមរាប ទើបលោកមើលពុំឃើញ ពីបញ្ហាផ្លូវថ្នល់ដាច់ លិចទឹក ធ្វើមិនរួចទុកអោយដីហុយបំផ្លាញសុខភាពប្រជាពលរដ្ឋបែបនេះ ហើយពួកគាត់ក៏សុំផ្ញើទុក្ខលំបាកខាងលើនេះ ជូនសម្តេចហ៊ុនសែន នាយករដ្ឋមន្រ្តីកម្ពុជាមេត្តាសម្តេចនែនាំលោកស៊ូភិរិន្ទ ផងកុំអោយគាត់ជាប់រវល់នៅតែក្នុងម៉ាស៊ីនត្រជាក់ពេក គិតគូដល់ផ្លូវថ្នល់ដីហុយ ផ្លូវថ្នល់លិចទឹកផង៕ដោយ៖ ផ្លុង-រ៉េត
.jpg)
.jpg)
.jpg)
.png)
.jpg)
.jpg)
លោក ម៉ៃ ទិត្យថារ៉ា ជាអ្នកកាសែតពីរភាសា (ភាសាខ្មែរ និងភាសាអង់គ្លេស) ធ្វើការនៅសារព័ត៌មានភ្នំពេញប៉ុស្តិ៍ បានបង្កើតសាលាបង្រៀនភាសាអង់គ្លេស និងកុំព្យូទ័រ មិនយកប្រាក់មួយ នៅស្រុកកំណើត រប...Read more
ក្រុមឈ្មួញបានឃុបឃិតគ្នាជាមួយសមត្ថកិច្ចតាមព្រំដែន នាំចូលម៉ូតូគេចពន្ធពីប្រទេសថៃចូលមកប្រទេសកម្ពុជា តាមច្រករបៀង ពីមួយថ្ងៃទៅមួយថ្ងៃ មានការនាំ ចូលម៉ូតូគេចពន្ធទាំងនោះ ម...Read more
រថយន្តសាន់យ៉ុងពណ៍សគ្មានស្លាកលេខដឹកឈើសិប្បកម្មពីលើ បង្កប់ឈើប្រណិតខាងក្រោមមួយគ្រឿងត្រូវបានរដ្ឋបាលព្រៃឈើបង្ក្រាបនៅចំណុចផ្លូវហៃវ៉េក្នុងស្រុកប្រាសាទបាគងនៅវេលាម៉ោង៩និង៥០នាទី...Read more
ប្រជាពលរដ្ឋ២៥០គ្រួសា នៅឃុំកំពង់ភ្លុគ បានលើកគ្នាមកតវ៉ានៅចំណុចភូនិកំពង់ថ្កូវ ឃុំមានជ័យ ស្រុកបានសាទបាគង តាំងពីម៉ោង៩ព្រឹករហូតដល់ល្ងាចថ្ងៃទី១០ ខែមិថុនា ឆ្នាំ២០១៥ ដោយពួកគាត់...Read more
ការចិញ្ចឹមត្រីឆ្ដោរល្មើសច្បាប់ច្រើនហួសប្រមាណ ធ្វើអោយមានតម្រូវការត្រីល្អិតយកមកធ្វើជាចំណីត្រីឆ្តោរទាំងនោះច្រើនឡើងៗ ដោយការប្រើឧបករណ៍នេសាទចាប់យកត្រីល្អិតច្រើនជាងគេក្នុង...Read more
ច្បាប់ស្តីពីព្រៃឈើ
ជំពូក៨: ការហាមឃាត់ការប្រមូលផល អនុផលព្រៃឈើ និងការការពារព្រៃឈើ
មាត្រា ៣២: ព្រៃឈើត្រូវបានការពារប្រឆាំងនឹងរាល់សកម្មភាពដែលធ្វើអោយខូចខាត បណ្តាលមកពី...Read more
សេចក្តីប្រកាសព័ត៌មាន ស្តីពី លទ្ធផលនៃសម័យប្រជុំលើកទី៧ព្រឹទ្ធសភានីតិកាលទី៣ ថ្ងៃសុក្រទី១៧ ខែកក្កដា ឆ្នាំ២០១៥។ សូមចុចលើរូបភាពខាងក្រោម ដើម្បីអានព័ត៌មានលំអិត...Read more
កម្ពុជាជាប្រទេសដែលកំពុងអភិវឌ្ឈន៍បែបជំហ៊ានគីញគគ់ នេះបើយោងតាមប្រសាសន៍របស់លោកនាយកយករដ្ឋមន្ត្រី ហ៊ុនសែន ហើយគេសង្កេតឃើញថា មានប្រជាពលរដ្ឋកម្ពុជាជាច្រើនសែននាក់អត់ការងារធ្វើបានធ...Read more
ពលរដ្ឋខេត្តសៀមរាបបានធ្វើការរិះគន់ធ្ងន់ៗថា អ្នកគ្រប់គ្រងអគ្គីសនីខេត្តបានធ្វើការចែកចាយភ្លើងមិនមានតម្លាភាពបន្ទាប់ពីភ្លើងបានដាច់ ដោយសាខ្យល់បក់លាយភ្លៀងបណ្តាលអោយបង្គោលភ្លើងបាន...Read more
ប្រជាពលរដ្ឋនៅឃុំកណ្តែកមួយក្រុមបានលួចបង្ហើបអោយដឹងថា លោកខាំលឿមេឃុំកណ្តែកកំពុងតែកាប់រានដើមរាំងទឹក ព្រមទាំងចាក់ថ្នាំសំលាប់ដើមរាំងមិនអោយដុះឡើងវិញ ដើម្បីយកដីធ្វើស្រែប្រាំ...Read more
| ថ្ងៃនេះ | 35496 | នាក់ |
| ម្សិលមិញ | 42319 | នាក់ |
| សប្ដាហ៍នេះ | 77829 | នាក់ |
| ខែនេះ | 225102 | នាក់ |
| ឆ្នាំនេះ | 2969406 | នាក់ |
| សរុប | 56568302 | នាក់ |
| ថ្ងៃទី 06 ខែ 05 ឆ្នាំ 2025 ម៉ោង 18:49 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net