សមត្ថកិច្ចចម្រុះចុះពិនិត្យកសិដ្ឋានចិញ្ចឹមជ្រូកដែលបង្ករផលប៉ះពាល់ដល់ពលរដ្ឋនិងបរិស្ថាន

កាលពីរសៀល​ថ្ងៃទី០៣ ខែតុលា ឆ្នាំ២០១៩ កម្លាំសមត្ថកិច្ច​ចម្រុះ​រួម​មាន ប៉ូលីសសេដ្ឋ​កិច្ច​ខេត្តដែលបញ្ជាដោយឯកឧត្តម​ ម៉ក ធារ៉ា ស្នង​ការ​រង​ខេត្តសៀមរាប​ទទួល​ផែន​ប្រឆាំង​​បទ​ល្មើស​សេដ្ឋកិច្ច មន្ត្រីពេទ្យសត្វ មន្ត្រីបរិស្ថាន អាជ្ញាធរដែនដី ដែលដឹកនាមដោយ ព្រះរាជអាជ្ញារង​ខេត្តលោក ជូន សុបញ្ញា បានចុះត្រួតពិនិត្យ​កន្លែង​កសិដ្ឋានចិញ្ចឹម​ជ្រូក​មួយកន្លែងស្ថិត​ក្នុង​ភូមិ​ទ្រាំង សង្កាត់​ស្លក្រាម ក្រុង​សៀម​រាប ដែល​ពលរដ្ឋ​ប្តឹងថា បំផ្លាញ​សុខ​ភាព​របស់​ពួក​គាត់ និង​បំពុល​បរិស្ថាន ជាង១០ឆ្នាំហើយ តែមន្ត្រី​ជំនាញ​ហាក់​ដូច​ជាងងឹតភ្នែកមើល​មិន​ឃើញ​។

ប្រភព​បែប​ធ្លាយ​ពី​ពលរដ្ឋ​បាន​អោយ​កម្ពុជា​សុវណ្ណភូមិ​ដឹងថា ទី១.កសិដ្ឋានចិញ្ចឹងជ្រូកនេះក្មាន​អនាម័យ បណ្តាល​អោយ​ស្អុយ​អាចម៌​ជ្រូកជះក្លិន​អាសោចពេញ​ភូមិ ទី២.តាំងពីរដូវ​ភ្ជុំ​បិណ្ឌមក​ជ្រូក​ឈឺស្លាប់ ដុត​ចោល​ក្នុង​កសិដ្ឋានដោយ​ប្រើកង់ឡាន​ កង់ម៉ូតូ គល់អុះ បណ្តាល​អោយ​ផ្សែង​ខ្មៅ​ខ្មួល​ខ្មាញ់បក់បោក​ពេញ​ភូមិ​ស្អុយ​ហើយ​ឆ្ងៀម​ទៀតធ្វើ​អោយ​ពលរដ្ឋ​ក្តៅ​ក្រហាយ ទី៣.ពលរដ្ឋ​ប្រាប់​ថា កាប់​ជ្រូក​ឈឺ​ដឹក​តាម​ម៉ូតូលក់​ចែក​ចាយ ដោយ​គ្មាន​ការ​ឆ្លង​កាត់​ឃាត្តដ្ឋាន (កុងស៊ី) និង​គ្មាន​ការ​ត្រួត​ពិនិត្យ​ពី​ពេទ្យ​សត្វ។

បើ​យោង​តាម​សម្តីរបស់​ប៉ូលីស​សេដ្ឋកិច្ច​បន្ទាប់​ពី​ចូល​ទៅ​ពិនិត្យ​ក្នុង​កសិដ្ឋាន​ខាង​លើ​នេះ បាន​អោយ​ដឹង​ថា ទី១.បរិស្ថានមិន​ល្អគ្មាន​អនាម័យ ទី២.ជ្រូកនៅសល់មានជីវិត៣០ក្បាល ទី៣.ម្ចាស់កសិដ្ឋានឈ្មោះ លៀម មុំ ភេទស្រី បាន​ប្រាប់សមត្ថកិច្ចថា កាលពី​កំឡុង​ភ្ជុំ​បិណ្ឌ គាត់​ពិត​ជាបាន​ដុត​ជ្រូក​ដែល​ស្លាប់​ចំនួន​១២ក្បាល​មែន ទី៤.កសិដ្ឋាននេះគ្មាន​ច្បាប់​អនុញ្ញាតិ។

