សុខពិសី និងជម្រះមន្ទិលរឿងគេចោទថាមានផ្ទៃពោះ

នាពេលកន្លង មកធ្លាប់មានពាក្យ ចចាមអារ៉ាមលេចឮថា តារាចម្រៀងប្រចាំ ផលិតកម្មសាន់ដេ កញ្ញា សុខ ពិសី កំពុងតែសំងំពពោះ លួចលាក់ នៅក្រៅប្រទេស។ មិនត្រឹមតែប៉ុណ្ណោះ ព័ត៌មាននេះបានរីកសាយភាយ កាន់តែខ្លាំងឡើងៗ រហូតដល់មហាជនស្ទើរតែ១០០ភាគរយ ជឿជាក់ថា នាងមានផ្ទៃពោះពិតជាមានកូន ប្រាកដមែន ។

នៅថ្ងៃសុក្រ ទី0២ ខែ វិច្ឆិកា ឆ្នាំ២០១២នេះ នឹងមានវត្តមាន តារាចម្រៀងស្រីរូបស្រស់ សំឡេងស្រទន់ សាច់សម៉ដ្ឋរលោង កញ្ញា សុខ ពិសី នឹងចូលមកបកស្រាយទាក់ទងនឹងការងារ បរិយាយដោយ ចំហជុំវិញពាក្យចចាមអារ៉ាម និងរឿងអាស្រូវដែលបានកើតឡើងលើខ្លួនរបស់នាង ក្នុងកម្មវិធី ក៏ដូចជាចូលរួមចែករំលែក បទពិសោធន៍ នឹងភាពជោគជ័យដល់ប្រិយមិត្តអ្នកស្តាប់ថែមទៀតផង។

ជុំវិញចម្ងល់ទាំងនេះ នឹងបង្ហាញឲ្យប្រិយមិត្តដឹង នៅក្នុងកម្មវិធី "តារាក្នុងដួងចិត្តខ្ញុំ" ហើយប្រិយមិត្ត ក៏អាចទូរស័ព្ទសាកសួរ ក៏ដូចជាជជែកកម្សាន្ត ជាមួយតារាកិត្តិយស ដោយគ្រាន់តែទាក់ទងតាមប្រព័ន្ធទូរស័ព្ទ ៕