កាណូតរាប់រយគ្រឿងធ្វើសកម្មភាព អូសលៀស អូសខ្ចៅពេញមួយចំហៀងបឹងទន្លេសាប ស្ថិតក្នុង ឃុំកំពុងឃ្លាំង ស្រុកសូទ្រនិគម ខេត្តសៀមរាប បណ្តាលអោយផ្ទៃទឹកដ៏ធំធេង មានជម្រៅពី៧-៨ម៉ែត្រ ក្លាយពីថ្លាទៅជាល្អក់កករស្លាប់ត្រី ស្លាប់បង្គា និងបង្កអោយមានបញ្ហាដល់បងប្អូនប្រជានេសាទលក្ខណៈគ្រួសារជាច្រើនពាន់នាក់។
ប្រជាពលរដ្ឋនៅឃុំកំពុងឃ្លាំងបានរាយការណ៍ថា មានកាណូតអូសលៀសអូសខ្ចៅរាប់រយគ្រឿងកំពុងធ្វើសកម្មភាពយ៉ាងគគ្រឹគគ្រេងទាំងយប់ទាំងថ្ងៃ ពេញផ្ទៃទន្លេសាប ដែលជាហេតុបណ្តាលអោយទឹកទន្លេប្រែក្លាយជាល្អក់កករ ស្លាប់ត្រីស្លាប់បង្គា ស្លាប់ពពួកត្រីដែលរស់នៅក្នុងភគ់បាតទន្លេសាបនេះតែម្តង។ ពួកគាត់បន្តថា ការអូសលៀសអូសខ្ចៅវាគ្មានផលល្អទេ ពេលខ្លះវាអូសដាច់មងដាច់សន្ទួចរបស់ប្រជាពលរដ្ឋដែលជាអ្នកប្រកបរបរនេសាទជាលក្ខណៈគ្រួសារ។ ពួកគាត់បន្តទៀតថា កាលពីឆ្នាំមុនឃើញគេបិទទូកកាណូតអូសលៀសបានមួយរយៈពួកគាត់ខំតែអ និងថ្លែងអំណរគុណដល់រដ្ឋាភិបាលដែលយកចិត្តទុកដាក់ចំពោះរាស្រ្តក្រីក្រ តែឥឡូវមិនដឹងជាមូលហេតុអ្វីស្រាប់តែកាណូតអូសលៀសអូសខ្ចៅចាប់ផ្តើមអូសពេញទឹកពេញដីសាជាថ្មី ហើយច្រើនជាងមុនទៀតផង។ ពលរដ្ឋបន្ថែមថា ពួកគាត់សប្បាយរីករាយ និងចងចាំមិនភ្លេចទេ ការដែលរដ្ឋាភិបាលកម្ពុជាមានគំនិតឈ្លៀសវៃ បានបិតឡូនេសាទឯកជននៅបឹងទន្លេសាប ទុកអោយប្រជារាស្រ្តប្រកបរបរចិញ្ចឹមជីវិតដោយសេរីបែបនេះ។
ពលរដ្ឋម្នាក់សុំមិនបញ្ចេញឈ្មោះបានលួចខ្សឹបប្រាប់ថា មូលហេតុដែលក្រុមអូសលៀសអូសខ្ចៅ ក្រុមរុញស៊ីប ដាក់ណរចរ៉ាវវែងៗ ដាក់ឆ្នុក ហ៊ានប្រកបរបររកស៊ីនេះឡើងវិញ ព្រោះមានមនុស្ស២-៣នាក់តាំងខ្លួនជាថ្នាក់រដ្ឋមន្រ្តីនៅឯរាជធានីភ្នំពេញបានអះអាងថា រាជរដ្ឋាភិបាលកម្ពុជាបានលុបបទបញ្ជាលេខ ០០១ ចេញហើយ ដូច្នេះប្រជាពលរដ្ឋអាចប្រកបរបរខាងលើនេះបានដោយសេរីមិនចាំបាច់ភ័យខ្លាចអីទេ។
ប្រភពច្បាស់ការបានអោយដឹងថា មានដង្ខៅធំៗ៣នាក់ដែលកំពុងប្រមូលទិញលៀសដឹកឡានកូរ៉េធំៗ ពីឃុំកំពុងឃ្លាំង ស្រុកសូទ្រនិគម ខេត្តសៀមរាប ដែលមានឈ្មោះទី១-ចែសុខ លោករ៉ុង ទី២-លោកស៊ុន ចែញ៉ែត ទី៣-លោកហាប់ ចែថូ។ ប្រភពបន្តថា ចែសុខមិនត្រឹមតែជាថៅកែប្រមូលទិញលៀសខ្ចៅប៉ុណ្ណោះទេ គាត់ថែមទាំងមានទូកកាណូតអូសលៀសខ្ចីជាច្រើនគ្រឿងទៀតផង។
