លោក ម៉ឹងកំសត់ ចាងហ្វាងកាសែតសម្លេងចៅកម្សត់ បានជួបគ្រោះថ្នាក់ចរាចរណ៍ ដែលត្រូវបានគេសង្ស័យថា អាចជាអំពើប៉ុនប៉ងមនុស្សឃាត្តដោយចេតនា

លោក ម៉ឹងកំសត់ ចាងហ្វាង​កាសែត​សម្លេងចៅកម្សត់ បានជួប​​គ្រោះថ្នាក់​ចរាចរណ៍ ដែល​ត្រូវបានគេ​សង្ស័យ​ថា អាច​ជាអំពើ​ប៉ុនប៉ង​មនុស្សឃាត្ត​ដោយចេតនា បន្ទាប់ពីរូបលោក បានផ្សាយ នូវព័ត៌មានមួយ ស្ដីពី​រថយន្ត​ស៊ាំយ៉ុង​ដឹកឈើ​ប្រណិតយក​ទៅ​ទម្លាក់​នៅទីបញ្ជាការប៉េអឹម (PM) ស្រុក ថ្មគោលបាន២ថ្ងៃតែ​ប៉ុណ្ណោះ។

លោកម៉ឹង កំសត់ ត្រូវបាន ជួបគ្រោះថ្នាក់ ចរាចរណ៍កាល ពីម៉ោង៥ជាង ក្នុងថ្ងៃទី១៦ខែឧសភាឆ្នាំ២០១៦ក្នុងស្រុកកំរៀង រវាងម៉ូតូនឹងឡាន ស៊ាំយ៉ុង ព័ណខៀវ ពេលលោកចុះ បេសកម្ម យកព័ត៌មាន បណ្ដាលអោយ របួសធ្ងន់នឹង បាក់ជើងធ្វេង។ ជនរងគ្រោះ ឈ្មោះម៉ឹងកំ កំសត់ រស់នៅក្នុង ភូមិប៉ោយសំរោង ឃុំតាពូង ស្រុកថ្មគោល ខេត្តបាត់ដំបង។

គួបញ្ជាក់ថា មុនហេតុការណ៍ លោកម៉ឹង កំសត់ ជួបគ្រោះថ្នាក់ ចរាចរណ៍នោះ លោកបានផ្សាយ នូវព័ត៌មានមួយ យ៉ាងដូច្នោះថា៖ កាលពីម៉ោង១០ និង៣០នាទីព្រឹក ថ្ងៃ១៤ខែឧសភា ឆ្នាំ២០១៦ នៅកន្លែង កងរាជអាវុធហត្ថ ស្រុកថ្មគោល ខេត្តបាត់ដំបង មានរថយន្តតូរីស ១គ្រឿងដឹកឈើ ចូលទំលាក់នៅនឹងកន្លែងបញ្ជាការតែម្ដង។

លោកម៉ឹង កំសត់ ចាងហ្វាង កាសែត សម្លេងចៅកម្សត់ បានដកស្រងសំដី ម្ចាស់រថយន្ត ដឹកឈើថា៖ យោងសំដី: តៃកុងបានឲ្យដឹងត្រួសៗថាឈើនេះ ដឹកមកពី ខេត្តឧត្តរមានជ័យ ការដែលរថយន្ត ដឹកឈើចូល កន្លែងPMនេះគឺចូល ទំលាក់ឈើឲ្យមេPM ចំនួន២ផ្ទាំងធំៗ ប្រភេទងឿគគី (ក្តារងឿ)។

ក្នុងករណីនេះ អ្នកសារព័ត៌មាន បានទទូចដល់ ថ្នាក់ដឹកនាំ ខេត្តបាត់ដំបង ជួយស្រាវជ្រាវ រកយុត្តិធម៌ ជូនជនរងគ្រោះផង ព្រោះថារឿងនេះ វាហាក់បីជាមាន អាថិ៍កំបាំង នៅពីក្រោយខ្នង គួឲ្យមាន ការសង្ស័យ ជាអំពើ ប៉ុនប៉ង មនុស្សឃាត ឬជាករណី គ្រោះថ្នាក់ ចរាចរណ៍ ពិតប្រាកដយ៉ាងណានោះទេ? គេមិនទាន់ដឹងថា តើមេបញ្ជាការ កងរាជអាវុធហត្ថ ស្រុកថ្មគោល អាច ជាប់ពាក់ព័ន្ធ ករណីគ្រោះថ្នាក់ ចរាចរណ៍ ខាងលើ ដែរឬយ៉ាងណានោះទេ?

អ្នក​យក​ព័ត៌មាន​យើង​មិន​ទាន់អាច​សុំការ​បក​ស្រាយពីមេបញ្ជាការកងរាជអាវុធហត្ថ ស្រុកថ្មគោលបាននៅ​ឡើយ​ទេ ព្រោះ​គ្មាន​លេខ​ទូរស័ព្ទ​លោក​មេបញ្ជាការ​ប៉េអឹម ពាក់ព័ន្ធ​ការ​សង្ស័យ​ខាងលើ ហើយ​ពាក់​ព័ន្ធ​និង​បទល្មើស​ព្រៃឈើ​ ដែល​ឡាន​ដឹក​ឈើ ដឹក​ដាក់​បន្ទាយ​ប៉េអឹម​យ៉ាង​ដូច្នេះ៕