សារហាវព្រៃផ្សៃណាស់៖ មេឈ្មួញរកស៊ីឈើគ្រញួងឈ្មោះ ខ្វៀង ធីម៉ៃ បញ្ជាអោយបក្ខពួកដេញវាយ ដេញកាប់អ្នកការសែតពីររថយន្ត និងវាយកំទេចរយន្តអ្នកកាសែត១គ្រឿងទៀតផង

ក្រុមអ្នកយកព័តមាន៤ស្ថាប័នបានចុះទៅថតនូវសកម្មភាពទី តាំង​ស្តុប​ឈើ និង​ការ​ដឹក​ជញ្ជូន​ឈើគ្រញួង​របស់ឈ្មោះ ខ្វៀង ធីម៉ៃ (ចែម៉ាយ ឬយាយម៉ាយ) ភេទស្រី អាយុ ប្រមាណ​ជាង​៤០​ឆ្នាំ ជាជនជាតិយួន​​ ដែល​ត្រូវ​បាន​គេ​ស្គាល់ថា ជាមេឈ្មួញឈើគ្រញួងធំ​ហើយ​ល្បីប្រចាំ ស្រុកអន្លង់វែង និងស្រុក​ត្រ​ពាំងប្រាសាទ មេឈ្មួញ​រូប​នេះ​បាន​បញ្ជាកូនចៅបក្ខពួកជាង​១០នាក់​ដេញវាយអ្នក យកព័ត៌​មាន​កាល​ពីថ្ងៃទី២២ ខែមេសា ឆ្នាំ២០១៧នេះ ស្ថិត​ក្នុងភូមិទំនប់លើ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។

ក្រុមអ្នកយកព័ត៌មានដែលត្រូវ​បាន​បក្ខពួកមេឈ្មួញឈើគ្រញួងជន​ជាតិ​យួន​ឈ្មោះ ខ្វៀង ធីម៉ៃ (ចែម៉ាយ ឬយាយម៉ាយ) ដេញវាយនោះមាន​ឈ្មោះ​ដូចជា៖ ១ឈ្មោះ ថោង សុរ៉េត ភេទប្រុស អាយុ២៨ឆ្នាំ យកព័ត៌មានឱ្យការសែត កម្ពុជាសុវណ្ណភូមិ ២ឈ្មោះ ហ៊ាន ពណ៍ ភេទប្រុស អាយុ៤០ឆ្នាំ អ្នកយកព័ត៌មានឱ្យទូទស្សន៍ស្លឹករឹត ៣ឈ្មោះ អឺម សុខា ភេទប្រុស អាយុ៤៩ឆ្នាំអ្ន កយកព័ត៌មានឱ្យមតិមហាជន និង៤ឈ្មោះ សាន់ រិន ភេទប្រុស អាយុជាង៥០ឆ្នាំ អ្នកយកព័ត៌មានឱ្យទូទស្សន៍។

យោងតាមការអៈអាងពីឈ្មោះ ថោ សុរ៉េត ក្នុងចំណោមអ្នកយកព័ត៌មាន៤នាក់បាន ឱ្យដឹងថា មុនពេល​កើត​ហេតុ​ក្រុមខ្លួនជាអ្នកយកព័ត៌មានបានទទួលព័ត៌មានពីប្រ​ជាពលរដ្ឋថា មេឈ្មួញឈើក្រញូអ ឈ្មោះ ខ្វៀង ធីម៉ៃ ជាជនជាតិយួននិងបក្ខពួក កំពុងដឹកជញ្ជូនឈើគ្រញួងមកស្តុប និងពុះជ្រៀក បំរុង​ដាក់​ក្នុង​រថ​យន្ត​ដឹក​ចេញ​ទៅប្រទេសវៀតណាម ដោយ​ចេះ​ដំណើរ​ពី​ស្រុក​អន្លង់វែងខេត្ត​ឧត្តរមានជ័យ ឆ្លងកាត់​ស្រុក​ក្រឡាញ់ខេត្តសៀមរាប ឆ្លង​កាត់​ខេត្តបន្ទាយ​មាន​ជ័យ ឆ្ពោះទៅ​ខេត្តកំពង់ចាម។

