សមាជនេះ ក្នុងគោលបំណងបើកឱ្យប្រជាពលរដ្ឋជាច្រើនបានសំដែងកង្វល់អំពីការលំបាក ដូចជាបញ្ហាបាត់បង់ដីធ្លី និងបញ្ហាបាត់បង់ព្រៃឈើ ធនធានធម្មជាតិជាដើម និងធ្វើជាញត្តិនាំយកកង្វល់ទាំងអស់ទៅប្រគល់ជូនគណបក្សនយោបាយនានា។ ក៏ប៉ុន្តែអាជ្ញាធរ និងសមត្ថកិច្ចខេត្តសៀមរាប មិនអនុញ្ញាតទេ។
សមាគមក្រៅរដ្ឋាភិបាលមួយបានចោទប្រកាន់ថា អាជ្ញាធរនិងសមត្ថកិច្ចបានព្យាយាមរារាំងសមាជប្រជាពលរដ្ឋដែលបានធ្វើឡើងនៅក្នុងទីរួមខេត្តសៀមរាប ដោយបង្កការលំបាកមួយចំនួន និងធ្វើឱ្យប្រជាពលរដ្ឋជាអ្នកចូលរួមមានការភ័យខ្លាច។
ប្រធានសមាគមសេដ្ឋកិច្ចក្រៅប្រព័ន្ធដែលហៅកាត់ជាភាសាអង់គ្លេសថា អាយឌា (IDEA) លោក វន់ ពៅ បានមានប្រសាសន៍កាលពីព្រឹកថ្ងៃច័ន្ទ ទី២៤ ខែមិថុនា ថា ប្រជាពលរដ្ឋមកពីខេត្តចំនួន ៥ មានខេត្តសៀមរាប ខេត្តព្រះវិហារ កំពង់ធំ និងខេត្តឧត្តរមានជ័យ បានជួបជុំគ្នាដើម្បីសំដែងកង្វល់បង្ហាញឱ្យគណបក្សនយោបាយសំខាន់ៗ ដែលនឹងចូលរួមការបោះឆ្នោតពេលខាងមុខ បានដឹងពីទុក្ខលំបាក ហើយនឹងជួយធ្វើការដោះស្រាយទៅតាមការសន្យា។ ក៏ប៉ុន្តែអាជ្ញាធរខេត្តសៀមរាប បានបដិសេធមិនអនុញ្ញាតច្បាប់ឱ្យធ្វើពិធីនោះទេ។
លោក វន់ ពៅ បានបញ្ជាក់ថា លោកបានដាក់ពាក្យស្នើសុំទៅអាជ្ញាធរខេត្តសៀមរាប ជាច្រើនថ្ងៃមុនការប្រារព្ធពិធីនេះ ក៏ប៉ុន្តែសាលាខេត្តសៀមរាប មិនអនុញ្ញាតឡើយ៖ «តាមពិតកម្មវិធីយើងត្រូវធ្វើនៅតំបន់អង្គរឃ្យុងយូ កន្លែងខាងកើតរង្វង់មូលហ្នឹង ប៉ុន្តែអាជ្ញាធរខេត្តសៀមរាប បានរារាំងអត់ឱ្យយើងធ្វើ ហើយអ៊ីចឹងកម្មវិធី បានហែចេញពីស្ពាននាគមកដល់ជិតអង្គរឃ្យុងយូ បានពាក់កណ្ដាលផ្លូវទេ ត្រូវបានរារាំងដោយកម្លាំងអាជ្ញាធរសមត្ថកិច្ចរបស់ខេត្តសៀមរាប ហើយមានឡានទឹកប្រហែលជា ២០គ្រឿង រង់ចាំស្វាគមន៍យើងទៀត។ នេះជារឿងមួយដែលយើងសោកស្ដាយមែនទែនចំពោះសមត្ថកិច្ចខេត្តសៀមរាប»។
នៅព្រឹកថ្ងៃច័ន្ទនេះ សមត្ថកិច្ចបានរាយបណ្ដាក់កម្លាំងជាងមួយរយនាក់ នៅតាមផ្លូវសាធារណៈ និងជុំវិញកន្លែងប្រារព្ធពិធីនោះ ដោយរឹតបន្តឹងទៅលើការដឹកជញ្ជូនបាយនិងទឹកដើម្បីយកទៅចែកជូនប្រជាពលរដ្ឋទាំងនោះផង។
បើទោះបីជាមានការចោទប្រកាន់ដូច្នេះក៏ដោយ ក៏អាជ្ញាធរ និងមន្ត្រីប៉ូលិសខេត្តសៀមរាប បានបដិសេធមិនធ្វើការពន្យល់យ៉ាងណានៅឡើយ។
អ្នកស៊ើបអង្កេតរបស់សមាគមការពារសិទ្ធិមនុស្សអាដហុក ខេត្តសៀមរាប លោក សួស ណារិន បានមានប្រសាសន៍ថា លោកកំពុងឃ្លាំមើលការធ្វើសមាជប្រជាពលរដ្ឋនោះ។
លោក សួស ណារិន បញ្ជាក់ថា តាមលោកសង្កេតឃើញ អាជ្ញាធរមិនបណ្ដោយឱ្យសមាជនោះអាចធ្វើអ្វីៗសព្វបែបយ៉ាងបានដោយងាយស្រួលឡើយ៖«គេបារម្ភខ្លាចយើងធ្វើអ្វីខុស ទៅនឹងគោលការណ៍ច្បាប់ ពីព្រោះថា អាជ្ញាធរគេអត់ឱ្យធ្វើ តែយើងចេះតែបំពានធ្វើ ហើយមានសកម្មភាពរារាំង តាំងពីម្សិលមិញ។ តាំងពីស្គន់ តាំងពីបន្ទាយស្រី តាំងពីស្អីៗ អត់ឱ្យមកទេ ជីក្រែងអីនោះ»។
