ពិធីការិនី យុគ ចិន្តា នៃស្ថានីយ៍ទូរទស្សន៍ CTN ដ៏ល្បីឈ្មោះ បានចេញមុខមកធ្វើការបកស្រាយហើយជុំវិញការចោទប្រកាន់ដែលថា នាងបានកាន់កាប់លុយរបស់សមាគមសិល្បករខ្មែរជាង១ម៉ឺនដុល្លារ ដោយមិនឱ្យសមាគមប្រើប្រាស់ក្នុងកម្មវិធីមនុស្សធម៌ផ្សេងៗនោះ។
ក្នុងបទសម្ភាសមួយដែលធ្វើឡើងនៅក្នុងបរិវេណសមាគមសិល្បករខ្មែរនាពេលថ្មីៗនេះ ពិធីការិនីយុគ ចិន្តា បានអះអាងថា ប្រាក់ដែលសមាគមមាននាពេលសព្វថ្ងៃនេះ គឺស្ថិតនៅក្នុងការគ្រប់គ្រងរបស់នាង និងលោក យុត្ថារ៉ា ឆានី ចាប់តាំងពីអាណត្តិរបស់លោក អៀង ស៊ីធុល រហូតមកដល់អាណត្តិនេះ។ ហើយកាលពីអាណត្តិមុនដើម្បីប្រើប្រាស់ថវិការបស់សមាគមបាន គឺលុះត្រាតែមានការចុះហត្ថលេខាពីលោក មិញ សុធីវណ្ណ លោក យុត្ថារ៉ា ឆានី នាងសឿ សុធារ៉ា និងរូបនាងផ្ទាល់សិន។
នាង យុគ ចិន្តា បានបញ្ជាក់ថា កាលក្នុងអាណត្តិដែលគ្រប់គ្រងដោយលោក មិញ សុធីវណ្ណ សមាគមមានលុយតែ៥០ដុល្លារប៉ុណ្ណោះ នៅក្នុងធនាគារ ហើយក្រោយមកគ្មានលុយអ្វីទាំងអស់ ។ ដោយសារបែបនេះហើយ សមាគមបានមូលមតិគ្នារៀបចំកម្មវិធីរាត្រីសមោសរមួយ ដើម្បីស្វែងរកប្រាក់ដាក់នៅក្នុងសមាគមសម្រាប់ទុកប្រើប្រាស់ក្នុងសកម្មភាពផ្សេងៗ។ ប្រាក់ដែលរកបាននាពេលនោះគឺមានចំនួនជាង៤ម៉ឺនដុល្លារ។
នាង យុគ ចិន្តា បានបន្តថា ក្នុងកាលៈទេសៈនោះដោយសារត្រូវមានភារកិច្ចជួយដល់កងទ័ពនៅសមរភូមិមុខ ក៏ផ្ទេរប្រាក់ប្រមាណ៧០ភាគរយ យកទៅទិញសម្ភារជួយដល់កងទ័ព។ ចំណែកលុយដែលនៅសល់ជាងមួយម៉ឺនដុល្លារគឺទុកនៅក្នុងធនាគារក្រោមការគ្រប់គ្រងរបស់នាង និងលោក យុត្ថារ៉ា ឆានី។
លុះមកដល់អាណត្តិដែលគ្រប់គ្រងដោយលោក សុះ ម៉ាច លុយទាំងនោះគឺត្រូវផ្ទេរទៅលោក ឆានី តែដោយសារមានការពិគ្រោះគ្នាពីថ្នាក់លើឱ្យមានការរក្សាលុយដែលមាននោះនៅក្នុងសមាគមកុំឱ្យបាត់បង់ ហេតុដូច្នេះហើយលុយទាំងនេះត្រូវយកមកប្រើប្រាស់សម្រាប់បង់ថ្លៃទឹក ភ្លើងនៅក្នុងសមាគម និងមួយចំណែកតូចទៀតគឺប្រើប្រាស់សម្រាប់ជួយដល់សិល្បករដែលមានជំងឺ និងបាត់បង់ជីវិត។
