ឃាត់​ខ្លួន​ជនជាតិ​ចិន និង​ខ្មែរ ជិត​៥០​នាក់ ជាប់​ពាក់ព័ន្ធ​នឹង​ល្បែង​ភ្នាល់​បាល់​ខុស​ច្បាប់

ជនជាតិចិន និងខ្មែរ ជិត៥០នាក់ត្រូវបានឃាត់ខ្លួនបន្ទាប់ពីសមត្ថកិច្ចចុះឆែកឆេរ ដែលសង្ស័យជាប់ពាក់ព័ន្ធនឹងការលេងល្បែងភ្នាល់បាល់តាមអីធឺណេត ខុសច្បាប់ ។

ជនសង្ស័យទាំងនេះត្រូវបានឃាត់ខ្លួននៅ ២ទីតាំង ដែលទីតាំងទី១ស្ថិតនៅ ផ្ទះលេខ១៦AB ផ្លូវលេខ៩ សង្កាត់ទន្លេបាសាក់ ខណ្ឌដូនពេញ ឃាត់ខ្លួនបាន ២០នាក់ ជនជាតិចិន ២នាក់ និងជនជាតិខ្មែរ ១៨នាក់ ទីតាំងទី២ស្ថិតនៅអាគារលេខ៣៤ ភូមិ៩ សង្កាត់បឹងកេងកងទី៣ ខណ្ឌចំការមន ឃាត់ខ្លួនបាន២៤នាក់ ជនជាតិចិន ១៧នាក់ និងជនជាតិខ្មែរ ៧នាក់ ។ជនសង្ស័យទាំងអស់ត្រូវបានសមត្ថកិច្ច នាំខ្លួនទៅសាកសួរ នៅ និងនាយកដ្ឋានអន្តោប្រវេសន៍៕

ប្រភពពី អគ្គស្នងការដ្ឋាននគរបានលជាតិ