ឯកឧត្តម ស ថាវី អភិបាលខេត្តឧត្តរមានជ័យ បើកដៃអោយខ្មែរ និងថៃ បាញ់កាំជ្រូវភ្នាល់ដាក់លុយយ៉ាងអាណាធិបតេយ្យ

នៅ​វេលាម៉ោង​០១និង​៤៧​នាទីរសៀល ថ្ងៃទី១៦ ខែកញ្ញា ឆ្នាំ២០១៨​ម្សិល​មិញ​​នេះ ឯកឧត្តម ស ថាវី អភិបាលខេត្ត​ឧត្តរមានជ័យ​ នៅ​តែ​បើក​ដៃ​អោយ​ខ្មែរ​ និង​ថៃ បាញ់​កាំ​ជ្រូវ​​ភ្នាល់​ដាក់​លុយ​យ៉ាង​អាណាធិបតេយ្យ នៅ​ចំណុច​ភូមិអូរថ្ម ស្រុក​អន្លង់វែង ខេត្ត​ឧត្តរ​មាន​ជ័យ។

គេ​សង្កេត​ឃើញថា ការ​បាញ់​កាំជ្រូចកែច្នៃ​​ភ្នាល់​គ្នា​ដាក់​លុយ​ខាង​លើ​នេះ បើក​លេង​ជាច្រើន​ឆ្នាំណាស់​មក​ហើយ នៅលើ​ទឹក​ដី​ខ្មែរក្បែរ​ព្រំដែនថៃ ដែល​ការ​បាញ់​កាំជ្រូច​នេះ​នៅ​ប្រទេស​ថៃ អាជ្ញាធរ​គេ​ហាម​ដាច់​ខាត​មិន​អោយ​លេង​ទេ ព្រោះ​វា​អាច​ប៉ះ​ពាល់​ដល់​សុខភាព​ទាំង​មនុស្ស​ទាំង​សត្វ ហើយ​ថែម​ទាំង​អាច​មាន​អាគ្គីភ័យ​ដោយ​យៈថាហេតុទៀតផង។

សារព័ត៌មាន កម្ពុជាសុវណ្ណភូមិ ធ្លាប់​ធ្វើ​ការ​សម្ភាសន៍ ពុក​ម៉ែ បងប្អូន ដែលរស់​នៅក្បែរ កន្លែង​បាញ់​​កាំជ្រួចខាងលើ​នេះ ពួកគាត់​បាន​សម្តែង​ការ​មិន​ពេញ​ចិត្តទាល់​តែសោះចំការ​បាញ់​កាំជ្រូច​នេះ ហើយ​ថែម​ទាំង​មាន​​ការ​ភ័យ​ខ្លាច​ទៀត​ផង ដោយ​ពួកគាត់​អះអាងថា ពេ​លគេ​បាញ់​ម្តងៗភ័យ​ចង់​លេច​អាចម៍ លេច​នោម​អស់​ហើយ ព្រោះ​ទី​នេះជាព្រំដែន មិន​មែន​ទីក្រុង​ឯណា ម្យ៉ាង​ទៀត​មាន់ ទា គោ ក្រ​បី ​ដំ​រី​សេះ របស់​ពួកគាត់​ ផ្អើល​រត់​ពេញ​វាល ពេញកាល ខ្លះក៏ឈឺស្លាប់​បាត់​ទៅ។

ពរដ្ឋ​បន្តរិះគន់និង​ដាក់​ចម្ងល់ថា បើមិន​អោយ​គេ​បាញ់​កាំជ្រូច ភ្នាល់ដាក់លុយទេ តើ​សេដ្ឋ​កិច្ច​ស្រុក​​ខ្មែរ​វាមិន​ដើរ​ ឬយ៉ាង​ណា?​ ហើយ​តើ​ឯកឧត្តម សថាវី អភិបាលខេត្តរូប​ហ្នឹង មាន​ភាគ​ហ៊ុន​ប៉ុន្មាន​លាន​ដែរ បាន​ជាប្រឹង​ខ្លាំម្លេះ?

សារព័ត៌មាន កម្ពុជាសុវណ្ណភូមិ ធ្លាប់​ធ្វើ​ការ​សម្ភាសន៍ ជាមួយឯកឧត្តម ស ថាវី អភិបាលខេត្ត​ឧត្តរ​មានជ័យ​ជាញឹកញាប់តាមទូរស័ព្ទ តែមិន​ដែលឆ្លើយ​ថាដឹងគេ​បាញ់​កាំជ្រូច​ម្តងណាទេ បើ​មិន​ជាប់​ប្រជុំ គឺ​នៅ​ឆ្ងាយ ឬទៅ​ប្រជុំឯភ្នំពេញ នេះ​ហើយ​ជាហេតុធ្វើ​អោយ​រាស្រ្តខក​ចិត្តនិយាយមិន​ចេញ​ ក្រវីតែក្បាល​ដូចគោស្រាំង​ទិច។

រាជរដ្ឋាភិបា​លកម្ពុជា អាណត្តិទី៦នេះ មិន​គួរ​មើ​លរំលងករណីបាញ់​កាំជ្រូចខាងលើនេះទេ ព្រោះ​វា​មិន​មែន​ជាទីគាប់​ចិត្តរបស់រាស្ត្រ ហើយ​ក៏វាគ្មាន​ផលប្រយោជន៍អ្វី​ដល់​ប្រទេស​ជាតិ​ទាំង​មូល​នោះដែរ៕ ដោយ៖ ផ្លុង-រ៉េត