តាមការរាយការណ៍ពីអ្នកឃ្លាំមើលបទល្មើសឈើក្រញូងបានអោយដឹងថា ជារៀងរាល់យប់មានឈ្មួញរកស៊ីដឹកឈើក្រញូងខុសច្បាប់ ដឹកឈើឆ្លងកាត់ខេត្តសៀមរាបរាប់សឹបគ្រឿង តែគ្មានឃើញមានមន្រ្តីជំនាញ ឬសមត្ថកិច្ចណាគេចាត់វិធានការបង្រ្កាបអោយបានជាដុំកំភូននោះទេ គឺពួកជំនាញទាំងនេះចាប់បានតែរថយន្តដឹកឈើក្រញូងលោតឆ័ត្រមិនបានបង់លុយតែប៉ុណ្ណោះ។
ប្រភពព័ត៌មានបានរាយការណ៍ថា ឆ្លៀតក្នុងឱកាសរដ្ឋាភិបាលភ្លេចខ្លួន និងកំពុងជាប់រវល់រៀបចំការបោះឆ្នោត ឈ្មួញដឹកឈើក្រញូងដែលមានឈ្មោះ លោកប្រុញ លោកតឿ លោកពុំ លោកចូច លោកត្រគួន កំពុងសំរុកដឹកឈើក្រញូងពីខេត្ត ឧត្តរមានជ័យឆ្ពោះទៅ ខេត្តកំពង់ចាម ដោយឆ្លងកាត់ខេត្តសៀមរាប និងខេត្តកំពង់ធំ ជារៀងរាល់យប់ ដោយប្រើរថយន្តបាឡែន ហៃប្រីដ ចាប់ពី២គ្រឿងឡើងទៅក្នុងខ្សែរថយន្តនីមួយៗ បានដោយរលួនមិនមានការបង្រ្កាបនោះទេ។
ពាក់ព័ន្ធនិងករណីការដឹកជញ្ជួនឈើក្រញូងយ៉ាងគគ្រឹគគគ្រេងខាងលើនេះ យើងពុំអាចសុំការបំភ្លឺពីលោក ទាគឹមសុទ នាយខណ្ឌរដ្ឋបាលព្រៃឈើខេត្តសៀមរាបបានទេ ព្រោះទូរស័ព្ទមិនចូល តែលោកប្រាក់ម៉ារីណា នាយរងខណ្ឌរដ្ឋបាលព្រៃឈើខេត្តសៀមរាបបានប្រាប់អ្នកយកព័ត៌មានយើងខ្សឹបៗតាមទូរស័ព្ទនៅព្រឹកថ្ងៃទី០៩ ខែកក្កដា ឆ្នាំ២០១៣នេះថា លោកដឹងពីករណីដឹកឈើក្រញូអខាងលើតើ តែលោកមិនបានធ្វើអីផង ហើយលោកកំពុងជាប់ចូលរួមកម្មវិធីរុក្ខទេវានៅខេត្តកំពត រួចក៏បិតទូរស័ព្ទបាត់ទៅ។
ឯកឧត្តម ឃឹម-ប៊ុនសុង អភិបាលខេត្តសៀមរាបទើបតែឡើងថ្មី បានមានប្រសាសន៍តាមទូរស័ព្ទនៅព្រឹកថ្ងៃទី០៩ដដែលនេះថា រឿងបង្ក្រាបបទល្មើសឈើក្រញូងមិនមែនជាតួនាទីរបស់គាត់នោះទេ ជាតួនាទីរបស់មន្រ្តីជំនាញ និងសមត្ថកិច្ចពាក់ព័ន្ធក្នុងខេត្តសៀមរាប។ ឯកឧត្តមបានបន្តថា កន្លងមកខេត្តសៀមរាបក៏ធ្លាប់ចាប់បានរថយន្តដឹឈើក្រញូងខ្លះៗដែរ។
មហាជនទូទៅបាននិយាយរិះគន់ថា បើមន្រ្តីជំនាញ និងសមត្ថកិច្ចពាក់ព័ន្ធគេចង់ធ្វើការបង្រ្កាបបទល្មើសឈើក្រញូងវាគ្មានអ្វីពិបាកនោះទេ គឺស្រួលជាងបកចេកទៅទៀត តែមន្រ្តីជំនាញទាំងនេះ គឺត្រូវបានគេយកតាស្រមូមចុកមាត់ចុកត្រចៀកបាំងភ្នែកអស់ហើយ ម្យ៉ាងទៀតក្រុមជំនាញទាំងនេះ ពូកែឆ្លៀតឱកាសដូចត្រីងៀតឆ្លៀតពង នៅពេលថ្នាក់ដឹកនាំជាប់រវល់កិច្ចការអ្វីមួយ។