ចែសុខបានប្រាប់អ្នកយកព័ត៌មានយើងកាលពីរសៀលថ្ងៃទី២០ថា គាត់ជាអ្នកទិញលៀសពីពលរដ្ឋមែន ហើយគាត់ពុំបានខ្វល់រឿងច្បាប់ទំលាប់អីទេ បើគេមានលៀសលក់គឺគាត់ទិញ ការអូសលៀសខុសច្បាប់ ឬត្រូវច្បាប់ជារឿងរបស់អ្នកអូសលៀសតែប៉ុណ្ណោះ គាត់អត់ឈីក្បាលវិលមុខអីទេ ចង់អូសរីងទាំងទឹកទន្លេសាបក៏គាត់មិនដឹងដែរ ព្រោះប្តីគាត់ធ្វើទាហ៊ានប្រាក់ខែតិច គាត់ត្រូវតែរករបរក្រៅទើបអាចស៊ីគ្រប់។
លោក ព្រិនសាវិន នាយខណ្ឌរដ្ឋបាលជលផលខេត្តសៀមរាបបានប្រាប់តាមទូរស័ព្ទនៅរសៀលថ្ងៃទី២១នេះថា អ្នកដែលនិយាយថា រដ្ឋាភិបាលលុបបទបញ្ជាលេខ០០១នោះវាមិនពិតទេ វាជាការឃោសនាអកុសល្យតែប៉ុណ្ណោះ។ លោកបានបន្តថា ខាងជលផលបានទទួលការប្រកាសថ្មីដែលអនុញ្ញាតិអោយពលរដ្ឋ ទី១-អាចអូសអួនដោយដៃដែលមានប្រវែងខ្លីៗ ទី២-ណររ៉ាវអនុញ្ញាតិអោយបានតែប្រវែង៥០ម៉ែត្រតែប៉ុណ្ណោះ និងទី៣-លៀសខ្ចៅពលរដ្ឋអាចប្រើកញ្ច្រែងកើបដោយដៃ មិនអោយប្រើម៉ាស៊ីនអូសដែលមានឧបករអូសមានមុខប្រវែង២-៣ម៉ែត្រដូចមុននោះទេ។
ពលរដ្ឋនៅឃុំកំពុងឃ្លាំង សូមសំនូមពរទៅលោក ព្រិនសាវិន នាយខណ្ឌរដ្ឋបាលជលផលខេត្តសៀមរាប ឯកឧត្តម ណៅធួក រដ្ឋមន្រ្តីជលផល និងជាពិសេសសម្តេច ហ៊ុន-សែន មេត្តបញ្ឈប់សកម្មភាពបទល្មើសនេសាទខាងលើនេះទៅ ដើម្បីជីវភាពរាស្រ្តក្រីក្រ និងដើម្បីការពារត្រីក្នុងបឹងទន្លេសាបអោយបានគង់វង់ទៅអនាគត់៕
.jpg)
.jpg)
.jpg)
.png)
.jpg)
.jpg)
លោក ប៉ាតសុខ ភេទប្រុស អាយុ៤៤ឆ្នាំ រស់នៅភូមិវាល សង្កាត់ជ្រាវ ក្រុងសៀមរាប ខេត្តសៀមរាប ត្រូវបានលោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តសៀមរាប ចេញដីការកោះហៅអោយចូលបំភ្លឺនៅថ្ងៃទី១៩ ខ...Read more
ល្បែងស៊ីសងគ្រប់ប្រភេទ បានកើតមានឡើងជាច្រើនកន្លែងក្នុងខេត្តបន្ទាយមានជ័យ ក្រោយពីអភិបាលខេត្តថ្មី ស្នងការនគរបាលថ្មី មេបញ្ជាការ អ ហ ថ្មី ចូលកាន់តំណែងមក ពលរដ្ឋរិះគន់ថា នៅក្រុងសិរីសោភ័ណ ជាជ...Read more
