ចៅហ្វាយខេត្តសៀមរាប ប្រមានមន្ត្រីកម្លាំង ប្រដាប់អាវុធ ទាំងអស់ត្រូវ ដកខ្លួនឲ្យឆ្ងាយ ពីរបទល្មើស

ខេត្តសៀមរាប៖ អភិបាល ខេត្តសៀមរាប ដែលប្រសូតចេញ មកពីរ ផ្នែកយោធា លោកឃឹមប៊ុនសុង ប្រធានគណៈ​​ បញ្ជាការ ឯកភាព រដ្ឋបាលខេត្ត បានព្រមាន ខ្លាំងៗដល់ សមត្ថកិច្ចគ្រប់ ជំនាញដែលពាក់ ព័ន្ធទាំងអស់ ដែលធ្លាប់បាន ទទួលលាភសក្ការៈ ពីបទល្មើសត្រូវ បញ្ឈប់ជាបន្ទាន់ ហើយជាពិសេស នោះគឺខណ្ឌ ជលផលតែម្តង។

លោកឃឹម ប៊ុនសុងបានបន្តទៀតថា គ្រប់មន្ទីរ អង្គភាព គណៈបញ្ជាការឯកភាពក្រុង ស្រុកទាំងអស់ ត្រូវបង្កើន នូវការផ្សព្វផ្សាយ អប់រំ នៅតាមសាលា សាកលវិទ្យាល័យ ដល់យុវជន និងផ្ទះសំណាក់ សណ្ឋាគារព្រម ទាំងតាមទីវត្ត អារាមអំពីបញ្ហា គ្រឿងញៀនព្រមទាំងធ្វើកិច្ចសហការគ្នាឲ្យបានល្អ ក្នុងការបង្ក្រាបបទល្មើស ល្បែងស៊ីសង នៅក្នុងមូលដ្ឋាន។

ម្យ៉ាងទៀតមន្ទីរ អង្គភាពពាក់ព័ន្ធ ត្រូវបន្តជំរុញប ង្ក្រាបទប់ស្កាត់ នូវបទល្មើព្រៃ ឈើនៅលើខ្នងភ្នំគូលែន និងត្រូវបង្កើត គណៈកម្មការ ពិសេសមួយ ចុះធ្វើការអង្កេត ពីបញ្ហានៅខ្នង ភ្នំគូលែនក្នុងការ ជៀសវាងការឆ្លើយ ដាក់គ្នានិងយក ចិត្តទុកដាក់លុប បំបាត់ការ ចិញ្ចឹមកូន ត្រីឆ្ដោរដោយ ក្រសួងមិន បានអនុញ្ញាត ឲ្យចិញ្ចឹមឡើយ ព្រមទាំងបង្កើន ការបង្ក្រាប បទល្មើស នេសាទទាំង រដូវបើក បិទ និងបន្តការបង្ក្រាប បទល្មើសព្រៃឈើ និងការដឹកជញ្ជូន ឈើខុសច្បាប់ ឆ្លងកាត់ក្នុង ភូមិសាស្ត្រ ស្រុករបស់ខ្លួន ព្រមទាំងបទ ល្មើសនេសាទផងដែរ។

សូ​មបញ្ជាក់ថា ចំពោះល្បែងស៊ី សងដែល មានលេង តាមប្រព័ន្ធអ៊ីនធឺណិត កន្ទុយលេខ ល្បែងហ្គេមស្ទូច ត្រីកីឡាភ្នាល់ដាក់ ប្រាក់ដែលជា បញ្ហាធ្វើឲ្យប៉ះពាល់ យ៉ាងខ្លាំងដល់ការ ងារសន្តិសុខសណ្ដាប់ ធ្នាប់សាធារណៈ នៅក្នុងក្រុងសៀមរាប មិនមាន ការថយចុះនោះទេ ជាពិសេសហ្គេមតាម ប្រព័ន្ធអ៊ីនធឺណិត តែម្ដង។

ដោយឡែក ចំពោះលោកប្រមាន ឲ្យមន្ត្រីប្រដាប់អាវុធ ត្រូវដកខ្លួនចេញ ឲ្យឆ្ងាយពីរបទល្មើសនោះ ក៍មិនទាន់មាន ប្រសិទ្ធិភាពដែរ ខណះពេល មន្ត្រីនគរបាល ខេត្តសៀមរាប ២ទៅ៣នាក់ ក្លាយជាអ្នកប្រមូលលុយពីបទល្មើស ក្នុងនោះបញ្ជាការ អាវុធហត្ថខេត្ត សៀមរាប ក៍មានមន្ត្រី២ទៅ៣នាក់ ជាអ្នកប្រមូលលុយពីរបទល្មើស ដូចគ្នារ រួមទាំង មន្ត្រីរដ្ឋបាលព្រៃឈើផងដែរ។

ការថ្លែងប្រមាន របស់ លោកឃឹម ប៊ុនសុង នោះ ធ្វើឡើង ក្នុងពេល បើកកិច្ច ប្រជុំគណៈ បញ្ជាការឯកភាព រដ្ឋបាល ខេត្តសៀមរាប នៅរសៀលថ្ងៃទី០២ ខែតុលា ឆ្នាំ២០១៥ នៅរដ្ឋបាល សាលាខេត្ត សៀមរាប កន្លងទៅថ្មីៗនេះ៕