លោកអូបាម៉ា និងមីត រ៉ូមនី វាយប្រហារគ្នាអំពីការងារ

ប្រធានាធិបតីអាមេរិកលោកបា រ៉ាក់ អូបាម៉ានិងគូប្រជែងរបស់លោកមកពីគណបក្សសាធារណរដ្ឋ លោក មីត រ៉ូមនីកាលពីថ្ងៃសៅរិ៍បានចំអកដាក់គ្នាកំណត់ត្រារបស់ពួកគេ ទៅវិញទៅមកអំពីការបង្កើតការងារធ្វើនៅពេលពួកគេធ្វើការជំរុញ យុទ្ធនាការរកសម្លេងជាថ្មីមួយទៀតកាត់តាមបណ្តារដ្ឋសំខាន់ៗ។

ត្រៀមសំរាប់សន្និបាតជាតិគណបក្សប្រជាធិបតេយ្យនៅសប្តាហ៍នេះនៅ រដ្ឋ ណត ខារ៉ូឡាយណា លោកអូបាម៉ាបានកៀងគរអ្នកគាំទ្រនៅរដ្ឋអាយអូវ៉ាជារដ្ឋនៃតំបន់ មីតវេសមួយដែលបានជួយចាប់ផ្តើមយុទ្ធនាការដ៏ជោគជ័យរបស់លោកសំរាប់ កៅអីសេតវិមានកាលពីឆ្នាំ២០០៨។

លោកបានសើចចំអកអោយការជួបជុំ របស់ពួកសាធារណរដ្ឋនៅក្រុងថាមផា រដ្ឋផ្លរីដា កាលពីសប្តាហ៍កន្លងទៅចំពោះការជំរុញរបៀបវារៈគោលនយោបាយហួសសម័យមួយ ស្តីពីគោលនយោបាយសង្គមអភិរក្ស និងសំរាប់"ការនិយាយយ៉ាងច្រើនអំពីការពិតដ៏លំបាកនិងជំរើសមោះមុត" ដែលស្រាលៗទៅលើសេចក្តីលម្អិត។

លោកបាននិយាយបែបលេងសើចថា" វាជាការយករបស់ចាស់មកប្រើ។យើងបានឃើញវាពីមុន។អ្នកអាចមើល ឃើញវានៅលើទូរទស្សន៍សខ្មៅ"។

ក្នុងសន្និបាតគណបក្សកាលពី ថ្ងៃព្រហស្បតិ៍សប្តាហ៍មុន បេក្ខជនជាទីសង្ឃឹម លោករ៉ូមនីបានសន្យាស្តារអាមេរិកនិងថាប្រធានាធិបតីបច្ចុប្បន្ន ខកខានក្នុងផ្តល់"ក្តីសង្ឃឹមនិងការផ្លាស់ប្តូរ"ដូចដែលលោកបាន សន្យានិងបានអំពាវនាវអោយជ្រើសរើសរូបលោកជំនួសវិញដើម្បីស្តារ សេដ្ឋកិច្ចដែលកំពុងជាប់គាំងដោយសារតែគោលនយោបាយដឹកនាំខុសរបស់លោក អូបាម៉ា៕