ចៅអធិការ​វត្ត​ទួល​ក្រសាំង លួចឆាន់ស្រា​ស្រ​វឹង​ ធ្លាក់ភ្នែក ​រួចបើក​រថ​យន្ត​ បុកគល់ឈើ និង បង្គោលភ្លើង

ព្រះ​ចៅអធិការ ​វត្តទួលក្រសាំង លួចឆាន់ស្រា​រ ហូតដល់ស្រវឹង រួច​បាន​បើក​រថ​យន្ត​ ផ្ទាល់ខ្លួនជ្រុល​ទៅ​បុក​ស្លាក ​មណ្ឌល​សុខ​ភាព​បង្គោល​ភ្លើ​ង​ ​និង​ដើម​អំ​ពិ​ល​ទើប​ទៅ​មុខ​លែង​រួច​កាល​ពី​វេលា​ម៉ោង​៤និង​៣០នាទី ​រសៀល​ ​ថ្ងៃ​ទី​១៨ ខែ​មិ​ថុ​នា​ ​ឆ្នាំ​២០១៤ នៅ​ចំណុច​ផ្លូវ​លេខ​២១ ភូមិ​ទេព​អរជូន​ ឃុំ​កោះ​ខែល​ ​ស្រុក​ស្អាង​ ​ខេត្ត​កណ្ដាល​ ​សំណាងល្អដែលមិនបានបណ្តាលឲ្យនរណាម្នាក់រង របួស ឬស្លាប់បាត់បង់ជីវិត។

ព្រះ​ចៅអធិការរូបនោះមាន​ព្រះ​នាម​ ​ខាន់​ ​ ​ហេង​ ​ព្រះ​ជន្ម​៥៦វស្សា​ ​ជា​ចៅអធិការ​វត្ត​ទួល​ក្រសាំង​ ​បើក​បរ​រថ​យន្ត​មួយ​គ្រឿង​ម៉ា​ក​ប៉ា​ហ្សេ​រ៉ូ​ ​ពណ៌​ទឹក​ប្រាក់​ ​ភ្នំពេញ​ ​2F-0003 មាន​ទី​លំនៅ​ស្រុក​បាទី​ ​ខេត្ត​តាកែ​វ​ ​រួម​ដំណើរ​ក្នុង​រថ​យន្ត​មាន​គ្នា​៤នាក់​ ​១-ព្រះ​សង្ឃ​ព្រះ​នាម​ ​ផង់​ ​មាស​ ​ព្រះ​ជ​ន្ន​៧០វស្សា​មាន​ ទី​លំនៅ​ភូមិ​-ឃុំ​ក​ណ្ដោ​ក​ ​ស្រុក​កណ្ដាលស្ទឹង​ ​ខេត្ត​កណ្ដាល​ ​គង់នៅ​វត្ត​ទួល​ក្រសាំង​, ២-ព្រះ​សង្ឃ​ព្រះ​នាម​ ​ផ​ន​ ​សុខុម​ ​ព្រះ​ជ​ន្ន​៥០វស្សា​ ​មាន​ទី​លំនៅ​ភូមិ​ពូ​មិត្ត​ ​ឃុំ​លើក​ដែក​ ​ស្រុក​លើក​ដែក​ ​ខេត្ត​កណ្ដាល​ ​គង់នៅ​វត្ត​ទួល​ក្រសាំង​, ៣-ព្រះ​សង្ឃ​ព្រះ​នាម​ ​ស៊ឹ​ម​ ​ស៊ុន​ហុង​ ​ព្រះ​ជ​ន្ន​១៧វស្សា​ ​មាន​ទី​លំនៅ​ភូមិ​-ឃុំ​ក្រោម​ ​ស្រុក​មុខកំពូល​ ​ខេត្ត​កណ្ដាល​ ​គង់នៅ​វត្ត​ទួល​ក្រសាំង​, ៤-ឈ្មោះ​ ​សុខ​ ​ឡេ​ង​ ​ភេទ​ប្រុស​ ​អាយុ​១៣ឆ្នាំ​ ​ជា​កូន​សិស្ស​លោក​ ​ភូមិ​-ឃុំ​ក្រោម​ ​ស្រុក​មុខកំពូល​ខេត្ត​ក​ណ្ដា​ល​។​

សាក្សីបានឃើញហេតុការណ៍​ បានឲ្យដឹងថា មុនដំបូង ​ចៅអធិការ​និង​អ្នក​រួម​ដំណើរ​ខាង​លើ​បាន​នាំ​គ្នា​ធ្វើ​ដំណើរ​ចេញ​ពី​វត្ត​ទួល​ក្រសាំង​ទៅ​បុណ្យ ​សព​ឪពុក​ព្រះ​តេជ​គុណ​ ​ខាន់​ ​ហេង​ ​នៅ​ភូមិ​តា​អី​ឃុំ​បា​ស្រែ​ ​ស្រុក​អង្គ​បូ​រី​ ​ខេត្ត​តាកែ​វ​ ​។

លុះ​ពេល​ធ្វើ​ដំណើរ​ មក​ដល់​ភូមិ​ទេព​អរជូន​ ឃុំ​កោះ​ខែល ​រថ​យន្តក៏​ធ្លាក់​ផ្លូវ​ បណ្ដាល​អោ​យ​បុក​បាក់​ផ្លា​ក​ មណ្ឌល​សុខ​ភាព​ ឃុំ​កោះ​ខែល​ ​និង​បាក់​បង្គោល​ភ្លើ​ង​មួយ​ដើម​លេខ ​NR​៨៥៧ ព្រម​ទាំង​ជ្រុល​ទៅ​បុក​ដើម​អំ​ពិ​ល​ទឹក បាក់​អស់​មួយ​ដើម​ថែម​ទៀត​ ​។

បន្ទាប់ពីកើតហេតុបានមួយសន្ទុះ នគរបាលចរាចរណ៍ ​ស្រុក​ស្អាង​ បានចុះអន្តរាគមន៍កន្លែងកើតហេតុ និង ​វាស់​ជាតិ​អាកុល​ទៅ​លើ​ ព្រះ​តេជ​គុណ​ ​ខាន់​ ​ហេង​ ​មាន​កំ​រិ​ត​ជាតិ​អាកុល​១.០៦មី​លី​ក្រាម ​ក្នុង​មួយ​លី​ត្រ​ខ្យល់​ ​និង​ព្រះ​តេជ​គុណ​ ​ផ​ន​ ​សុខុម​ ​មាន​កំ​រិ​ត​ជាតិ​អាកុល​១.០៩មី​លី​ក្រាម​ក្នុង​មួយ​លី​ត្រ​ខ្យល់។ ចំពោះអ្នក​រួម​ដំណើរ​២នាក់​ទៀត​មិន​មាន​ជាតិ​ស្រ​វឹង​ទេ​ ​៕ប្រភពដើមពី អង្គរថែមស៍