បុរស់ម្នាក់ជិះរថយន្តម៉ាកធុនត្រាពណ៍សគ្មានស្លាក់លេខ មានកាំភ្លើងជ័រម៉ាកឡុក១ដើម និងឯកសណ្ឋានកងរាជអាវុធហត្ថលើផ្ទៃប្រទេសមានមានឈ្មោះ ហ៊ុនរដ្ឋា អត្ដលេខ ០៤៦៩១៦ និងមានឋានៈជាវីរសេនីទោ ដែលគេសង្ស័យថា ជាក្រុមកាងរថយន្តដឹកឈើក្រញូង បានបើករថយន្តកៀរថយន្តព្រះរាជអាជ្ញារួចសំឡុតគុំរាមព្រះរាជអាជ្ញាយ៉ាងចាស់ដៃរហូតដល់ព្រះរាជអាជ្ញាទ្រាំមិនបានក៏អោយអធិការស្រុកសូទ្រនិគមឃាត់ខ្លួនបញ្ជូនទៅកងរាជអាវុធខេត្ត។
លោកទីសុវិនថាល់ ព្រះរាជអាជ្ញាសាលាដំបូងខេត្តសៀមរាបបានអោយដឹងថា នៅម៉ោងប្រហែលជាង៩យប់នាថ្ងៃទី២៣ខែវិច្ឆឆ្នាំ២០១២ មុនពេលកើតហេតុ គឺលោកបានទទួលសេចក្ដីរាយការណ៍តាមទូរស័ព្ទពីអ្នកកាសែតមួយរូប ឈ្មោះ ផ្លុងរ៉េត ថាមានរថយន្ដទំនើបៗ ៣ ទៅ ៤គ្រឿង កំពុងធ្វើសកម្មភាពដឹកឈើគ្រញូងចុះពីចំការកៅស៊ូស្ថិតក្នុងស្រុកស្វាយលើ ឆ្លងកាត់ទីរួមស្រុកសូទ្រនិគម ទើបលោកឱ្យក្រឡាបញ្ជីឈ្មោះ ថេងចន្ទី (ហៅម៉ៅ) យករថយន្ដជូនលោក ព្រមជាមួយលោកវីរសេនីយ៍ឯក អ៊ុំ អមរា ស្នងការរងទទូលបន្ទុកបង្រ្កាបបទល្មើស និងនគរបាលខ្លាហោះឈ្មោះ ម៉ុក រ៉ា ធ្វើដំណើរតាមដងផ្លូវជាតិលេខ៦ដតំរ៉ង់ទៅទិសខាងកើតក្នុងគោលបំណងតាមចាប់រថយន្តដឹកឈើក្រញូងទាំងនោះ។ លោកទីសុវិនថាល់បន្តថា លុះដល់ឃុំដំដែកស្រាប់តែមានរថយន្តម៉ាកបាឡែនគ្មានស្លាកលេខ១គ្រឿង បើកហ្វាប្រើឡាហ្សែពីក្រោយ ហើយរថយន្ដនោះក៏បើកវ៉ារថយន្ដព្រះរាជអាជ្ញាពីមុខពីក្រោយរបៀបដូចជាបញ្ឆោតចុះឡើង។ លោកទីសុវិនថាល់បន្តទៀតថា មិនយូប៉ុន្មានស្រាប់តែមានរថយន្តម៉ាកធុនត្រាខាងលើបើកមកកៀរថយន្តលោកតែដោយក្រឡាបញ្ជីលោកគេចទៅកៀនថ្នល់រហូតដល់ធ្លាក់កង់ម្ខាងហើយឈប់ភ្លាម ស្រាប់តែបុរសជាប់ខ្នោះខាងលើចុះពីរថយន្តមកឡូឡាគំរាមគំហែងក្រុមលោកដោយនិយាយមិនស្តាប់គ្នាទាល់តែសោះទើបលោក អោយអធិការស្រុកឃាត់ខ្លួនបញ្ជូនទៅអោយកងរាជអាវុធហត្ថខេត្តតែម្តង។លោក ទីសុវិនថាល់ បានបន្ដថា ករណីកៀរឡានលោក លោកសុំមិនប្ដឹងពីបទប៉ុនប៉ងមនុស្សឃាតឡើយ ប៉ុន្ដែករណីអាវកងរាជអាវុធហត្ថ លោកស្នើឱ្យសមត្ថកិច្ចកសាងសំណុំរឿងរួចហើយ ឯរឿងមនុស្សឃាតខ្លួនខាងលើអាចបញ្ចប់ ហើយអាចនឹងបញ្ជាឱ្យដោះលែងនៅថ្ងៃទី២៤ ខែវិច្ឆិកានេះ ប៉ុន្ដែសំណុំរឿងអាវអាវុធហត្ថមិនទាន់ចប់ទេ។
បើតាមសមត្ថកិច្ចបញ្ជាក់ថា ឈ្មោះពិតនៃម្ចាស់ឡានTuntra ខាងលើគឺឈ្មោះ ហ៊ុនរដ្ឋា មានអត្ដលេខ ០៤៦៩១៦ ដែលជាម្ចាស់អាវ និងជាម្ចាស់ស្រោមកាំភ្លើងខ្លី ដែលឈ្មោះនេះត្រូវបានគេស្គាល់ថា ជាអាវុធហត្ថលើផ្ទៃប្រទេស និងជាប្អូនមន្ដ្រីអាវុធហត្ថមួយរូបនៅផ្ទៃប្រទេស និងជាក្មួយលោកស្នងការរងនគរបាលខេត្ដសៀមរាបមួយរូបផងដែរ។ ចំណែកអ្នកបើកបរដែលគេឃាត់ខ្លួនឈ្មោះ លីរ័ត្នធារ៉ា ភេទប្រុស អាយុ ២៥ឆ្នាំ មានមុខរបរលក់ថ្នាំពេទ្យ និងលក់-ជួសជុលទូរស័ព្ទដៃ នៅស្រុកសូទ្រនិគម ខេត្តសៀមរាប ដែលបានខ្ចីរថយន្តខាងលើមកបើកបរ។
ខាងភាគីរថយន្ដ Tuntra ខាងលើបាននិយាយចោតថា រថយន្ដលោកព្រះរាជអាជ្ញា បានបើកដេញរថយន្ដបាឡេននោះ ហើយតៃកុងរថយន្តក៏ទូរស័ព្ទមកបងរបគេ ហើយបងគេក៏បើករថយន្ដTuntra មកកាក់ឡានដែលដេញតាមនោះឱ្យឈប់ ប៉ុន្ដែចុងក្រោយទើបដឹងថា រថយន្ដនោះជារបស់ព្រះរាជអាជ្ញា។
លោក ផ្លុងរ៉េត ចាងហ្វាងកាសែតកម្ពុជាសុវណ្ណភូមិ បានអោយដឹងនៅរសៀលថ្ងៃទី២៤ដដែលនេះថា វាពិតជាមានរឿងដូចខាងលើមែន។ លោបន្តថា នៅល្ងាចថ្ងៃទី២៣ម៉ោងប្រហែល៦លោកបានទទួលទូរស័ព្ទពីបណ្តាញថា មានរថយន្តដឹកឈើក្រញូងចុះមកពីស្រុកស្វាយលើ ទើបលោកបើករថយន្តម៉ាកកាលីហ្វញ៉ាមានគ្នា៤នាក់ទៅតាមដានមើល។ លុះដល់ចំណុចកុងត្រូលទី១ផ្លូងក្នុងស្រុកស្វាយលើក៏ប្រទះឃើញរថយន្តកាមរីហើមសេរីឆ្នាំ៩៣ពណ៍ទឹកប្រាក់១គ្រឿង និងរថយន្តបាឡែនពណ៍ស្កអត់ស្លាកលេខ១គ្រឿងដឹកឈើក្រញូងពេញ។ លោកបានបើករថយន្តតាមពីក្រោយស្រាប់តែមានរថយន្តម៉ាកឡិចស៊ីសពណ៍ស្កអត់ស្លាកលេខមកបើករេពេញផ្លូវបាំងមិនអោយរថយន្តលោកបន្តដំណើរទៅមុខបាន