សូមបញ្ជាក់ថា អ្នកយកព័ត៌មានយើងបានរាយការណ៍ជូន មេប៉េអឹមខេត្តសៀមរាប មេព្រៃខេត្តសៀមរាប ទាំងតូចទាំងធំ អភិបាលខេត្តកំពង់ធំ និងលោក តុង-យី នាយផ្នែករដ្ឋបាលព្រៃឈើស្រុកស្ទោង ខេត្តកំពុងធំ ស្ទើជារៀងរាល់យប់នៅពេលរថយន្តដឹកឈើក្រញូងឆ្លងកាត់ពីខេត្តសៀមរាបទៅខេត្តកំពុងធំ តែមិនឃើញមានការបង្រ្កាបរថយន្តដឹកឈើក្រញូងខុសច្បាប់ទាំងនោះទេ នេះសបញ្ជាក់អោយឃើញថា ជំនាញ និងសមត្ថកិច្ចហាក់មានការរើសមុខក្នុងការបង្រ្តាបបទល្មើសឈើក្រញូង ព្រោះរថយន្តដឹកឈើក្រញូងទៅដោយរលូនតែរហូត តែសមត្ថកិច្ចឆ្លើយថា មិនឃើញតែរហូតដែរ។
ក្រុមអ្នកស្រលាញ់ព្រៃឈើ និងជាអ្នកមានចិត្តការពារព្រៃឈើ សូមអំពាវនាវដល់ អង្គការសង្គមស៊ីវិល ដែលពាក់ព័ន្ធនិងបទល្មើសព្រៃឈើមេត្តាចាត់វិធានការ អោយបានទាន់ពេលវេលាក្នុងការបង្រ្កាបការកាប់ រុករាន និងដឹកជញ្ជូនឈើខុសច្បាប់នៅខេត្តខាងជើងបឹងទន្លេសាបនេះផង៕ ដោយ៖ ផ្លុង-រ៉េត
.jpg)
.jpg)
.jpg)
.png)
.jpg)
.jpg)
ខេត្តសៀមរាប ព្រឹកថ្ងៃទី២៨ ខែឧសភា ឆ្នាំ២០១៧ មានប្រជាពលរដ្ឋមួយចំនួនសម្ដែង ការមិនពេញចិត្តយ៉ាងខ្លាំង ចំពោះការបិទផ្លូវ ដើម្បីធ្វើការជួបជុំ និងឃោសនារកសម្លេងឆ្នោត របស់គណបក្ស សម្ព័នដើម្បីប្រជាធិប្បតេយ្យ នៅតាម...Read more
យោងតាមប្រភពព័ត៌មានបានអោយដឹងថា នៅព្រឹកថ្ងៃទី១២ ខែវិច្ឆកា ឆ្នាំ២០១៥នេះ សមត្ថកិច្ចក្រុងបាត់ដំបងចាប់បានជនសង្ស័យ ដែលបានចាប់ខ្លួននាងក្រមុំអាយុ១៨ឆ្នាំ កំពុងលាងសណ្តែកនៅផ្ទះ...Read more
ប្រជាពលរដ្ឋនៅខេត្តសៀមរាប និងអ្នកលេងបណ្តាញសង្គម (Facebook) នៅកម្ពុជា បានធ្វើការរិះគន់ខ្លាំងៗថា ក្រុមអ្នករៀបចំកម្មវិធីអង្គរសង្ក្រានឆ្នាំនេះ បានធ្វើខ្លោងទ្វារពីរនៅចំផ្លូវចូលទៅប្...Read more
