នគរបាលប្រឆាំងបទល្មើសសេដ្ឋកិច្ចចុះត្រួតពិនិត្យរថយន្តដឹកឈើលើសទម្ងន់

ក្រុមនគរបាល ប្រឆាំង បទល្មើស សេដ្ឋកិច្ច នៃស្នងការ នគរបាល ខេត្តសៀមរាប ដឹកនាំ ដោយ លោកវរសេនីយ៍ឯក សឿនសេន នាយការិយាល័យ ប្រឆាំង បទល្មើស សេដ្ឋកិច្ចខេត្ត ដែលដឹកនាំ បញ្ជារ ផ្ទាល់ដោយ លោកជួន សុបញ្ញា ព្រះរាជអាជ្ញារង អមសាលា ដំបូង ខេត្តសៀមរាប បានបើកប្រតិបត្តិការណ៍ ចុះត្រួតពិនិត្យ រថយន្តដឹកឈើ របស់ ក្រុមហ៊ុន តាំងអ៊ាង គ្រុប ដែល សមត្ថកិច្ច មានការ សង្ស័យថា ដឹកលើសច្បាប់ របស់ រដ្ឋបាលព្រៃឈើ តែករណីនេះ មហាជន បានលើកឡើងថា នគរបាល ប្រាំងបទល្មើស សេដ្ឋកិច្ច តាមបំបែក ឆ្នាំងបាយ របស់មេព្រៃ។

ប្រតិបត្កិការណ៍ នេះធ្វើឡើង នៅព្រឹកថ្ងៃទី០៥ ខែសីហា ឆ្នាំ២០១៥ នៅដេប៉ូ លក់ឈើ មួយចំនួន ស្ថិតនៅ ភូមិជល្លង់ សង្កាត់ សាលាកំរើក ក្រុងសៀមរាប ក្នុងនោះក្រុមសមត្ថកិច្ច បានសង្ស័យ ទៅលើ រថយន្ត ដឹកឈើ១ គ្រឿង ម៉ាក យីឌុប ព័ណខ្លាញ់ក្ដាម ពាក់ស្លាក លេខ កំពង់ធំ៖ ៣អា. ១១៧៨ ដែលបាន ទម្លាក់លក់ ឲ្យ ដេប៉ូយីហោ ឈ្មោះ នូ ទូច ស្ថិត នៅភូមិខាងលើ។

មន្ត្រីរដ្ឋបាល ព្រៃឈើ បានឲ្យដឹងថា រថយន្ដឹកឈើ ដែល ក្រុមសមត្ថកិច្ច កំពុងតែ ត្រួតពិនិត្យ ជារបស់ ក្រុម ហ៊ុន តាំង អ៊ាង គ្រុប បានដឹកចេញ ពីរស្រុករវៀង ខេត្តព្រះវិហារ ស៊ីញ៉េ អនុញាត្តដោយ លោកហង្ស សំរិត នាយ ផ្នែករដ្ឋបាលព្រៃឈើ រវៀង។

ពាក់ព័ន្ទ តៅនិងករណីនេះ មន្ត្រីនគរបាល  នាយការិយាល័យ ប្រឆាំង បទល្មើស សេដ្ឋកិច្ចខេត្ត បានឲ្យដឹងថា ខណះពេលនេះ មន្ត្រីនគរបាល របស់លោក កំពុងតែធ្វើការ ត្រួតពិត្យ ដោយមាន ការចូលរួម ពីមន្ត្រីរដ្ឋបាលព្រៃឈើផងដែរ។

មន្ត្រីនគរបាល បន្ថែមថា ក្នុងករណីនេះ បើសិនជា ធ្វើការ ត្រួតពិនិត្យទៅ ឃើញថា មានឈើលើស ច្បាប់នោះ ត្រូវ ប្រគល់ ឲ្យទៅ ជំនាញ  រដ្ឋបាលព្រៃឈើ ចាត់ការ បង់ពីន័យ ទៅតាម ច្បាប់ស្ដីពីរព្រៃឈើ ហើយបើ សិនជា ម្ចាស់ឈើ មិនព្រម បង់ពីន័យទេ និងបញ្ជូន សំណុំរឿងទៅ ស្ថាប័នតុលាការ ដើម្បីអនុវត្ត ទៅតាមផ្លូវច្បាប់។

សូមបញ្ជាក់ថា ដេប៉ូ លក់ឈើយីហោ នូទូច កន្លងទៅ គេមានការ សង្ស័យថា បានបើកចំហរ ទិញឈើដោយ ខុសច្បាប់មក លក់ យ៉ាង អនាធិបតេយ្យ ក្នុងនោះ ដេប៉ូ ភុំ ឡង់ឌី និងដេប៉ូ ភុំ តុលា ផងដែរ ដែលគេ សង្កេតឃើញថា បើកទិញឈើ មានភាព មិនក្រក្រតី។

សូមបន្ថែមថា នៅ​ម៉ោង១២និង​២១​នាទី​នេះលោក សឿនសេន បាន​ប្រាប់​តាម​ទូរស័ព្ទថា ការ​វាស់​វែង​មិន​ទាន់​ចប់​នៅ​ឡើយ​ទេ ហើយ​លោក​និង​ផ្តល់​ព័ត៌មាន​នៅ​ពេល​ធ្វើ​ការ​វាស់​វែង​ចប់៕សហការី