ប្អូនស្រីរបស់នាយិការទូទស្សន៍ខ្សែកាប្លិ៍រស្មីស្តារខេត្តសៀមរាប បានចុះចោលកូន និងប្តីទៅតាមប្រុសស្នេហ៍របស់នាង បន្ទាប់ពីប្តីប្រពន្ធមួយគូនេះមានទំនាស់ជាមួយគ្នា ហើយប្តីបានវាយទះតប់នាង។ការចុះចោលនោះបានធ្វើឲ្យម្តាយនាងមានការព្រួយបារម្ភ ហើយរត់ទៅប្តឹងសមត្ថកិច្ចថាមានគេបង្ខាំងកូនស្រី។
ក្រោយពីទទួលពាក្យបណ្តឹងនៅម៉ោង១៦និង៤៥នាទី ថ្ងៃទី៣០ ខែតុលា ឆ្នាំ២០១២នគរបាលព្រហ្មទណ្ឌកម្រិតធ្ងន់ ដោយមានការដឹកនាំពីលោកព្រះរាជអាជ្ញារង សំរិទ្ធ សុខុន បានធ្វើការស្រាវជ្រាវរហូតឈានទៅដល់ការឡោមព័ទ្ធបន្ទប់ផ្ទះសំណាក់យីហោ ភូមិគ្រឹះសាគូរ៉ា លេខ២២២និង២២៣ ស្ថិតក្នុងភូមិវត្តបូព៏ សង្កាត់សាលាកំរើក ក្រុង-ខេត្តសៀមរាប ដោយឃាត់ខ្លួនមនុស្សប្រុសស្រីចំនួន៥នាក់។
ជនទាំង៥នាក់ដែលត្រូវឃាត់ខ្លួនមានឈ្មោះ ១-ដូរ សុខលី ភេទប្រុស អាយុ៣២ឆ្នាំ នៅភូមិត្រពាំងសេះ សង្កាត់គោក ចកក្រុងសៀមរាប, ២-ឈ្មោះកែវ ពុធបញ្ញា ភេទប្រុស អាយុ២៦ឆ្នាំ ស្រុកកំណើត ក្រុងភ្នំពេញ មុនចាប់ខ្លួន ស្នាក់នៅភូមិបន្ទាយចាស់ សង្កាត់ស្លក្រាមក្រុងសៀមរាប, ៣-ឈ្មោះតាប់ មេត្តា ហៅលីគឹមហុង ហៅម៉ាប់ ប្រុសអាយុ២៣ឆ្នាំ នៅភូមិសាលាកន្សែង សង្កាត់ស្វាយដង្គុំ ក្រុងសៀមរាប, ៤-ឈ្មោះប៉ោ លក្ខិណា ភេទស្រី អាយុ២០ឆ្នាំ នៅភូមិសាលាកន្សែង សង្កាត់ស្វាយដង្គំ ក្រុងសៀមរាប និង៥-ឈ្មោះ សាំង ម៉ាលីកា ស្រីអាយុ២៥ឆ្នាំ រស់នៅក្នុងភូមិបន្ទាយចាស់ សង្កាត់ស្លក្រាម ជាប្អូនស្រីនាយក ទូរទស្សន៏ខ្សែកាបរស្មីស្តារ ហើយក៏ជាជនរងគ្រោះនៅក្នុងពាក្យបណ្តឹងរបស់ម្តាយនាងដែរ។
លោកវរសេនីយ៏ត្រី អ៊ូ សុផល នាយរងការិយាល័យនគរបាលព្រហ្មទណ្ឌកម្រិតធ្ងន់ខេត្តសៀមរាបបានឲ្យដឹងថា ដើមចមដែលធ្វើឲ្យមានការ តាមស៊ើបអង្កេតនិង ឈានទៅចាប់ខ្លួនជនសង្ស័យទាំង៥នាក់ ខាងលើ គឺកាលពីថ្ងៃទី១៥ ខែតុលា ស្ត្រីឈ្មោះ សាំង ម៉ាលីកា (ប្អូនស្រីលោកស្រីនាយិការទូរទស្សន៍ខ្សែកាប្លិ៍រស្មីស្តារ)បានរត់ចាកចេញពីផ្ទះ ចោលប្តីនិងកូនពីរនាក់ ដែលកូនម្នាក់ទើបតែមានអាយុ០៤ខែ ទៅតាមបុរស ឈ្មោះ តាប់ មេត្តា។ លុះថ្ងៃទី២៦ខែតុលា បន្ទាប់ពីដឹងថាពួកគេទាំងពីររត់ទៅនៅជាមួយគ្នា ស្ត្រីឈ្មោះ សាំង ស៊ីហោ ដែលជាម្តាយសាំង ម៉ាលីកា បានទៅដាក់ពាក្យបណ្តឹងនៅការិយាល័យរបស់លោក ពីបទបង្ខាំងមនុស្ស ខុសច្បាប់ ។
