បែកធ្លាយ មេប៉ុស្តិ៍ម្នាក់ធ្វើសៀវភៅស្នាក់នៅឪ្យពលរដ្ឋយកលុយ១០ម៉ឺនរៀល

នៅព្រឹកថ្ងៃទី១៤ ខែធ្នូ ឆ្នាំ២០២០នេះ បែក​ធ្លាយ​ព័ត៌​មាន​សម្ងាត់​មួយ​តាម​តៀម​កាហ្វេ​ថា លោក សេង ចិន្តា មេប៉ុស្តិ៍ឃុំកណ្តែក ស្រុកប្រាសបាគង ខេត្តសៀមរាប បាន​យក​លុយ​ពីពលរដ្ឋក្នុងឃុំម្នាក់ (សុំមិនបញ្ចេញឈ្មោះ) ចំនួន​១០ម៉ឺនរៀល ជាថ្នូរក្នុងការធ្វើ​សៀវ​ភៅ​ស្នាក់​នៅ។

ពាក់ព័ន្ធករណីមានការចោទប្រកាន់ខាងលើនេះលោក សេង ចិន្តា មេប៉ុស្តិ៍ឃុំកណ្តែក​រូប​នេះ​បាន​ប្រាប់ចាងហ្វាង ​កាសែតកម្ពុជា​សុវណ្ណភូមិ តាម​ទូរស័ព្ទនៅព្រឹកដដែលនេះថា លោក​ពុំ​ដែលបាន​ទទួលលុយពី​ពលរដ្ឋ​សូម្បីមួយកាក់​មួយសេនកុំថាឡើយ​ដល់ទៅ១០ម៉ឺនរៀល។

ចំណែកឯពលរដ្ឋដែល​បាន​ចំណាយថវិការ​១០ម៉ឺរៀលរូប​នោះ​ដំបូង​ឡើយ​ប្រាប់ទៅ​នគរបាល​ជាន់ខ្ពស់ម្នាក់ថា​ខ្លួនត្រូវ​បានចំណាយ១០ម៉ឺនរៀល​ក្នុងការ​ធ្វើ​សៀវភៅស្នាក់នៅក្នុង​ភូមិ​ឃុនមោគ ឃុំកណ្តែក ស្រុកប្រាសាទ​បាគង។ តែនៅពេលកាសែត​កម្ពុជាសុវណ្ណភូមិ​បាន​ទូរស័ព្ទ​សាក​សួរ​ពលរដ្ឋ​រូប​នោះ គាត់​បាន​ឆ្លើយថា “លុយ១០ម៉ឺនរៀល​នោះ​មេប៉ុស្តិ៍មិន​បាន​ទាពី​ខ្ញុំទេ ខ្ញុំជាអ្នក​អោយដោយខ្លួនឯង ហើយមុននេះខាងប៉ុស្តិ៍ក៏បាន​ខលមកសួរខ្ញុំដែរ​ថា ហេតុអីបាន​រាយការណ៍ប្រាប់គេថាគាត់យក​លុយខ្ញុំ១០ម៉ឺនរៀលចឹង”។

កាសែតកម្ពុជាសុវណ្ណភូមិ ស្នើសុំទៅ​លោកអធិការស្រុក​ប្រាសាទ​បាគង លោកស្នងការ​ខេត្តសៀមរាប និងស្ថាប័នពាក់ព័ន្ធ មេត្តាធ្វើការស៊ើបអង្កេត​ ស្រាវ​ជ្រាវ លោក​ករណីលោក​មេប៉ុស្តិ៍ឃុំកណ្តែកខាងលើ​ និង ប៉ុស្តិ៍ផ្សេងៗផង ក្រែងមានករណីត្រីងៀត​ឆ្លៀតពង៕ ដោយ ផ្លុងរ៉េត