បុរសកំណាចវាយប្រពន្ធ និងកូនអាយុជាង១ខែសន្លប់ត្រូវសមត្ថកិច្ចចាប់ខ្លួន

អំពើហិង្សាក្នុងគ្រួសារមួយបានកើតឡើងដោយបុរសជាប្តីវាយធ្វើបាបប្រពន្ធ ហើយច្របាច់. ក កូនដែលទើបតែមានអយុជា១ខែ ហើយក្រោយពីធ្វើសកម្មភាពរួចហើយគេចខ្លួនបានតែបន្តិចក៏ត្រូវ សមត្ថកិច្ចចាប់ខ្លួន។

ប្តីកំណាចប្រើអំពើហិង្សាក្នុងគ្រួសារនោះបានកើតឡើងនៅចំណុចអូរ ដីស ស្ថិតក្នុងភូមិព្រីង ឃុំត្រែងត្រយឹង ស្រុកភ្នំស្រួច ដែលបង្កឡើងដោយបុរសជាប្តីបានគំរាមកំហែង និងវាយប្រពន្ធ កូនអាយុជាង១ខែរបស់ខ្លួនឱ្យសន្លប់ កាលពីវេលាម៉ោង៣និង៣០នាទីរសៀលថ្ងៃទី១៨ សីហា ២០១២ ។

ប្រភព័ត៌មានបានឲ្យដឹងថានៅពេលប្ដីប្រើហិង្សាលើប្រពន្ធនោះ ថែមទាំងបានច្របាច់.ក កូនតូចដែលទើបតែមានអាយុជាង១ខែនោះទៀតផង ប៉ុន្តែកូនតូចគ្រាន់តែសន្លប់ធ្វើឱ្យឪពុកតិរិច្ឆានភ័យបានរត់គេច ខ្លួន ក្រោយកើតហេតុបានបន្តិចក៏ក្រុមពលរដ្ឋអ្នកជិតខាងរាយកាណ៏ដល់សមត្ថ កិច្ចបានតាមចាប់ជនដៃដល់នោះបានភ្លាមៗ ផងដែរ។ប្រភពដដែលបានបន្តថាជន សង្ស័យដែលរងការចោទប្រកាន់នោះបានមានទំនាស់ជាមួយប្រពន្ធនិងម្តាយឪពុកក្មេករហូត មានការលះលែងគ្នា ប៉ុន្តែដោយមានការចចាមិនត្រូវគ្នាដោយបុរសរូបនោះចង់រួមរស់ជាមួយ ប្រពន្ធខ្លួនវិញទើបកើតជាអំពើហឹង្សារបែបនេះ ដោយឡែកជនសង្ស័យបានសារភាពសមត្ថ កិច្ចថាខ្លួនមិនបានប្រព្រឹត្តដូច្នេះទេ គឺជាការឆ្នៃប្រឌិតរបស់គ្រួសារខាងស្រី។

មន្ត្រីរាជអវុធហត្ថស្រុកភ្នំស្រួចបានឲ្យដឹងថាជនដៃដល់ជាប្តីឈ្មោះឈន ឆាត អាយុ៣៤ឆ្នាំ និងស្ត្រីរងគ្រោះដែលត្រូវប្តីវាយឱ្យសន្លប់ជាមួយនឹងកូននោះ ឈ្មោះសៀន ដាលីន អាយុ២០ឆ្នាំ ។ ដោយមានការអន្តរាគមន៍ពីអ្នកជិតខាងបានរាយការណ៍ដល់សមត្ថកិច្ច ទាន់ពេលវេលានោះបច្ចុប្បន្នបុរសជាប្តីត្រូវបានចាប់ឃាត់ខ្លួននិង បញ្ជូនមកបញ្ជាការដ្ឋានប៉េអឹមខេត្ត ដើម្បីកសាងសំណុំរឿងបញ្ជូនបន្តទៅកាន់ សាលាដំបូងខេត្ត នៅថ្ងៃទី២១ខែសីហាឆ្នាំ២០១២ចាត់ការតាមនិតិវិធីច្បាប់៕