មានមន្រ្តីប៉េអឹមម្នាក់ឈ្មោះ កែវកុសល់ ហៅប៉ូ ដែលនរណាៗក៏គេធ្លាប់ស្គាល់ធ្លាប់លឺល្បីឈ្មោះថា ពូកែខាងកាង និងរតការឡានដឹកឈើក្រញូងជិត១០ឆ្នាំហើយ នៅក្នុងខេត្តសៀមរាប តែគ្មានថ្នាក់លើណាម្នាក់ធ្វើដឹងធ្វើលឺ ដែលជាហេតុធ្វើអោយគេសង្ស័យថា លោកប៉ូបានសែនព្រេនបានដិតដល់ៗថ្នាក់ដឹកនាំរបស់ខ្លួន។
ប្រភពព័ត៌មានពីប្រជាពលរដ្ឋនៅស្រុកស្វាយលើខេត្តសៀមរាបបានរាយការណ៍ថា ស្ទើជារៀងរាល់យប់មានរថយន្តដឹកឈើក្រញូងរាប់សិបគ្រឿងដូចជា ម៉ាកកាមរី បាឡែន ធុនត្រា ណាវើរ៉ា ដឹកឈើក្រញូងពេញៗ បើកបរលឿនដូចព្យុះតែគ្មានឃើញមានមន្រ្តីជំនាញណាគេធ្វើដឹងធ្វើលឺនោះទេ។ ប្រភពបន្តថា មូលហេតុដែលរថយន្តដឹកឈើក្រញូងទាំងនេះអាចដឹកឆ្លងកាត់ស្រុកស្វាយលើបានដោយរលួនគ្មានការរំខាន ព្រោះគេដឹងថាមានមន្រ្តីប៉េអឹមម្នាក់នៅស្រុកស្វាយលើ ឈ្មោះ ប៉ូ ជាអ្នកកាង និងរតការឈើក្រញូងទាំងនោះ ហើយបានឃុបឃិតជាមួយសមត្ថកិច្ច និងមន្រ្តីជំនាញតាមដងផ្លូវទៀតផង។ ប្រភពបន្តទៀតថា មុនពេលរថយន្តដឹកឈើក្រញូង ឆ្លងកាត់ស្រុកស្វាយលើគេសង្កេតឃើញលោក ប៉ូ ជិះរថយន្តម៉ាកកាលីហ្វញ្ញ៉ាពណ៍សរតការបង់លុយអោយសមត្ថកិច្ចតាមដងផ្លូវ និងចាំមើលផ្លូវក្រែងមាន សមត្ថកិច្ចមិនស្គាល់មុខចុះធ្វើការ។ ប្រភពបន្ថែមថា ការកាងរថយន្តដឹកឈើក្រញូងរបស់លោកប៉ូមិនមែនថ្នាក់ដឹកនាំប៉េអឹមស្រុក និងប៉េអឹមខេត្តមិនដឹងនោះទេ តែថ្នាក់លើធ្វើជាមិនដឹងតែប៉ុណ្ណោះ។បើថ្នាក់ដឹកនាំលោកប៉ូគ្មានបានទទួលផលប្រយោជន៍ទេនោះ តើលោកប៉ូអាចឈរជើងបានដល់សព្វថ្ងៃដែរទេ? ច្បាស់ជាថ្នាក់លើដកចោលយូរហើយ។
ពលរដ្ឋរិះគន់ថា មេប៉េអឹមស្រុក និងមេប៉េអឹមខេត្ត មិនគួរបណ្តោយអោយមន្រ្តីប៉េអឹមឈ្មោះប៉ូនេះប្រព្រឹត្តអំពើខុសច្បាប់ដូចជារតការឡានដឹកឈើក្រញូង ដែលនាំអោយខូចកិត្តិយសដល់អង្គភាព និងជាពិសេសផ្ទុយពីប្រសាសន៍ សម្តេចហ៊ុនសែន ដែលធ្លាប់មានប្រសាសន៍ថា ” សូមកុំអោយសមត្ថកិច្ចពាក់ព័ន្ធនិងការរកស៊ីខុសច្បាប់អោយសោះ “ ។ ពលរដ្ឋសង្ស័យថា ប្រហែលជាមានការបើកភ្លើងខៀវពីថ្នាក់លើទើប លោក ប៉ូ ហ៊ានរតការ និងកាងរថយន្តដឹកឈើក្រញូងបែបនេះ។
យើងពុំអាចសុំការបំភ្លឺពីលោក ប៉ូ មន្រ្តីប៉េអឹមស្រុកស្វាយលើបានទេ ពាក់ព័ន្ធករណីខាងលើនេះ ព្រោះទូរស័ព្ទនៅក្រៅតំបន់សេវា។
លោក យ៉ាន់ ស៊ីវ័ត នាយសង្កាត់រដ្ឋបាលព្រៃឈើស្រុកស្វាយលើបានបដិសេធតាមទូរស័ព្ទនៅព្រឹកថ្ងៃទី៩ ខែធ្នូ ឆ្នាំ២០១២នេះថា គ្មានករណីដឹកជញ្ជួនឈើក្រញូងឆ្លង់កាត់ស្រុកស្វាយលើអីទេ។ លោកនាយសង្កាត់បន្ថែមថា ខាងគេហទំព័រ និងកាសែតមួយចំនួនចុះផ្សាយថាមានឈើក្រញូងដឹកឆ្លងកាត់ស្រុកស្វាយលើ នោះសុទ្ធតែចុះខុសតែទាំងអស់៕
.jpg)
.jpg)
.jpg)
.png)
.jpg)
.jpg)
ក្នុងវេទិកាសេរីកាលពីថ្ងៃទី១៨ខែវិច្ឆិកា ឆ្នាំ២០១៤កន្លងទៅ នៅក្នុងស្រុកថ្មពួកលោកគោសុំសារឿត អភិបាលខេត្តបន្ទាយមានជ័យបានលើកឡើងថា អាជ្ញាធរចាំតែសម្រួលតាមក្រោយទេចំពោះដីស្តូបដែលដា...Read more
ស្ត្រីវ័យចំណាស់អាយុ៧៣ឆ្នាំម្នាក់ ត្រូវបាត់បង់ជីវិតភ្លាមៗគួរអោយរន្ធត់ក្នុងករណីគ្រោះថ្នាក់ចរាចរណ៍ដោយរថយន្តដន្លងរបស់ខ្លួនថយក្រោយបុកពេញទំហឹងនៅវេលាម៉ោង១១និង៤៥នាទ...Read more
លោកអគ្គនាយកដ្ឋានទូរគមនាគមន៍កម្ពុជា មិនទាន់បានធ្វើកំណែទម្រង់ឱ្យបានស៊ីជម្រៅទៅតាមទិសដៅ របស់រាជរដ្ឋាភិបាលអាណត្តិទី ៥ នៅឡើយ ។ ការគ្រប់គ្រងនឹងដឹកនាំរបស់អគ្គនាយកបច្ចុប្បន្នកំពុងបង្កើត បក្...Read more
ក្រុមប្រជាពលរដ្ឋរស់នៅ ឃុំស្រែគរ ស្រុកសេសាន ខេត្តស្ទឹងត្រែង បានសម្ដែងនូវការហួសចិត្ត ស្របពេលដែលសកម្មភាពដឹកជញ្ជូនឈើមកស្តុកក្នុងផ្ទៃអាងកើតមានឡើងជាច្រើនឆ្នាំកន្លងមករហូតដល់ពេលបច្ច...Read more
ក្រោយពីមានការរិះគន់និងកាសែត ក្នុងស្រុកមួយចំនួនចុះផ្សាយពីភាពពុករលួយ របស់មន្ត្រីគយនៅច្រកទ្វារអន្តរជាតិប៉ោយប៉ែតខេត្តបន្ទាយមានជ័យ ដែលបានបើកដៃឲ្យឈ្មួញតូចធំនាំចូលទំ...Read more
ការចិញ្ចឹមត្រីឆ្ដោរល្មើសច្បាប់ច្រើនហួសប្រមាណ ធ្វើអោយមានតម្រូវការត្រីល្អិតយកមកធ្វើជាចំណីត្រីឆ្តោរទាំងនោះច្រើនឡើងៗ ដោយការប្រើឧបករណ៍នេសាទចាប់យកត្រីល្អិតច្រើនជាងគេក្នុង...Read more
កងរាជអាវុធហត្ថក្រុង និងខេត្តបានចុះប្រតិបត្តិការបង្ក្រាបក្រុមចោរលួចម៉ូតូនៅចំណុចភូមិបឹង សង្កាត់ជ្រាវ ក្រុមសៀមរាបកាលពីវេលាម៉ោងប្រប្រែល៦និង៣០នាទីព្រឹកថ្ងៃទី២៥ ខែមករា ឆ្...Read more
អគ្គលេខាធិការដ្ឋានព្រឹទ្ធសភា មានកិត្តិយសសូមជម្រាបជូនសាធារជនជ្រាបថា នាថ្ងៃច័ន្ទទី០៨ ខែធ្នូ ឆ្នាំ២០១៤ វេលាម៉ោង០៨:០០ព្រឹក ព្រឹទ្ធសភា...Read more
អ្នកនយោបាយនៅកម្ពុជាត្រូវបានគេមើលឃើញថា ធ្វើនយោបាយដើម្បីតែអំណាចផ្ទាល់ខ្លួន អំណាចប្រមូលផ្តុំ បក្ខពួកនិយម ទាំងគណបក្សកាន់អំណាច និងគណបក្សប្រឆាំងគេចមិនផុតពីការតែងតាំង...Read more
ប្រជាពលរដ្ឋ២៥០គ្រួសា នៅឃុំកំពង់ភ្លុគ បានលើកគ្នាមកតវ៉ានៅចំណុចភូនិកំពង់ថ្កូវ ឃុំមានជ័យ ស្រុកបានសាទបាគង តាំងពីម៉ោង៩ព្រឹករហូតដល់ល្ងាចថ្ងៃទី១០ ខែមិថុនា ឆ្នាំ២០១៥ ដោយពួកគាត់...Read more
| ថ្ងៃនេះ | 38459 | នាក់ |
| ម្សិលមិញ | 42319 | នាក់ |
| សប្ដាហ៍នេះ | 80792 | នាក់ |
| ខែនេះ | 228065 | នាក់ |
| ឆ្នាំនេះ | 2972369 | នាក់ |
| សរុប | 56571265 | នាក់ |
| ថ្ងៃទី 06 ខែ 05 ឆ្នាំ 2025 ម៉ោង 20:32 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net