ក្រោយពីបានទទួលព័ត៌មាននេះក្រុមអ្នកយកព័ត៌មានបាននាំគ្នាទៅថតយករូបភាព ស្រាប់តែ​មេឈ្មួញ​រូបនេះ​បានបញ្ជាកូនចៅប្រមាណ៣០នាក់ ដោយក្នុងដៃរបស់ពួកគេ​មានបំពង់ទីព ដំបង កាំបិត ចបជីក មកប៉ុនប៉ងវាយសម្លាប់អ្នក​កាសែតទាំង​នោះ តែសំណាងល្អអ្នកយកព័ត៌មានបានរត់គេចខ្លួនទាន់ ហើយ​ក្រុមជន​ដៃ​ដល់​ទាំង​នេះបានវាយកំទេច​រថយន្តម៉ាកកាមារីមួយគ្រឿង បណ្តាល​អោយ​មាន​ការ​ខូចខាតមួយកំណាត់ក្រោយ​ទាំង​ស្រុង ហើយក្រុមអ្នកយកព័ត៌មានទាំង៤រូបបានដាក់ ពាក្យបណ្តឹងចូលទៅព្រះរាជអាជ្ញារអមសាលាដំបូង ខេត្តឧត្តរមានជ័យ កាល​ពី​ថ្ងៃទី​២៣ មេសា ម្សិល​មិញ សុំ​អោយ​តុលាការ​ចាត់ការទៅ តាមនិតិវិធីច្បាប់។

មន្រ្តីដែលបម្រើការងារនៅក្នុងស្រុកអន្លង់វែងម្នាក់សុំមិនបញ្ចេញឈ្មោះបានឱ្យ អ្នក​យក​ព័ត៌មាន​យើង​ដឹង​ថា មេឈ្មួញឈើគ្រញួងឈ្មោះ ខ្វៀង ធីម៉ៃ នេះបានធ្វើសកម្មភាពមក លើអ្នក​សាព័ត៌​មានម្តងរួចមកហើយកាលពីអំឡុងឆ្នាំ២០១៦ កន្លង់មកលើសពីនោះ ស្រ្តីរូបនេះ​ថែមទាំងប្រ​មាថមាកងាយ​ដល់មន្រ្តីតូចតាច​ដែលបម្រើការងាររដ្ឋផងដែរ ដូចជាក្នុង​ការរកស៊ីដឹក​ឈើឬជួលពលរដ្ឋ​ឱ្យឡើងភ្នំកាប់​ឈើគ្រញួង​នៅក្នុងទឹកដីថៃ នោះ ដូចពាក្យស្លោក​បានពោលថា សុខចិត្តបោះនុយ​ទៅឱ្យត្រីឆ្តោស៊ី​មិន​ឱ្យ​ច្រ​វ៉ាប្របិចនោះទេ។ មន្រ្តីដដែលបានបន្តថា ស្រ្តីជនជាតិវៀតណាមម្នាក់នេះរកស៊ីនៅក្នុងស្រុកខ្មែរថ្លើម ធំណាស់ដោយមិនខ្លាចញញើតសមត្តកិច្ចណារនោះទេដោយសាតែអ្នកមានអំណា ចនៅពីក្រោយ​ខ្នងជាអ្នកកាង ព្រោះតែបានទទួលនូលាភសក្ការៈពីស្រ្តីម្នាក់នេះ។

ក្រុម​អ្នក​សារព័ត៌មាន​ និង​ពលរដ្ឋ​ខេត្តឧត្តរមានជ័យ សំនូម​ពរទៅ​តុលាការខេត្តឧត្តរមានជ័យ ចៅហ្វាង​ខេត្តឧត្តរមានជ័យ និង​មន្ត្រី​ពាក់​ព័ន្ធ​ទាំង​អស់​មេត្តា​ចាត់​ការ​មេឈ្មួញ​រក​ស៊ី​ឈើ​ក្រញូង​ឈ្មោះ ខ្វៀង ធីម៉ៃ (ចែម៉ាយ ឬយាយម៉ាយ) នេះអោយ​បាន​ឆាប់​រហ័ស​ ព្រោះ​បើ​បណ្តែត​បណ្តោយ​យូរ​ទៅ​ ច្បាស់​វឹក​វរធំ​ហើយ​នៅ​ខេត្តប៉ែកឧត្តរប្រទេសកម្ពុជា៕ សហការី