សមត្ថកិច្ចរកឃើញសាសពនារីរងគ្រោះ ដែលជនសង្ស័យប៉ងរំលោភ ហើយវាយទំលាក់ក្នុងស្ទឹង

យោងតាម​ប្រ​ភព​ព័ត៌មាន​បាន​អោយ​ដឹងថា នៅ​ព្រឹក​ថ្ងៃទី១២​ ខែវិច្ឆកា ឆ្នាំ២០១៥នេះ សមត្ថ​កិច្ច​ក្រុង​បាត់​ដំ​បង​​​ចាប់​បាន​ជន​សង្ស័យ ​​​ដែលបាន​​ចាប់​ខ្លួន​នាង​ក្រមុំ​អាយុ​១៨ឆ្នាំ ​កំពុង​លាង​សណ្តែកនៅ​​ផ្ទះ​ក្បែរ​មាត់​​ស្ទឹង​​កាលពីវេលា​ម៉ោង០៩យប់ថ្ងៃ​ទី១០ ខែវិច្ឆិកា ឆ្នាំ២០១៥ ស្ថិតនៅចំណុច ភូមិវត្តតាមិម ឃុំ​អូរ​ដំបង១ ស្រុកសង្កែ ខេត្ត​បាត់​ដំបង។

សមត្ថ​កិច្ច​បាន​អោយ​ដឹងថា នារីដែល​ជន​សង្ស័យ​ចាប់​ខ្លួន​នោះ​ឈ្មោះ ​ឆាំ ស្រី​រ័​ត្ន អាយុ១៨ឆ្នាំ ជាសិស្សថ្នាក់​ទី​១២​នៃ​វិទ្យាល័យ​នេត​យ៉ង់។ ឯជន​សង្ស័យ​ឈ្នោះ ចាន់ កុសល អាយុ​២៣​ឆ្នាំ រស់​នៅ ​​ភូមិ​វត្ត​តា​មិ​ម ឃុំ​អូរ​ដំបង​១ ស្រុក​សង្កែ ខេត្តបាត់ដំបង ជា​អ្នក​ជិត​ខាងភូមិ​ផង​របង​ជាមួយ។

ជន​សង្ស័យ​បាន​ឆ្លើយ​ប្រាប់​សមត្ថ​កិច្ចថា រូបគេ​ពិត​ជា​បាន​ចាប់​នាង​ ឆាំ ស្រីរ័ត្ន ក្នុង​បំ​ណង​រំលោភ​ តែ​ដោយ​សា​នាង​បាន​តដៃ​ដោយ​យក​កន្ត្រៃចាក់​ពោះ​របស់​គេ​ ទើ​បគេ​ខឹង​ហើយ​វាយ​នាង​រហូតដល់​​សន្លប់​ រួច​អូស​ចួល​ទៅ​មាត់​ស្ទឹង​ប្រុង​រំ​លោភ តែ​ដោយ​ពេល​វេលា​មិន​អំ​ណោយ​ផល​ក៏​អូស​នាង​ទម្លាក់​ទឹក​ស្ទឹង​ចោល​ទៅ​ បន្ទាប់​មក​​ខ្លួនក៏​រត់​ទៅ​ពួន​នៅ​ឯចម្ការក្រោយ​ផ្ទះ។

មន្ត្រីនគរបាល​​បាន​ប្រាប់​អោយ​ដឹងថា សាកសព​ស្ត្រីរងគ្រោះ​ត្រូវបាន​សមត្ថកិច្ច​រកឃើញ​នៅម៉ោង ១០និង៣០នាទី​ព្រឹកថ្ងៃទី១២ ខែវិច្ឆកា ឆ្នាំ២០១៥ ត្រង់ចំណុច​ក្នុងស្ទឹង​ខាងក្រោយ​កន្លែងកើតហេតុ​ជាង១គីឡូម៉ែត្រ ដូច​ការ​សន្និដ្ឋាន​ជំ​ហ៊ាន​ដំ​បូង​រងស់​សមត្ថ​កិច្ចមែន។ ចំ​ណែក​ឯជនសង្ស័យ ត្រូវបាន​សមត្ថ​កិច្ច​នាំខ្លួន​ទៅកាន់ស្នងការ​នគរបាល​ខេត្តបាត់ដំបង​ដើម្បីសាកសួ​ចំលើយបន្តនៅ​ថ្ងៃដដែល​នេះផងដែរ៕