លោកបន្តថា ក្រោយទទួលពាក្យបណ្តឹង ខាងលោកបានតាមអង្កេតតែពួកគេ(ជនស្ស័យ) បានផ្លាស់ប្តូរការស្នាក់នៅរហូត ដំបូងទៅនៅស្រុកពួក បន្ទាប់មកផ្លាស់ទៅនៅផ្ទះសំណាក់និកដែលមានទីតាំងទល់មុខក្លិបខារាអូខេ ញូស្តារ លុះពេលបែកការក៏ផ្លាស់ទៅនៅផ្ទះសំណាក់ភូមិគ្រិះសាគូរ៉ាខាងលើហើយត្រូវសមត្ថកិច្ចចាប់ខ្លួនតែម្តង។
តាមពាក្យបណ្តឹងរបស់ស្ត្រី សាំង សុហោ ថាកូនស្រីសាំង ម៉ាលីកា របស់គាត់ត្រូវបានជនមិនស្គាល់មុខបង្ខាំងទុកមិនឲ្យមកចេញទៅណាមកណា។ ប៉ុន្តែតាមប្រភពពីមន្ត្រីប្រតិបត្តិការនិយាយថា នៅពេលនគរបាលចាប់ខ្លួន គេបានរកឃើញថា អ្នកដែលត្រូវឃាត់ខ្លួនទាំងនោះបានប្រើប្រាស់ថ្នាំញៀន ឬក៏ជាអ្នកជូញដូរថ្នាំញៀនផង ព្រោះពេលសមត្ថកិច្ចឡោមព័ទ្ធបន្ទប់នោះ ពួកគេបានយកថ្នាំញៀនទៅចាក់ចូលបង្គន់អស់នៅសល់តែថង់សម្រាប់វេចខ្ចប់ប៉ុណ្ណោះ ប្រដាប់ប្រដាសម្រាប់ជក់ថ្នាំញៀនប៉ុណ្ណោះ។ ប៉ុន្តែទោះជាយ៉ាងនេះក្តី មន្ត្រីជំនាញកំពុងតែបន្តការសួដេញដោលជនទាំង៥នាក់ជាបន្តទៀត ដើម្បី រកឲ្យឃើញថា ពួកគេមានជាប់ពាក់ព័ន្ធបទល្មើសអ្វីខ្លះ។
នៅព្រឹកថ្ងៃទី៣១ ខែតុលា ឆ្នាំ២០១២ សាំង ម៉ាលីកា បានប្រាប់អ្នកកាសែតថា មិនមានអ្នកណាចាប់បង្ខំ ហើយបង្ខាំងរូបនាងទេ គឺនាងសម្រេចចិត្តរត់តាម បុរសឈ្មោះតាប់ មេត្តា ដោយខ្លួនឯង ។ នាងនិយាយថា ការដែលនាងរត់នេះដោយសារតែប្តីរបស់នាងបានវាយនាងនៅថ្ងៃខួបកំណើតកូនប្រុសច្បង កាលពីថ្ងៃទី១៥ ខែតុលា ដែលជាថ្ងៃភ្ជុំបិណ្ឌ ដែលទង្វើនេះ នាងមិនអាចរស់នៅជាមួយបាន ទើបបង្ខំឲ្យរូបនាង រត់តាមគេចោលកូនដែលទើបតែមានអាយុ០៤ខែយ៉ាងនេះ។
ក្រុមអ្នកតាមដានសាច់រឿងនេះបាននិយាយថា រឿងក្តីមួយនេះកំពុងមានការស្មុគស្មាញ ព្រោះថាម្តាយខាងស្រីអះអាងថា កូនត្រូវគេបង្ខាំង ប៉ុន្តែសាមីខ្ឡួនងះអាងថា គ្មានអ្នកបង្ខំទៅវិញ។ ដូច្នេះរឿងនេះនគរបាលត្រូវតែ សាកសួរឲ្យច្បាស់លាស់ មុននឹងសម្រេចថា ចោទប្រកាន់ពួកគេពីបទអ្វីនោះ ៕ប្រភព នគរវត្ត
.jpg)
.jpg)
.jpg)
.png)
.jpg)
.jpg)
.jpg)
