ក្រុមហ៊ុនចិនវិនិយោគ ផ្លូវដែក និងរោងចក្រស្លដែក នៅព្រះវិហារ លើទឹកប្រាក់ជាង ៩៦០០ លានដុល្លារ

ពិធី​ចុះហត្ថលេខា​លើ​គម្រោង​ស្ថាបនា​ផ្លូវដែក ភ្នំ​រ៉ែ ខេត្តព្រះវិហារ និង​កំពង់ផែ​សា​មិ​ត ធ្វើឡើង នៅវេលា​ម៉ោង​១២ ថ្ងៃត្រង់ ថ្ងៃទី​៣១ ខែធ្នូ ឆ្នាំ​២០១២ នៅ​សណ្ឋាគារ អ៊ី​ន​ខន​ទឺណ​ង​តា​ល់ រាជធានី​ភ្នំពេញ ក្រោម​អធិបតី​លោក ត្រាំ អ៊ីវតឹក រដ្ឋ​មន្ត្រី​ក្រ​សួង​​សាធារណៈការ​នឹង​ដឹក​ជ​ញ្ចូ​ន​។

​លោក​Zhang Chun li អគ្គ​នាយ​ក្រុមហ៊ុន​ Cambodia Iron &Steel Mining Industry Group​បាន​មានប្រសាសន៍ ប្រាប់​ក្រុម​អ្នក រាយការណ៍​ថា ៖ គម្រោង​ស្ថាបនា​ផ្លូវដែក ភ្នំ​រ៉ែ ខេត្តព្រះវិហារ និង​កំពង់ផែ​សា​មិ​ត ធ្វើឡើង​ក្រោម​ទឹកប្រាក់ វិនិយោគ ចំនួន ៩៦០០ លាន ដុល្លារ​។ ហើយ​ផ្លូវដែក​ដែល​គ្រោង សាង សង់​នោះ​គឺ ជា​ផ្លូវដែក​ថ្មីស្រឡាង​ពុំមាន​ជាប់​ទាក់​ទង​​នឹង​ផ្លូវដែក​ចាស់​ពីមុនមក​ទេ​។​

លោក​Zhang Chun li អគ្គ​នាយក្រុម​ហ៊ុន​បាន​មានប្រសាសន៍​បន្តថា​៖​ចំពោះ​កំពង់ផែ ដែល​គ្រោង​សាងសង់ មាន​សមត្ថ​ភាព ផ្ទុកទំនិញ បាន​៥០​លាន​តោន​។ ចំពោះ​ការសាងសង់ រោងចក្រ ស្លដែក នៅ​ខេត្តព្រះវិហារ នូវ​ទឹកប្រាក់ ចំនួន​១៦០០​លាន​ដុល្លារ ដែល​និង​ចាប់ផ្តើម សាងសង់ នៅក្នុង​អម្លុង ខែ​កក្ត​ដា ឆ្នាំ​២០១៣ ដែលមាន​ទំហំ​​ជាង​១០​គីឡូម៉ែត្រ និង​អាច​ស្រូប​យក​កម្មករ​ខ្មែរ​ចំនួន​ជាង​២​ម៉ឺ​នាក់ និង កម្មករ​ជំនាញ​ចិន​ជាង​៣០០០​នាក់​ហើយ​រយៈពេល​សាងសង់​៤​ឆ្នាំ​សម្រាប់​ការសាងសង់​ផ្លូវ​រថភ្លើង​និង​កំពង់ផែ​សា​មិត្ត​។ 

ចំណែកឯ ផ្លូវ​រថភ្លើង​មាន​ដែលមាន ​ប្រវែង​សរុប ៤០៤,៤៨១ គីឡូម៉ែត្រ​។ ស្ពាន​ឆ្លង​សមុទ្រ​កំពង់ផែ​សា​មិ​ត មាន​ប្រវែង ៣.១៩២ ម៉ែត្រ ដែល​ស្ថិតនៅ​កោះ​ម្នាស់ ជិត​ឆ្នេរសមុទ្រ ក្នុង​ទិសនិរតី​ប្រទេស​កម្ពុ​ជាមាន​ចំណត​ស្ថានីយ៍​ចំនួន ១១​កន្លែង​។​
លោក​Zhang Chunli​បាន​មាន​ប្រសា​ស​ន៏​បន្តថា​៖ ​រោងចក្រ​ស្លដែក​នៅ​ព្រះវិហា​មានកំ​រោង​សាងសង់​រយៈ ពេល​២​ឆ្នាំកន្លះ បន្ទាប់ពី​ការ ដាក់​ឲ្យ ដំណើរការ រោច​ចក្រ ស្លដែក​នេះ នៅក្នុង​ងរ​យៈ ពេល​៣​ឆ្នាំ​ដំបូង គឺ រោងចក្រ​ស្លដែក​នៅ​ខេត្តព្រះវិហារ​មាន​សមត្ថភាព ផលិត​ដែក សម្រាប់​បំរើ​វិស័យ​សំណង់​បាន​ចំនួន​១​លាន​តោន​ក្នុង​មួយឆ្នាំ​នៅក្នុង​រយៈពេល​៣​ឆ្នាំ​ដំបូង​។​

លោក​អគ្គនាយក​បាន​មានប្រសាសន៍ ឲ្យ​ដឹង​បន្តថា វត្ថុធាតុដើម​រ៉ែ សម្រាប់​បំរើ ឲ្យ​សេចក្តីត្រូវការ រោងចក្រ ស្លដែក នៅ​ព្រះវិហារ​នោះ​គឺ យក​ចេញពី​តំបន់ មាន​រ៉ែ​ដែក ក្នុង​ខេត្តព្រះវិហារ កំពង់ធំ និង​បណ្តា​ខេត្ត មួយចំនួនទៀត ដែលមាន​រ៉ែ​ដែក ដោយ ពុំ​ចាំបាច់​នាំ​វត្ថុ ធាតុ​ដើម ពី​ក្រៅ ប្រទេស​ឡើយ។

លោកត្រាំអ៊ីវតឹក រដ្ឋមន្ត្រីក្រសួង សាធារណៈការនិងដឹកជញ្ជូនបានមានប្រសាសន៍នៅ ក្នុងពិធីចុះហត្ថលេខានោះថា ៖ គំរោងសាងសង់ ផ្លូវដែកនេះ គឺជាគំរោងសាងសង់ថ្មី។ លោករដ្ឋមន្ត្រីបានមានប្រសាសន៍បន្តថា ៖ បើការវិនិយោគនេះ ទទួលបានជោគជ័យ គឺជួយដល់ ការអភិវឌ្ឍន៍ សេដ្ឋកិច្ច ប្រទេសកម្ពុជានិង ផ្លូវដែកនេះ ជួយដឹកជញ្ចូន ផលិតផល កសិកម្ម ដឹកជញ្ជូន ភ្ញៀងទេសចរណ៍ ជាពិសេសផ្តល់ ឱកាសការងារ ដល់ប្រជាពលរដ្ឋ កម្ពុជា បានជាច្រើន នាក់​៕