ក្រុមប្រជាពលរដ្ឋរាប់ពាន់នាក់បានផ្អើលឈូឆរទាំងប្រុសទាំងស្រី ភ្លូកទឹកភ្លូកដី នាំគ្នាទៅមើលសាកសពស្រ្តីម្នាក់ឈ្មោះ ចាន់ធាន អាយុ២៣ឆ្នាំ ដែលបានស្លាប់នៅមន្ទីពេទ្យខេត្តកាលពីថ្ង...Read more
រឿងដ៏ចម្លែកដែលពុំដែលធ្លាប់លឺមួយបានកើតឡើងដោយ គ្រូពេទ្យបង្អែក ផ្នែកវះកាត់ម្នាក់បានរត់គេចខ្លួនពីមន្ទីរពេទ្យបង្អែកខេត្តក្រចេះនៅព្រឹកថ្ងៃទី១៨ ខែកក្កដា ឆ្នាំ២០១៥នេះ បន្ទ...Read more
ជាយូរណាស់មកហើយដែលឈ្មួញឈើក្រញូងដ៏ល្បីល្បាញម្នាក់ឈ្មោះ តឿ បានធ្វើសកម្មភាពដឹកជញ្ជូនឈើក្រញូងចេញពីស្រុកអន្លង់វែង ឆ្លងកាត់ខេត្តសៀមរាបយកទៅលក់នៅព្រំដែនប្រទេសវៀតណាមយ៉ាងសកម្មបំផ...Read more
ប្រជាពលរដ្ឋកម្ពុជា និងសហព័ន្ធនិស្សិតបញ្ញវន្តកម្ពុជា ស្នើសុំមអោយលោក នាយករដ្ឋមន្ត្រី ហ៊ុនសែន ដកលោក ហោណាំហុង រដ្ឋមន្ត្រីក្រសួងការបរទេសចេញពីដំណែង បន្ទាប់ពីមានប្រតិកម្មខ្លាំងៗ ចំពោ...Read more
គេសង្កេតឃើញថា មានបុគ្គលមួយចំនួននៅបំរើការក្នុងក្រសួងសង្គមកិច្ចមានបក្ខពួកនិយម បណ្តាលអោយមានភាពអយុត្តិធម៌លើមន្ត្រីរាជការ ដូច្នេះលោក ចេង ដារ៉ាវុធ (អតីត) ប្រធានស្តីទីនាយកដ...Read more
ជនសង្ស័យ២នាក់ត្រូវបានកំលាំងកងរាជអាវុធឃាត់ខ្លួនករណីជួញដូរគ្រឿងញៀនប្រភេទយ៉ាម៉ា១១គ្រាប់ត្រូវបានកសាងសំណុំរឿងបញ្ជូទៅសាលាដំបូងខេត្តបន្ទាយមានជ័យនាព្រឹកថ្ងៃទី១០កញ្ញា២០១៤។
លោ...Read more
ស្ត្រីជនជាតិយួន វ័យ៦០ឆ្នាំម្នាក់ ត្រូវបានកម្លាំងនគរបាលមន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ សហការជាមួយកម្លាំងនគរបាលមូលដ្ឋាន ធ្វើការឃាត់ខ្លួនភ្លាមៗ ក្រោយពីធ្វើការឆែកឆ...Read more
| ថ្ងៃនេះ | 15510 | នាក់ |
| ម្សិលមិញ | 43933 | នាក់ |
| សប្ដាហ៍នេះ | 101785 | នាក់ |
| ខែនេះ | 249058 | នាក់ |
| ឆ្នាំនេះ | 2993362 | នាក់ |
| សរុប | 56592258 | នាក់ |
| ថ្ងៃទី 07 ខែ 05 ឆ្នាំ 2025 ម៉ោង 04:25 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net
