ប្តូតំណែងអភិបាលស្រុកថ្ពងរំពឹងថានិងមានការអភិវឌ្ឍន៏កាន់តែប្រសើរជាងមុន

ក្រោយពីការចូលនិវត្តន៏របស់លោក ទួន សុង អតីតអភិបាលស្រុកថ្ពង លោក ងួន ឡាញ់​អតីត​អភិបាលរងស្រុកថ្ពង ត្រូវបានតែងតាំងជាអភិបាលស្រុកថ្ពង ខេត្ត​កំពង់ស្ពឺ​ ក្រោមអធិបតីភាព​ឯកឧត្តម កង ហ៊ាង អភិបាលខេត្តកំពង់ស្ពឺ ព្រមទាំង​មាន​​ការ​ចូលរួម​ពី​សំណាក់​អស់លោក លោកស្រី​ជា​ថ្នាក់ដឹកនាំ​មកពី​បណ្តា​មន្ទីរ​​ជា​ច្រើន​រូប​​ និង​​មន្ត្រីរាជការ កង​កំលាំង​ប្រដាប់​អាវុធ​ទាំង​៣​អង្គភាព​ផង​ដែរនៅ​រសៀល​ថ្ងៃទី១២ ខែវិច្ឆិការ ឆ្នាំ២០១២។

​ឯកឧត្តម កង ហាង អភិបាលខេត្តកំពង់ស្ពឺ បាន​មានប្រសាសន៍​សំដែង​នូវ​ការកោតសរសើរ​ដល់ថ្នាក់​ដឹកនាំស្រុក ​ទាំងអស់​ដែល ក្នុង​រយៈពេល​កន្លងមក​នេះ បាន​ខិតខំ​យក​ចិ​ត្ដ​ទុកដាក់ បំពេញភារកិច្ច​តាម​តួនាទី និង​ភារកិច្ច​របស់ខ្លួន​ដោយបាន​ចូលរួម យ៉ាងសកម្ម​ភាពការពារ​សន្ដិសុខ​សុវត្ថិភាព ជូន​ប្រជា​ពល​រដ្ឋ​នៅ​គ្រប់​មូលដ្ឋាន​ដែល​ធ្វើអោយ​បទល្មើស​មួយចំនួនធំ​មានការ​ ថយចុះ​។ ជាមួយនេះ​អាជ្ញាធ​បាន​សហការជាមួយមន្ដ្រីនគរបាល​ទាំងអស់ បាន​ចូលរួម​អនុវត្ដ​ជាប្រចាំ​នូវ​គោលនយោបាយ​ភូមិ​ឃុំ​មាន​សុវត្ថិភាព អនុវត្ដ​តាម​លក្ខណៈ​សម្បត្ដិ​ទាំង​៥​យ៉ាង​របស់​គោលនយោបាយ​ភូមិ​ឃុំ​មាន​ សុវត្ថិភាព ។

​ឯកឧត្ដម បាន​ជម្រុញ​ដល់​លោក ងួន​ ឡាញ់ ដែល​បានទទួល​មុខតំណែង ថ្មី​នាពេលនេះ ត្រូវ​បន្ដ​យក​ចិ​ត្ដ​ទុកដាក់​បំពេញភារកិច្ចរ​បស់​ខ្លួន​តាម​តួនាទី​ដែល​​បានប្រគល់​អោយ ខិតខំ​បង្កើន​កិច្ចសហការ​អោយ​បាន​ជិតស្និទ្ធ​ជាមួយ​ស្ថាប័ន ពាក់ព័ន្ធ ក្នុងការ​បង្ក្រាប​ទប់ស្កាត់ បទល្មើស​កុំអោយ​កើតមាន​ក្នុង​មូលដ្ឋាន​របស់ខ្លួន និង​ត្រូវគោរព​នូវ​វិន័យ និងក្រមសិលធម៌​ដោយ​អនុវត្ដ​អោយបាន​ត្រឹមត្រូវ​តាមច្បាប់  និង​លុប​បំបាត់​អោយខាងតែបាន នូវ​រាល់​ទង្វើ​ខុសឆ្គង​​ទាំង​ឡាយ​​ដែល​ធ្វើអោយប៉ះពាល់​ដល់​ប្រជាពលរដ្ឋ និង​សង្គមជាតិ​ហើយ​ត្រូវ​រឹតបន្ដឹង​ឡើងវិញ​ការ​អនុវត្ដ​ច្បាប់​អោយបាន​ម៉ឺងម៉ាត់​។ឯកឧត្តមក៏បានបញ្ជាក់ផង​ដែរថាឯកឧត្តម សង្ឃឹមថាការឡើងកាន់តំណែងរបស់លោកអភិបាលស្រុកថ្ពងថ្មីនេះនិងមានការ​អភិវឌ្ឍន៏កាន់​តែប្រសើឡើងក្នុងទឹកដីស្រុកថ្ពងដែលជាអតីតសមភូមិក្តៅមួយនេះ។

ក្រោយពី ​ប្រកាស​ញ្ញតិ្តតែងតាំង លោក​ងួន ឡាញ់ ដែល​ទើបតែ​ចូល​មក​កាន់​តំណែង​ជា​​អភិបាល​ស្រុក​ថ្ពងបាន​ឡើង​ប្តេជ្ញា​ចិត្ត​នៅក្នុង​អង្គ​ពី​ធី​ទាំងមូល​ថាលោកមាន​សេចក្តី​សោម​នស្ស​​រីក​រាយ​យ៉ាង​ក្រៃលែង​​​​ដែល​​​រាជរដ្ឋាភិបាល​ផ្តល់​ មុខតំណែង​ដ៏​សំខាន់​ដល់​លោក។ ដូច្នេះ​ក្នុងនាម​លោក​​ជា​អភិបាល​ស្រុកនឹង​ខិតខំ​បន្ត​អនុវត្ត​ភារកិច្ច​និង​គោល​ការ​ណ៍​ចម្បង ដែល​រាជរដ្ឋាភិបាល​ផ្តល់អោយ​ជាពិសេសនិងខិត​ខំបំរើ​ប្រយោជន៏ជូនដល់ពលរដ្ឋក្នុងស្រុក​ថ្ពង​ទាំងមូល ដោយគិតបញ្ហាប្រយោជន៏រួមជាធំ ហើយបញ្ហា​សំខាន់​ៗ​ដែលត្រូវអនុវត្តន៏នោះគឺ​​នយោបាយភូមិ ឃុំ មានសុវត្ថិភាពដោយ​ផ្សារភ្ជាប់​និង​សហការ​ល្អ​រវាង​មន្ទីរ​អង្គ​ភាព​ផ្សេងៗ ដើម្បី​ដឹកនាំ​អនុវត្ត​ភារ​កិច្ច​គ្រប់​ផ្នែក សំរាប់​ជា​ជំ​ហ៊ាន​​​ឲ្យ​ស្រុកថ្ពងកាន់តែ​រីក​ចំរើន​​ឥត​ឈប់​ឈរបន្ថែមលើសមិទ្ធផលដែលមានស្រាប៕