អ្នកនាង យុគ ចិន្តា បញ្ជាក់ទៀតថា រាល់ការចំណាយទាំងអស់សម្រាប់ប្រាក់នៅក្នុងសមាគមគឺត្រូវមានការចុះហត្ថលេខាពីលោក ឆានី និងរូបនាងផ្ទាល់ ប៉ុន្តែនាងមិនបានកាន់កាប់ក្បាលបញ្ជីរបស់សៀវភៅធនាគារឡើយ សូម្បីតែលេខកូដធនាគារក៏នាងមិនបានចាំដែរ គ្រាន់តែមានសិទ្ធិចុះហត្ថលេខាប៉ុណ្ណោះ។ ប៉ុន្តែក្រោយពីសង្កេតឃើញថា នៅក្នុងរយៈពេលមួយឆ្នាំចុងក្រោយនេះការចំណាយរបស់សមាគមមានចំនួនច្រើន ទើបនាង និងលោក ឆានី បានពិគ្រោះយោបល់គ្នាដើម្បីធ្វើយ៉ាងណាកុំឱ្យប្រាក់នោះចេះតែខើចទៅៗ។ ក្រោយមកនាងក៏សម្រេចចិត្តមិនចុះហត្ថលេខាដើម្បីដកប្រាក់របស់សមាគមប្រើប្រាស់បន្តទៀតឡើយ ដោយត្រូវរង់ចាំពិគ្រោះយោបល់ពីលោកសុះ ម៉ាច ដែលជាប្រធានសមាគម។
ពិធីការិនីរូបនេះអះអាងថា លុយដែលសល់មិនបាត់បង់ទៅណាទេ គឺនៅក្នុងធនាគារក្រោមការគ្រប់គ្រងរបស់លោក ឆានី និងរូបនាងផ្ទាល់។
ចំពោះបញ្ហានេះ លោក សុះ ម៉ាច ប្រធានសមាគមសិល្បករខ្មែរបានឱ្យដឹងថា កន្លងមកការប្រើប្រាស់លុយនៅក្នុងសមាគមពិតជាមានការលំបាកដោយសារតែលោកមិនបានដឹងច្បាស់ថា លុយដែលនៅសល់ក្នុងសមាគមនោះមានចំនួនប៉ុន្មាន ហើយលោកក៏គ្មានសិទ្ធិក្នុងការដកលុយទាំងនោះដែរ ។ ប៉ុន្តែឆ្លងតាមការបកស្រាយរបស់អ្នកនាង យុគ ចិន្តា ដែលជាហេរញ្ញិករបស់សមាគមទើបលោកយល់ច្បាស់អំពីបញ្ហានេះបន្ទាប់ពីមានមន្ទិលកន្លងមក៕ ប្រភពពី The Free Press Magazine
.jpg)
.jpg)
.jpg)
.png)
.jpg)
.jpg)
Post by សារព័ត៌មាន កម្ពុជាសុវណ្ណភូមិ | Kampuchea Sovanphum News....Read more
សំណុំរឿងឈ្មួញរកស៊ីដឹកឈើក្រញូង បើករថយន្តបំបុករថយន្តអ្នកកាសែត ប៉ុនប៉ងមនុស្សឃាតដោយចេតនា តាំងពីឆ្នាំ២០១៣នោះ ត្រូវបានតុលាការ ខេត្តសៀមរាបធ្វើការតម្កល់ឥតចាត់ការនេះបើយោងតាម...Read more
ក្នុងវេទិកាសេរីកាលពីថ្ងៃទី១៨ខែវិច្ឆិកា ឆ្នាំ២០១៤កន្លងទៅ នៅក្នុងស្រុកថ្មពួកលោកគោសុំសារឿត អភិបាលខេត្តបន្ទាយមានជ័យបានលើកឡើងថា អាជ្ញាធរចាំតែសម្រួលតាមក្រោយទេចំពោះដីស្តូបដែលដា...Read more