លោក យិន ប្រសិទ្ធ នៅតែមានសិទ្ធិអំ ណាចធំធេងក្នុងការចាត់តាំងមន្ត្រីជំនិតៗឲ្យចុះប្រមូលលុយពីក្រុមឈ្មួញរកស៊ីដឹកជញ្ជូនទំនិញគេចពន្ធនិងអ្នករកស៊ីដឹកឈើខុសច្បាប់មិនដែលឈឺក្បាលវិលមុខពីចំណ...Read more
លោក ឧញ្ញា អ៊ឹង-ម៉េងជឺ ជាថៅកែស៊ីម៉ង់ពេជ្រ ត្រូវបានខ្មាន់កាំភ្លើងបាញ់សម្លាប់នៅមុខហាង ឡោតិចសេងភិភពផ្លែឈើនៅម៉ោងជាង៧យប់ នៅចំណុចបណ្តោយផ្លូវព្រះសីហនុ កែងផ្លូវ២៥០ សង្កាត់ទូលស្វាយព្រៃ២ ខណ...Read more
អគ្គលេខាធិការដ្ឋានព្រឹទ្ធសភា មានកិត្តិយសសូមជំរាបជូនសាធារណជនជ្រាបថា នាថ្ងៃសុក្រទី១០ ខែតុលាឆ្នាំ២០១៤ វេលាម៉ោង៨ព្រឹកព្រឹទ្ធសភា នៃព្រះរាជាណាចក្រកម្ពុជា និងបើកសម័យប្រជុំវិសមញ្ញព្រឹទ្ធសភានីតិកាលទី៣ (ស...Read more
នៅឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង បទល្មើសនេសាទខុសច្បាប់អូសអួនទ្រង់ទ្រាយធំ បានធ្វើសកម្មភាពយ៉ាងគគ្រឹកគគ្រេងនៅដែននេសាទ ជារៀងរាល់ថ្ងៃបាន ម៉ាសេរី ហើយបទល្មើសទាំងនេះមានភ...Read more
ប្រជាជនខ្មែរមួយចំនួនតែងមានជំនឿថា បើថ្ងៃខែឆ្នាំណាគេរកស៊ីមានបានទ្រព្យធនហូរចូល ឡើងបុណ្យឡើងសក្តិ ឡើងប្រាក់ខែ នោះគេតែងនិយាយថា ថ្ងៃខែឆ្នាំនេះរាសីឡើងខ្ពស់ ឬយីអ៊ុនឡើង តែបើគេរកស៊ីខាតបង...Read more
យោងតាមបណ្តាញសង្គម (Face Book) នៅព្រឹកថ្ងៃទី១៧ ខែតុលា ឆ្នាំ២០១៤នេះបានអោយដឹងថា មានក្រុមប្រជាពលរដ្ឋកម្ពុជា ជាច្រើនសន្ធឹកសន្ធាប់ បានមកជួបជុំគ្នានៅមុខស្ថានទូតសហរដ្ឋអាមេរីក ក្នុងទីក្រុង...Read more
ស្រ្តីជនជាតិថៃម្នាក់ត្រូវបានបុរស់ជនជាតិខ្មែរ ឆ្លងដែនទៅឆក់ខ្សែក នៅវេលាម៉ោង៨:២៥នាទី ព្រឹកថ្ងៃទី១៦ ខែវិច្ឆិកា ឆ្នាំ២០១៤ នៅចំណុចផ្សារថៃ ស្ថិតនៅភូមិសូន្យសាន ឃុំតាប់ថៃ ស្រុកតាប់ប្រាយ៉...Read more
| ថ្ងៃនេះ | 32693 | នាក់ |
| ម្សិលមិញ | 42319 | នាក់ |
| សប្ដាហ៍នេះ | 75026 | នាក់ |
| ខែនេះ | 222299 | នាក់ |
| ឆ្នាំនេះ | 2966603 | នាក់ |
| សរុប | 56565499 | នាក់ |
| ថ្ងៃទី 06 ខែ 05 ឆ្នាំ 2025 ម៉ោង 16:56 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net