ពលរដ្ឋចោទថាសង្កាត់រដ្ឋបាលព្រៃឈើអង្គស្នួលជម្រិតទាប្រាក់ពីអ្នកដឹកធ្យូងអុស ហើយឆ្លើយដាក់គ្នាយករួចខ្លួន

ជារៀងរាល់ថ្ងៃយប់តាមផ្លូវមុខសង្កាត់រដ្ឋបាល ព្រៃឈើអង្គស្នួលនិងសង្កាត់រដ្ឋបាលព្រៃឈើពញាឮកំពុងតែធ្វើឲ្យពល រដ្ឋដែលខំប្រឹងប្រែងរកស៊ីចញ្ចឹមក្រពះដោយភាពតស៊ូដឹកធ្យូងអុស លក់ រអ៊ូរទាំថាក្រុមមន្រ្តីរដ្ឋបាលព្រៃឈើទាំងនោះដាក់វេនគ្នាដេក យោល អង្រឹងចាំយកលុយពីពួកគាត់ដែលដឹកអុសធ្យូងយកទៅលក់គ្រាន់បាន ប្រាក់ចំណេញ បន្តិចបន្ទួយផ្គត់ផ្គង់ជីវភាពគ្រួសារ។

ប្រភពពីព័តិមានពីក្រុមពលរដ្ឋរកស៊ីដឹកអុសធ្យូងបានអោយដឹងថាពួក គាត់សព្វថ្ងៃមានការលំបាក់ចំពោះមុខរបរកស៊ីរបស់ក្រុមពួកគាត់ដែលត្រូវ បានមន្រ្តីជំនាញព្រៃឈើទាំងនោះដេកចាំតែយកលុយដែលពួកគាត់ខំប្រឹប្រែង រកស៊ីដើម្បីរស់ មានពេលខ្លះក៍ត្រូវខាតដើមប្រសិនបើរមកម៉ូតូខូច តែអស់លោក មេព្រៃទាំងនោះវិញបែជាដេកស្រួលចាំយកលាភសក្ការះពីពួកគាត់ទៅវិញ។ពួកគាត់ បានបន្តថាក្រុមមន្រ្តីដែលដេកចាំយកលុយទាំងថ្ងៃទាំងយប់មាន២កន្លែង ខាងលើនោះស្ថិតនៅក្នុងស្រុកអង្គស្នួលតាមបណ្តោយផ្លូវជាតិលេខ៤និងមួយ កន្លែងទៀតស្ថិតនៅស្រុកពញាឭ  ពួកគាត់បានបន្តរទៀតថាសព្វ ថ្ងៃមិនមែនជាស្នាក់ការសំរាប់មន្រ្តីជំនាញព្រៃឈើធ្វើការនោះទេបើនិយាយ ថា ជាកុងត្រូលជជុះត្រូវជាងព្រោះគ្រប់ឡាន ម៉ូតូដឹកឈើ អុស ធ្យូង ត្រូវ តែឈប់បង់លុយអោយគ្រប់កន្លែងនិមួយៗបើពុំបង់លុយអោយទៅមន្រ្តីទាំង នោះទេ គឺមិនអាចទៅមុខរួចឡើយ។

ជុំវិញបញ្ហាខាងលើលោក ហែម តារា នាយរងសង្កាត់រដ្ឋបាលព្រៃឈើ អង្គស្នួលនិងជាអ្នកគ្រប់គ្រងមើលការខុសត្រូវនៅទីនោះបានប្រាប  អ្នកយកព័ត៌មានយើងដឹងថាលោកមិនបានដឹងថាអ្នកណាមួយជាអ្នកយក លុយនោះទេប្រហែលជាខាងផ្នែករដ្ឋបាលព្រៃឈើទេដឹង ព្រោះនៅ ស្នាក់ការសង្កាត់លោក មានមន្ត្រីជំនាញនៅច្រើននាក់មានទាំង មន្ត្រីសង្កាត់ មន្ត្រីផ្នែក មន្ត្រីអធិការ។ពេលដែល អ្នកយកព័ត៌មានសួរថា បងច្បាស់អត់ថាមន្ត្រីផ្នែកជាអ្នកយកលុយ លោកហែម តារា ថាពេល នេះលោករវល់សរសេរឯកសារចាំនិយាយគ្នាពេលក្រោយហើយក៏បិទ ទូរស័ព្ទបាតទៅ។

លោក វាទ ជាមន្ត្រីអធិការរដ្ឋបាលព្រៃឈើតំបន់ខាងលិចបឹងទន្លេ សាបបានអោយដឹងថាលោកមិនបានដឹងពីការយកលុយពីពលរដ្ឋដឹកឈើ  ធ្យូង អុស នោះទេ។ មន្ត្រីរូបនោះបានបន្តទៀតថា នៅសង្កាត់រដ្ឋបាលព្រៃឈើអង្គស្នួល នោះគឺលោក ហែម តារា ជាអ្នកមើលការខុសត្រូវ។ ដោយឡែករហូតមក ដល់ពេលនេះយើងមិនទាន់បានទទួលការបំភ្លឺបន្ថែមពីលោក ហែម  តារា នៅឡើយទេ។

ព័តិមានពីប្រជាពលរដ្ឋនិងអ្នកឃ្លាំមើលបទល្មើសព្រៃឈើបាន អោយ ដឹងថាទោះជាមានការប្តូមន្ត្រីនាយផ្នែកនិងនាយរងផ្នែកមួយ ចំនួនក្តី ក៍បទល្មើសព្រៃឈើនៅតែមានឯការយកលុយពីអ្នកដឹកអុសធ្យូងនៅតែបន្ត  ទោះជាមានពេល ខ្លះមានការបង្រាបបទល្មើសក៍ពិតមែនប៉ុន្តែនេះគ្រាន់តែជ្រុងតូច១នៃបទ ល្មើសដែលកំពង់តែកើតមានឡើងក្នុងស្រុកតែប៉ុណ្ណោះ៕