ក្រុមសមាគមនិងប្រជាពលរដ្ឋមួយចំនួន មានការសោកស្ដាយចំពោះការសម្រេចចិត្តរបស់សាលាខេត្តសៀមរាប ដែលមិនអនុញ្ញាតឱ្យសមាជប្រជាពលរដ្ឋមួយនេះអាចប្រព្រឹត្តទៅដោយងាយស្រួល។ កាលពីថ្ងៃទី១៩ ខែមិថុនា កន្លងទៅ សមាជដូចគ្នានេះ ធ្លាប់បានធ្វើឡើងនៅខេត្តព្រះសីហនុ ម្ដងមកហើយ ក៏ប៉ុន្តែអាជ្ញាធរទីនោះមិនមានការរារាំង និងរំខានអ្វីឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។ ប្រភពដើមពី អាស៊ីសេរី
.jpg)
.jpg)
.jpg)
.png)
.jpg)
.jpg)
បទកំណាព្យដែលអ្នកកម្របានលឺ បានអាន បានស្តាប់ពីមុនមក តែឥឡូវបានមកដល់ហើយ បទកំណាព្យដ៏សែនពិរោះនេះ និងចូលខ្លួនមកបំពេអារម្មណ៍របស់លោកអ្នក អោយសើចសប្បាយលាយឡំជាមួយទឹកភ្នែកក៏អាចថាបាន។ តោះចាំអីទៀតចុចលើរូបភាពខាងក្...Read more
មេបរិស្ថានឧទ្យានជាតិកំពង់ឆ្នាំង និងពោធិ៍សាត់ ប៉ាន់ មរកត ត្រូវគេសង្ស័យថា ជាអ្នកបញ្ជាឱ្យកូនចៅឈ្មោះ ភួង ស្រៀវ អង្គុយប្រមូលលុយពី ឈ្មួញរកស៊ីឈើប្រណីតក្នុងដែនចម្រកសត្វព្រៃភ្នំ ឱរាល់ខេ...Read more
តំបន់រម្យណីយដ្ឋានវប្បធម៌ធម្មជាតិអង្គរវត្ត ដែលជាកន្លែងគោរពបូរជា និងជាទីកម្សាន្តរបស់ភ្ញៀវទេសចរណ៍ជាតិ និងអន្តរជាតិ ត្រូវបានគេរំខាងដោយសូរសំលេងម៉ាស៊ីនភ្លើងលាន់លឺកង...Read more
អ្នកតំណាងរាស្ត្រគណបក្សសង្គ្រោះជាតិមណ្ឌលសៀមរាម លោក អ៊ុំ សំអាន បានប្រាប់ ឲ្យលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាអ្នកតំណាងរាស្ត្រគណបក្ស ប្រជា ជនកម្ពុជា នឹងជា កូនប្រ...Read more
ប្រភពបាននិយាយថា លោក ឃុន ជឿន បានបញ្ជាឲ្យកូនទាហានទារប្រាក់ពីពលករខ្មែរ ដែលចេញនិងចូលប្រទេសថៃ ម្នាក់ចំនួន ២០បាត តាមច្រករបៀងនានា ចាប់ពីភូមិសិលាខ្មែរ ទំនប់ដាច់ រហូតដល់ភូមិចំការគរ ...Read more
វីរបុរស់អ្នកការពារព្រៃឈើលោក ឈុត-វុទ្ធី បានលាចាកលោកយើងនេះទៅហើយក្តី តែកិត្តិនាមដ៏ឧត្តុងឧត្តមល្បីសុះសាយគ្រប់ទិសទី អំពីស្នាដៃរបស់លោក នៅតែដក់ជាប់ក្នុងក្រអៅហេះដូងជនជាតិខ្ម...Read more
យីហ៊ឺសិប្បនិម្មិត រួមទាំងបបែល ប្រមាណជិត២០០គីឡូក្រាម ត្រូវបានកម្លាំងសមត្ថកិច្ចនៃអធិការដ្ឋាននគរបាលស្រុកសង្កែធ្វើការឃាត់បានជាបន្តបន្ទាប់កាលពីថ្ងៃទី១០ ខែកក្កដា ឆ្នាំ២០១៥ វេលា...Read more
លោក ប៉ាតសុខ ភេទប្រុស អាយុ៤៤ឆ្នាំ រស់នៅភូមិវាល សង្កាត់ជ្រាវ ក្រុងសៀមរាប ខេត្តសៀមរាប ត្រូវបានលោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តសៀមរាប ចេញដីការកោះហៅអោយចូលបំភ្លឺនៅថ្ងៃទី១៩ ខ...Read more
យោងតាមសេចក្តីរាយការណ៍ពីសារព័ត៌មានវៀតណាមបានអោយដឹងថា ទូកវៀតណាមពីរគ្រឿង បានលិចនៅចុងសប្ដាហ៍នេះ បណ្តាលអោយមនុស្សម្នាក់បានស្លាប់ និង១០នាក់ទៀតបានបាត់ខ្លួនដោយនាវិកប្រាំបីនាក់នៅលើនាវា Xuan Phuc...Read more
| ថ្ងៃនេះ | 39910 | នាក់ |
| ម្សិលមិញ | 42319 | នាក់ |
| សប្ដាហ៍នេះ | 82243 | នាក់ |
| ខែនេះ | 229516 | នាក់ |
| ឆ្នាំនេះ | 2973820 | នាក់ |
| សរុប | 56572716 | នាក់ |
| ថ្ងៃទី 06 ខែ 05 ឆ្នាំ 2025 ម៉ោង 21:23 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net
