ក្រុមចោរលួចមាសម្នាក់ត្រូវបានសមត្ថកិច្ចចាប់ខ្លួនភ្លាមក្រោយពីធ្វើសកម្មភាព

ចោរស្រីវ័យគ្មេងម្នាក់ក្នុងចំណោមបក្ខពួក៣នាក់ ត្រូវបានសមត្ថកិច្ច ដេញប្រផាប់ចាប់ប្រភីង បានភ្លាមៗ បន្ទាប់ពីធ្វើសកម្មភាព បន្លំបុកទូរមាសលួចយក លុយ និង គ្រឿងអលង្កាមូយចំនូន ។

សកម្មភាពបន្លំបុខទូរមាសនេះ បានកើតមានឡើងកាលពីវេលាម៉ោង ៨ និង ២០នាទីព្រឹកថ្ងៃទី២៨ ខែសីហា ឆ្នាំ២០១២ ម្សិលមិញ ស្ថិតក្នុងផ្សារក្រាំងចេក ឃុំក្រាំងចេក ស្រុកឧដុង្គ ខេត្តកំពង់ស្ពឺ ។

លោក សម សាក់ នាយរងការិយាល័យព្រហ្មទណ្ឌ កំរិតធ្ងន់ខេត្តកំពង់ស្ពឺ បាន ប្រាប់ឱ្យដឹងថា ជនរងគ្រោះក្នុងករណីបន្លំលួចនោះ មានឈ្មោះ ខូវ លាងអិត ភេទប្រុស អាយុ៤៥ឆ្នាំ ជាអាជីវករលក់មាស ប្តូរប្រាក់ មានទីលំនៅភូមិត្រពាំងកក់ ឃុំកក្រាំងចេក ។លោកបានបន្តថាករណីនេះបន្ទាប់ពីសម្មភាពបន្លំលួចគ្រឿងអលង្ការ និងលុយភ្លាម សមត្ថកិច្ចដេញតាមចាប់បានម្នាក់ ក្នុងចំណោមបក្ខពួកវា៣នាក់ ។

លោកសម សាក់បានបន្តថា ជនជាប់សង្ស័យដែលឃាត់ខ្លួននោះមានឈ្មោះ យឿន ស្រីរត្ន័ ភេទស្រីអាយុ១៧ ស្នាក់នៅផ្ទះជួល ម្តុំផ្សារសូរិយា ក្រុងភ្នំពេញ មានស្រុកកំណើតព្រែកដង្កូវ  ឃុំព្រែកដង្កូវ ស្រុកអារិយក្សត្រ ខេត្តកណ្តាល។ លោកបន្តថាក្រោយពីចាប់ខ្លួនសមត្ថកិច្ចដកហូតបានលុយ៥លានកន្លះរៀល ប្រាក់ដូល្លា១០០ដុល្លា ព្រមទាំងគ្រឿង អល្លងការចំនួន២០ជី ។ លោកបន្តថា បើតាមការអះអាងរបស់ជនរគ្រោះគឺបាត់លុយ៣០០០ដុល្លា និង គ្រឿងអង្ការ១០ជីទៀត ។

តាមការរៀមរាប់របស់សាក្សីបាននិយាយថា មុនពេលកើតហេតុក្រុមជនសង្ស័យបានបន្លំធ្វើទិញឥវ៉ាន់ និង បក្ខពួកវាបានធ្វើសកម្មភាពបន្លំលួចយកតែម្តង ប៉ុន្តែដោយសារតែម្ចាស់តូបឃើញទាន់ ក្រុមនោះបានរត់គេច ហើយត្រូវសមត្ថកិច្ច ដេញប្រផាប់ចាប់ប្រភីង បានម្នាក់ និង គ្នាវា២នាក់ទៀតគេចខ្លួនបាត់ ។

លោកសម សាក់បានបញ្ជាក់ថាករណីនេះកំលាំងជំនាញកំពុងស្រាវជ្រាវរកបក្ខពួកក្រុមចោរបន្តទៀត៕