អ្នកភូមិផ្អើលមើលពស់ថ្លាន់១ក្បាលក្រាបពង៣៩

មេពស់ថ្លាន់មួយក្បាលដែលកំពុងក្រាបពងនៅក្នុងសំបុកត្រូវ​បានប្រជាពលរដ្ឋ ផ្អើលនាំគ្នាចោមរោមទៅមើល​ នៅពេលដែលពស់ថ្លាន់នេះ កំពុងតែ ក្រុងពងរបស់វា ។​ ប្រជា ពលរដ្ឋដែលនាំគ្នាផ្អើលភ្លូកទឹកភ្លូកដីទៅមើល សត្វពស់ថ្លាន់នេះ គឺកាលពីវេលាម៉ោង៧ព្រឹក ថ្ងៃទី ២៦ ខែឧសភា ឆ្នាំ២០១៣​ ស្ថិតក្នុងភូមិផ្សារលើ​ សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង​។ 

ប្រជាពលរដ្ឋម្នាក់ឈ្មោះចាន់ តារា ជាអ្នកដែលប្រទះឃើញពស់ថ្លាន់មុនគេ បាន ប្រាប់អោយដឹងថា​ សត្វពស់នេះគាត់បានប្រទះឃើញក្នុងព្រៃ នៅពេលដែលគាត់បាន កាប់ព្រៃដុតនៅខាងក្រោយផ្ទះដែលមានចំងាយប្រមាណជា៥០ម៉ែត្រពីផ្ទះរបស់គាត់គឺ គាត់បានឃើញសត្វពស់នេះកំពុងតែក្រុងពងរបស់វាដែលមានចំនួន៣៩​ពង សត្វពស់ ថ្លាន់នេះមានប្រវែងជិត១០ម៉ែត្រ ។​

ក្រោយពីបានឃើញគាត់ក៌បាន​នាំគ្នាមកមើល ក៌ផ្អើល ប្រជាពលរដ្ឋមកច្រើនឡើងៗតែម្តង​​ ។ ហើយអ្វីដែលគួរ អោយចំឡែកនោះគឺ សត្វពស់ ថ្លាន់មួយក្បាលនេះ គឺមានសភាពស្លូតជាងសត្វ ដែលរស់ក្នុងព្រៃធម្មតា បើទោះបីជា ប្រជាពលរដ្ឋនាំគ្នាប៉ះ​ និង​កាន់វាយ៉ាងណាក៌ដោយ​។​ ដោយសារតែសត្វពស់នេះមាន សភាពស្លូតបូត ពួកគាត់ក៌បានសម្រេចចិត្ត​យកសត្វ

ពស់មួយក្បាលនេះរួមនិងពងរបស់វា មកដាក់ក្នុងទ្រុងដើម្បីថែរក្សាវាចៀសវាងសត្វឆ្កែ ខាំ ឬ ជនខិលខូចចាប់យកលក់។​ ប៉ុន្តែក្រោយពីយកសត្វពស់ និង ពងរបស់វាដាក់ក្នុងទ្រុងរួចមក​មានប្រជាពលរដ្ឋ ជិត ឆ្ងាយជាច្រើនបាននាំគ្នា អុជធូប​បន់​ស្រន់សូមសេចក្តី សុខសប្បាយពីសត្វពស់នេះ ។ បើតាមការសន្និដ្ឋាន​ ខ្លះថាសត្វ​ពស់មួយ​នេះអាចថាវារួចពីកន្លែងផ្សេង ហើយមកសម្ងំ លាក់ខ្លួននៅទីនេះ។​​ 
 ដោយៈ សិលា ប្រភពពី ខេមរា