ព្រះគ្រូសិរីភិធម្ម ឬ ព្រះភិក្ខុ សន់ សារិទ្ធ ហៅ លោកតា បារាំង ជាព្រះចៅអធិការវត្តព្រិន បានយក អំណោយជាច្រើនសន្ធឹកសន្ធាប់ ចែកជូនកងកម្លាំងប្រដាប់អាវុធការពារព្រំដែនឈរជើងប្រចាំការឯប្រាសាទព្រះវិហារ

នៅ​រសៀលថ្ងៃទី០៧ ខែ​កក្កដា​ ឆ្នាំ២០១៩ ព្រះគ្រូសិរីភិធម្ម ឬ ព្រះភិក្ខុ សន់ សារិទ្ធ ហៅ លោកតា បារាំង ជាព្រះចៅអធិការវត្តព្រិន បាន​យក​ អំណោយជា​ច្រើន​សន្ធឹក​សន្ធាប់ ចែកជូនកងកម្លាំងប្រដាប់​អាវុធ​ការពារព្រំដែនឈរជើងប្រចាំការឯប្រាសាទ​​ព្រះវិហារ ក្នុង​ការ​លើក​ទឹក​ចិត្ត​ដល់​កង​កម្លាំង​ដែល​​បាន​ខិត​ខំ​ប្តូរ​សាច់​ប្តូរ​ឈាម​ក្នុង​ការ​ការ​ពារ​បូរណភាព​ទឹក​ដី និង​ការ​ពារ​សន្តិសុខ​ជូន​ជាតិ​មាតុភូមិកម្ពុជា​នៃយើង។​

ព្រះអង្គមាន​សង្ឃដីកា កោតសរសើ​រដោយ​ស្មោះ​ដល់កងកម្លាំង​ទាំងអស់ដែលបានខិតខំការពារទឹកដី​អស់ពីកម្លាំងកាយចិត្តក្នុងការ​ការពារ​ទឹកដី។ ព្រះ​អង្គបាន​នាំ​យក​អំណោច​ជា​អង្ករ​ចំនួន៤តោន ត្រីឆ្អើ​ចំនួន​២ពាន់​ក្រាស់ ទឹកស៊ីអ៊ីវចំនួន២រយ​កេះធំ ម៉ីចំនួន​២៤០កេះ និងថវិការ​ចំនួន​៦លានរៀល ជូន​ដល់​កង​កម្លាំ​ង​ចំនួន​៨ស្ថាប័ណដូចខាងក្រោម៖

០១.ប៉ុស្ត៍ជាំតែ ស្រុកជាំសាន្ត
០២.នគរបាលការពារព្រំដែន
០៣.យោធាសឹករងស្រុកជាំក្សាន្ត
០៤.ភូមិភាគ៤
០៥.កងពលលេខ០៧
០៦.នគរបាលភូមិភាគ០៤
០៧.ប៉ូលីសបេតិកភ័ណ្ឌប្រសាទព្រះវិហារ
០៨.កងវិស្វកម្ម
អំណោយដ៍ថ្លៃថ្លារបស់ព្រះគ្រូសិរីភិធម្ម ព្រះចៅអធិការវត្តព្រិនសរុបបច្ច័យទាំង​អស់ជាង១ម៉ឺន​ដុល្លារ​អាមេរិក៕