ទើបលោករាយការណ៍ជូនលោកព្រះរាជអាជ្ញាអោយជួយអន្តរាគមភ្លាម តែដោយសារថយន្តកាងឈើរេមិនអោយរថយន្តលោកទៅមុខទើបបណ្តាលអោយរថយន្តដឹកឈើគេចបាត់ទៅ។ លោករ៉េតបន្តថា ប្រហែល២០នាទីក្រោយពីរថយន្តទាំង២ខាងលើរតបាត់ ស្រាប់តែមានរថយន្តម៉ាក ណាវើរ៉ា ពណ៍ត្រអ៊ី ពាក់ស្លាកលេខខេមរភូមិន្ទ និងរថយន្តម៉ាកធុនត្រាពណ៍សដាក់ឈើក្រញូងពេញស្មើដំបូលគ្របកៅស៊ូបាតង់ពណ៍ខៀងចុះពីចំណុចចំការកៅស៊ូស្រុកស្វាយលើដូចបណ្តាញរាយការណ៍មែន។ លោករ៉េតបន្តទៀតថា លោកបានដេញរថយន្ត២គ្រឿងក្រោយទៀតនេះពីចំណុចផ្សាដំដែក ហើយភា្លមនោះក៏មានរថយន្តម៉ាកឆ្លាមពណ៍សំបកឪឡឹកអត់ស្លាកលេខ និងរថយន្តម៉ាកហៃលេនដឺពណ៍ខ្មៅមកបាំងរថយន្តលោកទៀតតាំងពីចំណុចផ្សាដំដែលករហូតដល់ផ្សាកំពុងក្តី។ លោករ៉េតបន្តទៀតថា ”លោកព្រះរាជអាជ្ញាប្រាប់លោកថា អោយតាមពីក្រោយកុំអោយបាត់ឡាន លោកអោយសមត្ថកិច្ចគេដាក់កំលាំងចាំស្ទាក់ខាងមុខហើយ“ តែទៅដល់ឃុំកំពុងក្តីស្រុកសូទ្រនិគមគ្មានឃើញសមត្ថកិច្ចណាម្នាក់សោះ ហើយរថយន្តក្រញូងក៏ទៅបាត់ទៀត។ លោករ៉េតបន្ថែមថា បើកុំតែលោកព្រះរាជអាជ្ញារវល់មានបញ្ហាជាមួយក្រុមរថយន្តធុនត្រាខាងលើ ម្លេះអាចចាប់ឈើក្រញូងបានខ្លះ។
លោករ៉េតនិងអ្នកកាសែតខេត្តសៀមរាបបានបញ្ជាក់បន្ថែមថា នេះវាមិនមែនជាលើកទី១ដែលក្រុមមន្រ្តីប៉េអឹមនៅតាមដងផ្លូវព្យាយាមរារាំងសមត្ថកិច្ច ឬអ្នកកាសែតមិនអោយតាមឡានដឹកឈើក្រញូង ដោយយកលេសសុំឆែកឡាន ឬយកលេសពីនេះពីនោះ ក្នុងគោលបំណងពន្យាពេលអោយរថយន្តដឹកឈើរតគេច..។
ក្រុមអ្នកកាសែត ខេត្តសៀមរាបនិយាយទាំងការអស់សង្ឃឹមថា ពេលមានបទល្មើសព្រៃឈើធ្វើដំណើរគឺពួកគេមិនអាចទំនាក់ទំនងសមត្ថកិច្ចតាមដងផ្លូវ និងខាងរដ្ឋបាលព្រៃឈើបានទេ ព្រោះទូរស័ព្ទពួកគេបិទអស់ ឬ ខលចូលហើយមិនលើក តែបើលើកបែជាឆ្លើយថា នៅឆ្ងាយ ជាប់ប្រជុំ ជាប់មានកម្មវិជីនេះនោះ មានលេសតែរហូត៕