ប្រជាពលរដ្ឋម្នាក់បានរងរបួសធ្ងន់ដោយគ្រាប់កាំភ្លើងតម្រួតថៃបាញ់ បន្ទាប់ពីបានលួចឆ្លងដែនទៅរកកាប់ឈើគ្រញូងខុសច្បាប់នៅចំណុចខាងជើង ឈាងខាងកើតច្រកព្រំដែនអានសេះខេត្តព្រះវិហារ។
ប្រភពពីមន្ត្រីនគរបាលខេត្តព្រះវិហាបានឲដឹងថា ថ្ងៃទី១៣ កញ្ញា ឆ្នាំ២០១២ ក្រោយពេលដែលលោកស្នងការនគរបាលខេត្តព្រះវិហារ ដឹកនាំគណៈប្រតិភូនាំយកថវិការ និងសំភារៈមួយចំនួន ទៅសួរសុខទុក្ខជនរងគ្រោះដល់មន្ទីពេទ្យបង្អែក១៦មករា បានបញ្ជាក់ថា ជនរងគ្រោះមានឈ្មោះ ស្រេង សំណាង ភេទប្រុស អាយុ៣១ឆ្នាំ មានស្រុកកំណើតនៅភូមិទន្លេជ្រៃ ឃុំកញ្ចម ស្រុកពារាំង ខេត្តព្រៃវែង។
ប្រភព ខាងលើដកស្រង់សំដីពីប្រជាពលរដ្ឋដែលរត់គេចខ្លួនពីហេតុការ បាញ់ប្រហារខាងលើ បានឲ្យដឹងថា នៅវេលាម៉ោង៨និង០០នាទី ថ្ងៃទី១២កញ្ញា ២០១២ សមត្ថកិច្ចបានធ្វើការបាញ់ប្រហារមកលើ ប្រជាពលរដ្ឋកម្ពុជា ដែលឡើងភ្នំកាប់ឈើគ្រញូង នៅចំណុចខាងជើងឈាងខាងកើត ច្រកព្រំដែនអានសេះ បណ្តាលឲ្យប្រជាពលរដ្ឋខាងលើរបួសធ្ងន់ត្រង់ពោះ។
កន្លងមកអជ្ញាធរកម្ពុជាបានអំពាវនាវជាបន្តបន្ទាប់ ក៍ដូចជាធ្វើសកម្មភាពទប់ស្កាត់ ហាមមិនឲ្យជនជាតិកម្ពុជាឆ្លងដែនឆ្លងដែនខុសច្បាប់ទៅរកកាប់ឈើ ក្នុងទឹកដីថៃ និងបានប្រជុំជាមួយអជ្ញាធរភាគីថៃ មិនឲ្យមានការបាញ់មកលើពលរដ្ឋកម្ពុជាបន្តទៀត ប៉ុន្តែសកម្មភាពខាងលើនៅតែកើតមានជាបន្តបន្ទាប់។
បច្ចុប្បន្ន ជនរងគ្រោះកំពុងសំរាកព្យាបាលនៅមន្ទីពេទ្យ៕
ថ្ងៃនេះ | 3120 | នាក់ |
ម្សិលមិញ | 6678 | នាក់ |
សប្ដាហ៍នេះ | 9808 | នាក់ |
ខែនេះ | 116886 | នាក់ |
ឆ្នាំនេះ | 2574789 | នាក់ |
សរុប | 51934715 | នាក់ |
ថ្ងៃទី 14 ខែ 05 ឆ្នាំ 2024 ម៉ោង 17:54 |
Copyright © 2024 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net