ស្រ្តីជនជាតិថៃម្នាក់ត្រូវបានបុរស់ជនជាតិខ្មែរ ឆ្លងដែនទៅឆក់ខ្សែក នៅវេលាម៉ោង៨:២៥នាទី ព្រឹកថ្ងៃទី១៦ ខែវិច្ឆិកា ឆ្នាំ២០១៤ នៅចំណុចផ្សារថៃ ស្ថិតនៅភូមិសូន្យសាន ឃុំតាប់ថៃ ស្រុកតាប់ប្រាយ៉...Read more
លោកអគ្គនាយកដ្ឋានទូរគមនាគមន៍កម្ពុជា មិនទាន់បានធ្វើកំណែទម្រង់ឱ្យបានស៊ីជម្រៅទៅតាមទិសដៅ របស់រាជរដ្ឋាភិបាលអាណត្តិទី ៥ នៅឡើយ ។ ការគ្រប់គ្រងនឹងដឹកនាំរបស់អគ្គនាយកបច្ចុប្បន្នកំពុងបង្កើត បក្...Read more
ជនសង្ស័យ២នាក់ត្រូវបានកំលាំងកងរាជអាវុធឃាត់ខ្លួនករណីជួញដូរគ្រឿងញៀនប្រភេទយ៉ាម៉ា១១គ្រាប់ត្រូវបានកសាងសំណុំរឿងបញ្ជូទៅសាលាដំបូងខេត្តបន្ទាយមានជ័យនាព្រឹកថ្ងៃទី១០កញ្ញា២០១៤។
លោ...Read more
យោងតាមបណ្តាញសង្គម (Face book) បានបង្ហោះតៗគ្នាថា អង្ករដែឡបានផលិតចេញពីប្លាស្ទិក (Plastic Rice) ពេលនេះកំពុងតែចរាចរណ៍នៅទីផ្សាអាស៊ីយើងនេះ ដូចជាមាននៅក្នុងប្រទេស ចិន និងកំពុងបោះជំហានចូលមកកា...Read more
ការងារជាប៉ូលីសចរាចរណ៍ ឈរហាលក្តីហាលភ្លៀង ហាលខ្យល់ ដើម្បីការពារសន្តិសុខជូនប្រជារាស្ត្រ វាជាទង្វើមួយដ៏ល្អដែលមិនអាចកាត់ថ្លៃបាន។ ប៉ុន្តែក្នុងនោះក៏មានប៉ូលីសចរាចរណ៍មួយចំនួនតូចមិនគោរពក្រមសីលធម៌របស់...Read more
ក្រុមប្រជាពលរដ្ឋរស់នៅ ឃុំស្រែគរ ស្រុកសេសាន ខេត្តស្ទឹងត្រែង បានសម្ដែងនូវការហួសចិត្ត ស្របពេលដែលសកម្មភាពដឹកជញ្ជូនឈើមកស្តុកក្នុងផ្ទៃអាងកើតមានឡើងជាច្រើនឆ្នាំកន្លងមករហូតដល់ពេលបច្ច...Read more
បនល្បែងស៊ីសងបានក្លាយជាសត្រូវរបស់ប្រជាពលរដ្ឋនិងបំពានទៅនឹងគោលនយោបាយភូមិ-សង្កាត់ មានសុវត្ថិភាពហើយក៏ត្រូវមានវិធានករលុបបំបាត់ជាបន្ទាន់ផងដែរប្រយោជន៍ ដើម្បីការពារសន្ដិសុខ សណ្ដាប...Read more
| ថ្ងៃនេះ | 38531 | នាក់ |
| ម្សិលមិញ | 42319 | នាក់ |
| សប្ដាហ៍នេះ | 80864 | នាក់ |
| ខែនេះ | 228137 | នាក់ |
| ឆ្នាំនេះ | 2972441 | នាក់ |
| សរុប | 56571337 | នាក់ |
| ថ្ងៃទី 06 ខែ 05 ឆ្នាំ 2025 ម៉ោង 20:39 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net