ក្បួនរថយន្តកូរ៉េធំៗ របស់លោក ធឹង លាងស្រេង កំពុងសម្រុកដឹក ឈើចេញពី ទឹកដីខេត្ត ព្រះវិហារដូចគេហែកឋិនទាន ចូលមកចែកចាយតាមដេប៉ូនានាក្នុងក្រុងសៀមរាប ដោយឆ្លងកាត់ស្នាក់ការ រដ្ឋបាលព្រៃឈើស្រុកស្វាយលើ ស្នាក់ការបរិស្ថាន ដឺបេ ប៉ូលីសសេដ្ឋកិច្ច និងស្នាក់ការជាច្រើនទៀត បានយ៉ាងរលូន តែគ្មានសមត្ថកិច្ច ឬស្ថានប័ណណាមួយចេញមុខបង្ក្រាបនោះទេ ធ្វើអោយមហាជនសង្ស័យថា អាចសមត្ថកិច្ចជំនាញតាមដងផ្លូវនេះជាអ្នកបើកភ្លើងខៀវឲ្យហើយមើលទៅ។
តាមការឲ្យដឹងពីលោក ធឹងលាងស្រេង ម្ចាស់ឈើ បាននិយាយថា រថយន្តដឹកឈើ របស់គេបាន ដឹកចេញពីដេប៉ូ នៅស្រុកស្វាយលើ ដែលមានយីហោ ធឹងលាងស្រេង មានទីតាំងនៅ ភូមិអង្កាញ់ (ត្រពាំងខ្ទះ) ឃុំស្វាយលើ ស្រុកស្វាយលើ។
លោក យឹម ស៊ីវន នាយសង្កាត់រដ្ឋបាលព្រៃឈើស្រុកប្រាសាទបាគងបានអោយដឹងថា ខាងមេព្រៃបានអោយលោក ធឹងលាងស្រេង ផ្អាកដឹកឈើចូលក្រុងសៀមរាបតាំងពីជើងទី២ម្លេះ តែក្រោយមកលោកមិនបានដឹងថា គេនៅតែដឹកចូលមិនបានឈប់ចឹងសោះ។
ប្រភពព័ត៌មានពីអ្នកកាសែតមួយរូបសុំមិនបញ្ចេញឈ្មោះបានអោយដឹងថា លោកធឹងលាងស្រេង បានចាប់ផ្តើមដឹកឈើចូលខេត្តសៀមរាប តាំងពីចុងខែសីហាឆ្នាំ២០១៦មក រហូតមកដល់ថ្ងៃទីម្ភៃជាងខែកញ្ញា ឆ្នាំ២០១៦នេះ ហើយមានថ្ងៃខ្លះដឹករហូតដល់ទៅបីរថយន្តធំៗក៏មានដែរ ដែលអាចសរុបបានថា រយៈពេលជិត១ខែនេះលោក ស្រេង អាចដឹកឈើចូលខេត្តសៀមរាប ប្រហែលជិត១០០រថយន្ត។
ប្រភពពីក្រុមឈ្មួញរកស៊ីដឹកឈើដែលស្គាល់លោក ធឹងលាងស្រេង បានលួចបង្ហើបប្រាប់ថា លោកស្រេងកំពុងយកដៃបាំងមេឃ ដោយមានការឃុបឃិតជាមួយមន្ត្រីជំនាញតាមដងផ្លូវមួយចំនួនដោយ ទិញឈើរណាង៉ោងពីព្រៃខុសច្បាប់ ហើយយកទៅលាក់ទុកនៅកន្លែងណាមួយ បន្ទាប់មកលើកដាក់ឡាន ដឹកចេញដោយកុហក់អ្នកដែលមិនដឹងរឿងថា ជាឈើចេញពីដេប៉ូមានច្បាប់ត្រឹមត្រូវ។
មន្ត្រីរដ្ឋបាលព្រៃឈើម្នាក់ធ្លាប់ប្រាប់កម្ពុជាសុវណ្ណភូមិថា បើទោះជាអ្នកបើកដេប៉ូទិញលក់ឈើមានច្បាប់ដេប៉ូ ក៏ដោយ តែម្ចាស់ដេប៉ូត្រូវទទួលទិញឈើពីក្រុមហ៊ុនដីសម្បទានសេដ្ឋកិច្ច ដែលមានច្បាប់ត្រឹមត្រូវ មិនមែនទទួលទិញឈើដែលអាដោយរណាង៉ោងខុសច្បាប់ ដែលពលរដ្ឋលួចអានៅក្នុងព្រៃនោះទេ ហើយនៅពេលដឹកជញ្ជូនត្រូវមានច្បាប់អនុញ្ញាតិពីមន្ត្រីជំនាញត្រឹមត្រូវ ដែលមានក្រដាសស្នាមបង់ប្រាក់ចូលរដ្ឋទៀតផង មិនមែនកាន់តែច្បាប់ដេប៉ូមួយ ដើរទិញឈើបានគ្រប់ទីកន្លែងនោះទេ។