បើ​យោង​តាម​សម្តី​មន្ត្រី​ពេទ្យសត្វ​វិញបាន​អោយ​ដឹងថា កន្លែងកសិដ្ឋាន​នេះ​ពិត​ជាគ្មាន​អនាម័យ​មែន ហើយ​លទ្ធផល​ជំងឺជ្រូក​ពុំ​ទាន់​ប្រាប់​បាន​ទេ រង​ចាំ​យក​ឈាម​ជ្រូក​ទៅ​ធ្វើ​ការពិនិត្យ​ចំ​ណាយ​ពេល​ប្រ​ហែល​២ថ្ងៃទើប​ដឹង​លទ្ធផល។

ប្រជាពលរដ្ឋ​រិះគន់​ថា លោក ព្រំ វិច ប្រធានការិយាល័យបសុ​ពេទ្យខេត្ត​សៀមរាប​ មិន​គួរ​អនុញ្ញាតិអោយ​ម្ចាស់​កសិដ្ឋានឈ្មោះ​ លៀម មុំ នេះបើក​កសិដ្ឋាន​ចិញ្ចឹម​ជ្រូកដោយ​ឥត​ច្បាប់​ ជាង១០ឆ្នាំកម្លង​មក​ ហើយ​បំ​ពុល​បរិស្ថាន ធ្វើ​អោយ​ពលរដ្ឋ​រស់​នៅ​ជុំ​វិញ​ឈឺ​ជិត​ដាច​ខ្យល់​គ្រប់​គ្នា​បែបនេះ។ ពលរដ្ឋ​ស្នើ​សុំ​អោយ​ថ្នាក់​ដឹក​នាំរបស់​លោក​ ព្រំ វិច មេត្តាដក​លោក​ព្រំវិចចោលទៅ បើ​ទុក​អោ

យ​នៅ​បន្ត​ការងារទៀត ខ្លាច​ក្រែង​តែ​បង្កអោយ​កសិដ្ឋានបែបនេះកើត​ឡើង​រាប់​ម៉ឺន​កន្លែង​ផ្សេងទៀត​ក្នុង​ការ​ចិញ្ចឹម​ឆ្នាំបាយ​ផ្ទាល់​ខ្លួន​។

រីឯលោក ស៊ីន គង់ ប្រធាន​បរិស្ថាន​ខេត្តសៀមរាប ក៏បាន​បញ្ជាមន្ត្រី​របស់​ខ្លួន​មក​ចូល​រួម​ផងដែរ តែជាអកុសល់ ខាង​បរិស្ថាន​មិន​បាន​ឈឺក្បាល​វិល​មុន​អីទេ បើ​ទោះ​ជា​ផ្សែង​ពុល ក្លិន​ស្អុយ​ សាយ​ភាយ​ពេញ​មេឃ​​បែបនេះក៏ដោយ។

ពលរដ្ឋបន្តរិះគន់ទៀតថា ករណីខាងលើនេះ វាជាសមត្ថកិច្ច និង​ជាកាតព្វកិច្ច​របស់​មន្ទីរ​បរិស្ថាន និងពេទ្យសត្វ​ ដែល​ជាមន្ត្រី​ជំ​នាញ តែ​មិន​ដឹង​ជាមូល​ហេតុ​អ្វី​បាន​ជាជំនាញ​ទាំ​ងពីរ​នេះ អត់​មាន​ធ្វើ​ដឹង​ធ្វើ​លឺ​អីទាល់​តែសោះ​ រហូត​ដល់​ផ្ទុះ​រឿង​ លាន់​លឺ​ឡើង​កក្រើកដូច​គ្រាប់​បែប​បរិមាណូ​ទើប​ឃើញ​ជំនាញ​ចុះ​មក​ពិនិត្យ។ ពលរដ្ឋ​សំនូម​ពរ​យ៉ាង​ទទួចទៅ​សមត្ថកិច្ច មន្រ្តីជំនាញ អាជ្ញាធរដែនដី តុលាការខេត្តសៀមរាប និង ឯកឧត្តម​ ទៀ សី​ហា អភិបាល​ខេត្ត​សៀមរាប មេត្តា ចាត់​ការ​ម្ចាស់កសិដ្ឋានឈ្មោះ លៀម មុំ​ នេះទៅ​តាម​ផ្លូវ​ច្បាប់​អោយ​ខាន​តែបាន​ផង៕ ដោយ: ផ្លុង រ៉េត