សហជីព​ដាក់​ញ្ញត្តិ​ជូន​លោក អូ​បា​ម៉ា មេដឹ​នាំ​ចិន និង​កម្ពុជា​

ញ្ញត្តិ​ស្វែងរក​អន្តរាគមន៍ មិនមែន​មាន​តែ​ប្រជាពលរដ្ឋ នៅក្នុង​សហគមន៍​ដីធ្លី​ទេ គឺ​ក្រុម​មេដឹកនាំ​អង្គការ​សង្គម​ស៊ីវិល​ជា​ច្រើន និង​មេដឹកនាំ​សហជីព ក៏​បាន​ដាក់​ញ្ញត្តិ ស្វែងរក​អន្តរាគមន៍​ពី​មេដឹកនាំ​អាមេរិក និង​ចិន ឲ្យជួយ​ធ្វើ​អន្តរាគមន៍​ផង​ដែ​រ​។​

ញ្ញត្តិ ដែល​បាន​សម្តែង​ពី​ក្តី​កង្វល់​របស់​កម្មករ កម្មការិនី បម្រើ​ការងារ​នៅតាម​រោងចក្រ ត្រូវបាន​សហជីព ដាក់​ជូន​លោក បា​រ៉ាក់ អូ​បា​ម៉ា ប្រធានាធិបតី​សហរដ្ឋអាមេរិក ចិន តាមរយៈ​ស្ថានទូត​អាមេរិក​ ស្ថានទូត​ចិន ប្រចាំ​នៅ​កម្ពុជា​។ ញ្ញត្តិ​នោះ ក៏​ត្រូវបាន​ដាក់​ទៅកាន់​សម្តេច​នាយករដ្ឋមន្ត្រី ហ៊ុន សែន តាមរយៈ​ទីស្តីការគណៈរដ្ឋមន្ត្រី និង​សហគមន៍​​អឺរ៉ុប នៅ​រសៀល​ថ្ងៃ​ទី​២០ ខែវិច្ឆិកា ឆ្នាំ​២០១២​។ ប៉ុន្តែ​ការដាក់​ញ្ញត្តិ​នោះ មិន​មាន​ការដើរ​ហែ​ក្បួន ជា​ទ្រង់ទ្រាយ​ធំ​ទេ ដោយ​គ្រាន់តែ​មាន​តំណាង​៤-៥​នាក់ ដើរ​យក​ញ្ញ​តិ្ត ទៅ​ដាក់​តែប៉ុណ្ណោះ​។​ លោក អាត់ ធន់

ប្រធាន​សហភាព​ការងារ​កម្ពុជា បានឲ្យ​ដឹង​នៅ​រសៀល ថ្ងៃទី​២០ ខែវិច្ឆិកា ឆ្នាំ​២០១២ បានឲ្យដឹងថា ញ្ញ​តិ្ត ដែល​ដាក់​នោះ ទាក់ទង​ទៅនឹង​វិស័យ​ការងារ និង​ពាក់ព័ន្ធ​រឿង​កម្មករ កម្មការិនី បម្រើការ​តាម​រោងចក្រ​។ នៅក្នុង​ចំណុច​សំខាន់ នៃ​ញ្ញត្តិ​ដាក់​ជូន​លោក​ប្រធានាធិបតី​អាមេរិក ចិន សម្តេចនាយក​រដ្ឋមន្ត្រី ហ៊ុន សែន ក្នុងនាម​ជា​ប្រធាន​អាស៊ាន និង​សហគមន៍​អឺរ៉ុប មានដូចជាៈ​លក្ខខណ្ឌ​ការងារ ផ្តល់​ប្រាក់​ឈ្នួល​ឲ្យ​កម្មករ​ឲ្យ​បាន​សមរម្យ​ផ្តល់​សេរីភាព​ដល់​សហជីព កុំឲ្យ​និយោជក​ប្រើ​ប្រាស់​កិច្ចសន្យាខ្លី បង្កើត​ច្បាប់​ការងារ បង្កើត​គណៈកម្មកា​រស​ហ​ជីព ក្នុង​អាស៊ាន ទទួលខុសត្រូវ ចំពោះ​កម្មករ​ចំណាកស្រុក​។​

​លោក អាត់ ធន់ បាន​លើកឡើង​ថា នៅ​ប្រទេស​កម្ពុជា បច្ចុប្បន្ន សេរីភាព​សហជីព ជាពិសេស​សហជីព​កម្ម​ករ​តែម្តង គឺ​សិទ្ធិ​របស់​កម្មករ មាន​ការធ្លាក់​ចុះ​និយោជក​ប្រើ​ប្រាស់ កិច្ចសន្យា​ខ្លីៗ ធ្វើ​កម្មករ​មិនអាច​ចូល​សហជីព​បាន ហើយ​និយោជក អាច​កេងប្រវ័ញ្ច​ពី​ច្បាប់​បាន និង​ប្រាក់​ចំណេញ​ពី​លើ​កម្មករ​បាន​ទៀត​។ កម្មករ​មួយ​ចំនួន អត់​ហ៊ាន​តវ៉ា​ទេ ភាគច្រើន ខ្លាច​គេ​បញ្ឈប់​ទាក់ទង​បញ្ហា​កិច្ចសន្យា​ខ្លី​។

​លោក អាត់ ធន់ បាន​បន្ថែមថា បើ​និយាយ​ពី​សេរីភាព​សហជីព មាន​ការធ្លាក់ចុះ លោក អាត់ ធន់ បាន​បន្ថែមទៀតថា ពាក់ព័ន្ធ​បញ្ហា​ប្រាក់​ឈ្នួល និង​បញ្ហា​សុខភាព គឺ​នៅ​ជា​បញ្ហា​ដែរ​។ មាន​រោងចក្រ​មួយចំនួន​ធ្វើបាប​កម្មករ​។ យើង​មើល​ជាទូទៅ​លោក​គិតថា បើ​និយាយ​ថា​ប្រសើរ​មិនអាច​ទាន់​និយាយ​បាន​ទេ សម្រាប់​កម្មករ​៕​