លោក ពៅប្រជ្រុយ នៅខេត្តសៀមរាបដែលនណាៗក៏គេស្គាល់ថា ជាឈ្មួញរកស៊ីដឹកឈើជើងចាស់ម្នាក់យូរឆ្នាំណាស់មកហើយនោះ បានប្រាប់តាមទូរស័ព្ទថា ឈើជាឈើរបស់លោក គ្រាន់តែមួយរយៈមិនសូវស្រួលខ្លួនក៏ពឹងអោយលោកស្រេងជួយដឹកអោយ។ លោកពៅបន្តថា ទើបតែដឹកបាន១៣ឡានទេ បើគិតត្រឹមថ្ងៃទី២១ ខែកញ្ញា ឆ្នាំ២០១៦នេះ មិនមែនរាប់រយឡានដូចគេថានោះទេ។
បើទោះជាលោក ពៅប្រជ្រុយ ខំយកខ្លួនទៅពាំងជំនួសលោក ធឹងលាងស្រេង យ៉ាងណាក៏ដោយ តែមានប្រភពព័ត៌មានពីមនុស្សបីទៅបួននាក់ផ្សេងទៀតបានខ្សឹបប្រាប់ថា លោកពៅប្រជ្រុយគ្រាន់តែលោក ស្រេង ពឹងអោយជួយរត់ការតាមដងផ្លូវតែប៉ុណ្ណោះ មិនមែនជាម្ចាស់ឈើខាងលើនេះពិតប្រាកដនោះទេ។
ក្នុងនាមយើងជាពលរដ្ឋខ្មែរ សូមលោក ម៉ុងប៉ុនលីម នាយផ្នែករដ្ឋបាលព្រៃឈើបន្ទាយស្រី លោកទាគឹមសុទ្ធ នាយខណ្ឌរដ្ឋបាលព្រៃឈើខេត្តសៀមរាប លោកប៉ោវណ្ណិត ម៉េប៉េអឹមខេត្តសៀមរាប និងជាពិសេស លោក ឃឹម ប៊ុនសុង អភិបាលខេត្តសៀមរាប មេត្តាចាត់ចែងឈ្មួញឈើខាងលើទៅតាមផ្លូវច្បាប់ផង ដើម្បីចូលរួមទប់ស្កាត់បទល្មើសព្រៃឈើ ទៅតាមប្រសាសន៍ របស់សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕ ដោយ៖ ផ្លុង រ៉េត
.jpg)
.jpg)
.jpg)
.png)
.jpg)
.jpg)
គេសង្គេតឃើញថា នៅប្រទេសកម្ពុជានាពេលបច្ចុប្បន្ន ប្រជាពលរដ្ឋភាគច្រើនកំពុងតែពុលវីវគ់ ឈ្លគ់វង្វេងជាមួយគ្រឿងស្រវឹង ដោយរួមបញ្ចូលទាំងយុវវ័យ សិស្សសាលា ទាំងស្រីទាំងប្រុស។ ស្រាបៀរ ស្រាដប ប...Read more
ក្រុមគ្រួសារនាយរងប៉ុស្តិ៍សង្កាត់សៀមរាប ប្រាំនាក់ពុលទាំងអស់នៅយប់ថ្ងៃទី២៤ ខែឧសភា ឆ្នាំ២០១៥ បន្ទាប់ពីបញ្ជូនទៅព្យាបាលនៅមន្ទីរពេទ្យឯកជន ប្តីបានស្លាប់បាត់បង់ជីវិត ឯកូនបីនាក់ និង...Read more
ក្នុងជំនួបមួយដែលមានការចូលរួមរវាងអ្នកសារព័ត៌មាននៅព្រឹកថ្ងៃទី២៩ មិថុនា នេះ ឯក្រុងខេមរភូមិន្ទ លោក សុខ សុវណ្ណ ប្រធានក្រុមប្រឹក្សាអ្នកសារព័ត៌មានកម្ពុជា បានសម្តែងប្រតិកម្មចំពោះស្ថាប័ន អយ្យ...Read more
ប្រជាពលរដ្ឋនៅឃុំកណ្តែកមួយក្រុមបានលួចបង្ហើបអោយដឹងថា លោកខាំលឿមេឃុំកណ្តែកកំពុងតែកាប់រានដើមរាំងទឹក ព្រមទាំងចាក់ថ្នាំសំលាប់ដើមរាំងមិនអោយដុះឡើងវិញ ដើម្បីយកដីធ្វើស្រែប្រាំ...Read more
លោក សួន សេរីរដ្ឋា ប្រធានចលនាអំណាចពលរដ្ឋខ្មែរ ត្រូវបានតំណាងអយ្យការ អមសាលាដំបូងរាជធានីភ្នំពេញ ចេញដីកាកោះហៅឲ្យចូលរួមសវនាការ នៅថ្ងៃទី១៨ ខែកញ្ញា ឆ្នាំ២០១៤ខាងមុខនេះ ក្រោមការចោទប្រកាន់...Read more
សៀមរាបៈ(ដោយប៊ុតវិចិត្រ)សមត្ថកិច្ចចម្រុះបានចាប់ មន្ត្រីប៉េអឹមជាឈ្មួញឈើក្រញូងម្នាក់តៃកុង១នាក់នាំយកទៅសាកសួរ ព្រមទាំងដកហូតរថយន្ត ពាក់ស្លាកលេខ ខ.ម ក្លែងក្លាយ១គ្រឿងដែលមានផ្ទុកឈើគ្រញូង។
ការឈានដល់ចាប់ខ្លួន...Read more
ក្រុមយុវជនប្រមាណ ៤០នាក់បានវាយតប់គ្នាយ៉ាងសាហាវ ពេញទីអារាមក្រោយពេលប៉ះទង្គិចគ្នាក្នុងកម្មវីធីរាំលេង។ នេះជាទង្វើរមួយដែលបានបង្ហាញអោយឃើញថា យុវជនខ្មែរមួយចំនួន ស្ថិតក្នុងការអប់រំទាប និងយកអរិយធម៌មិនល្អពីបរទេសម...Read more
មន្ត្រីអាវុធហត្ថខេត្តបានឲ្យដឹងថា ម្ចាស់ផ្ទះសំណាក់យីហោ (ធួក ប៊ុនថុន) និងមនុស្សប្រុសស្រីចំនួន១៧នាក់ទៀត ត្រូវបានសមត្ថកិច្ចបញ្ជូនទៅតុលាការ នៅថ្ងៃទី១០ ខែឧសភា ឆ្នាំ២០១៥នេះ បន្ទាប់ពីរធ្វើកា...Read more
មានការរិះគន់ធ្ងន់ៗថា លោក ស៊ុយសែម ថ្នាក់ដឹកនាំក្រសួងរ៉ែ និងថាមពល នៅតែបន្តបើកដៃឱ្យ ហ៊ីបាវី មេកំពង់ផែស្វយ័តភ្នំពេញ ធ្វើអាជីវកម្មខ្សាច់ដោយមិនដេញថ្លៃ ដែលធ្វើអោយក្រុមអ...Read more
ប្រភពព័ត៌មានបានអោយដឹងថា មន្ត្រីពាក់ព័ន្ធមួយចំនួនកំពុងតែធ្វើព្យុះភ្លៀង នៅម្ដុំផ្សារ ការបី ដែលមានទីតាំង ស្ថិតក្នុងឃុំធ្នូ ស្រុកស្នួល ខេត្តក្រចេះ ដែលសកម្មភាពទាំងនេះ បានធ្វើឱ្យប្...Read more
| ថ្ងៃនេះ | 39441 | នាក់ |
| ម្សិលមិញ | 42319 | នាក់ |
| សប្ដាហ៍នេះ | 81774 | នាក់ |
| ខែនេះ | 229047 | នាក់ |
| ឆ្នាំនេះ | 2973351 | នាក់ |
| សរុប | 56572247 | នាក់ |
| ថ្ងៃទី 06 ខែ 05 ឆ្នាំ 2025 ម៉ោង 21:08 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net