រាជធានីភ្នំពេញ៖ កាលពីល្ងាចថ្ងៃទី០៨ ខែកក្កដា ឆ្នាំ២០១៥ លោក ហ៊ឹង ប៊ុនថន ព្រះរាជអាជ្ញារងសាលាដំបូងរាជធានីភ្នំពេញ បានចេញដីកាបញ្ជាឲ្យសមត្ថកិច្ចនាយកដ្ឋាននគរបាលព្រហ្មទណ្ឌនៃក្រសួងមហាផ្ទៃ នាំខ្លួនលោកឧកញ៉ា សុខ ប៊ុន ចូលឆ្លើយបំភ្លឺទាក់ទងករណីប្រើអំពើហិង្សាលើអតីតពិធីការិនីទូរទស្សន៍ ស៊ីធីអិន កញ្ញាសាសា។ លោកឧកញ៉ា សុខ ប៊ុន ប្រធានក្រុមហ៊ុន TEHO Development និងជាប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា រួមទាំងអង្គរក្ស រងនូវការប្តឹងចោទថា បានព្រួតគ្នាប្រើអំពើហិង្សាយ៉ាងសាហាវព្រៃផ្សៃទៅលើកញ្ញា ឯក សុជាតា ហៅសាសា អតីតពិធីការិនីទូរទស្សន៍ ស៊ីធីអិន កាលពីយប់រំលងអាធ្រាត ឈានចូលថ្ងៃទី០២ ខែកក្កដា ឆ្នាំ២០១៥ នៅក្នុងក្លឹបឡាហ្គេនបា ស្ថិតនៅសង្កាត់ទន្លេសាបាក់ ខណ្ឌចំការមន។
តាមរយៈឃ្លីបវិដេអូមានរយៈពេលជាង១នាទីដែលទើបបែកធ្លាយនោះ គឺបានបង្ហាញឲ្យឃើញពីសកម្មភាព នៃការប្រើអំពើហិង្សាដ៏ឃោរឃៅព្រៃផ្សៃមួយ ដែលបង្កឡើងពីសំណាក់បុរសមានអំណាចម្នាក់ បានស្ទុះទៅចាប់បោចទាញសក់ កញ្ញាសាសា អូសចេញពីលើសាឡុង និងបានប្រើហិង្សាវាយតប់ទាត់ធាក់យ៉ាងចាស់ដៃមកលើរូបនាងដែលជាស្ត្រីភេទទន់ខ្សោយ គ្មានសមត្ថភាពតបតវិញនោះ។ នៅក្នុងឃ្លីបវិដេអូនោះក៏បានបង្ហាញឲ្យឃើញផងដែរជុំវិញសកម្មភាពនៃការប្រើអំណាចកាងខុសច្បាប់ទម្លាប់ពីសំណាក់បុរសម្នាក់នោះ ដោយសារតែនៅក្នុងហេតុការណ៍នោះគេក៏បានឃើញមានអង្គរក្សផ្ទាល់ខ្លួនម្នាក់ទៀត បានកាន់កាំភ្លើងជាប់នឹងដៃ ដើម្បីគំរាមជនរងគ្រោះទៀតផង។ ប៉ុន្តែសំណាងល្អដែលមិនបានផ្ទុះអាវុធបង្កគ្រោះថ្នាក់ធំដុំដល់កញ្ញាសាសា ដែលជាជនរងគ្រោះ។
ពាក់ព័ន្ធការប្រើអំពើហិង្សានេះ កញ្ញាសាសា បានប្រាប់ឲ្យដឹងថាកញ្ញាមិនបានស្គាល់បុរស ដែលបានប្រើអំពើហិង្សាមកលើខ្លួននោះទេ ហើយនៅមុនពេលកើតហេតុកញ្ញា បានអង្គុយលេងធម្មតា ហើយមិត្តភ័ក្តិរបស់កញ្ញាស្រវឹង (ថៅកែហាង ដែលជាជនជាតិជប៉ុន) បានអង្វរឲ្យនៅអង្គុយកំដរ ពេលនោះ ភ្ញៀវក៏បានចេញពីក្នុងហាងអស់ហើយ ប៉ុន្តែស្រាប់តែបុរសពីរនាក់ ដែលជាភ្ញៀវ ក៏បានត្រឡប់មកក្នុងហាងវិញ ដោយបានចាប់អូសមិត្តភ័ក្តិរបស់ខ្លួនទាំងបង្ខំ ដើម្បីយកចេញទៅក្រៅ រហូតមិត្តភ័ក្តិខ្លួនយំ និងបានស្រែកឲ្យខ្លួនជួយ ហើយខ្លួន ក៏បានប្រាប់ទៅបុរសនោះ កុំឲ្យចាប់បង្ខំមិត្តភ័ក្តិខ្លួន ហើយស្រាប់តែអង្គរក្សរបស់បុរសម្នាក់នោះ បានស្រែកជេរម្រាយខ្លួន កុំឲ្យចេះដឹង (កុំចេះ ចង់ងាប់ហេះ) ដោយមានកាំភ្លើងកាន់នៅដៃ ហើយខ្លួន ក៏បានប្រាប់កុំឲ្យជេរម្តាយរបស់ខ្លួន ហើយនៅពេលដែលខ្លួនមាត់ទៅវិញ ក៏ស្រាប់តែបុរសរូបនោះ (ឧកញ៉ា សុខ ប៊ុន) ស្ទុះមកវ៉ៃខ្លួន។
កញ្ញាសាសា បានរៀងរាប់ថា ការប្រើអំពើហិង្សាមកលើកញ្ញា គឺដូចជានៅក្នុងវីដេអូឃ្លីប អីចឹង ហើយប្រដាប់ដោយអាវុធ ដោយភ្ជង់ក្បាល និងបានយកជើងជាន់ក្បាលខ្ទប់នៅនឹងឥដ្ឋ និងមានអាម៉េបាញ់ដែរ តែគ្រាប់ស្អុយ។ កញ្ញាសាសា បានគូសបញ្ជាក់ថា វ៉ៃខ្ញុំអូសរហូតដល់៥ ទៅ ៦ម៉ែត្រ។ វ៉ៃខ្ញុំមិនតិចជាង ៥នាទីទេ។ គាត់ខ្ញុំដូចសត្វធាតុ។ នេះបើអត់មានអ្នករត់តុជួយ។ ខ្ញុំប្រហែលជាអាចស្លាប់បាត់ហើយ។អ្នករត់តុគាត់ជួយឃាត់។ខ្ញុំបានដាក់ពាក្យបណ្តឹងអស់ហើយ។ ចំណែកលោក សុខ ខេមរិន្ទ ប្រធាននាយកដ្ឋាននគរបាលព្រហ្មទណ្ឌ បានឲ្យដឹងថា ក្រោយពីបានទទួលដីកាបញ្ជាឲ្យចូលខ្លួនពីអយ្យការអមសាលាដំបូងរាជធានីភ្នំពេញភ្លាម សមត្ថកិច្ចកំពុងតែធ្វើកិច្ចការងារនេះ យ៉ាងដុតដៃដុតជើង តាមរកចាប់ខ្លួនលោកឧកញ៉ា សុខ ប៊ុន ជាជនដៃដល់ ដែលជាប់ចោទប្រើអំពើហិង្សាវាយដំលើអតីតពិធីការិនីទូរទស្សន៍ ស៊ីធីអិន កញ្ញាសាសា៕ ប្រភព៖ fpmonline
.jpg)
.jpg)
.jpg)
.jpg)
.png)
.jpg)
.jpg)
ប្រទេសកម្ពុជា ជាប្រទេសដែលមានវប្បធម៌ អរីយ្យធម៌វ័យចំណាស់មួយនៅលើសកលលោក ហើយជាពិសេសប្រទេសមួយនេះសំបូរទៅដោយធនធានធម្មជាតិ ដូចជារ៉ែមាស រ៉ែត្បូង ទឹកដីព្រៃព្រឹក្សា មច្ឆារស់នៅព...Read more
លោក សួន សេរីរដ្ឋា ប្រធានចលនាអំណាចពលរដ្ឋខ្មែរ ត្រូវបានតំណាងអយ្យការ អមសាលាដំបូងរាជធានីភ្នំពេញ ចេញដីកាកោះហៅឲ្យចូលរួមសវនាការ នៅថ្ងៃទី១៨ ខែកញ្ញា ឆ្នាំ២០១៤ខាងមុខនេះ ក្រោមការចោទប្រកាន់...Read more
បើយោងតាមសេចក្ដីរាយការណ៍ពីប្រជាពលរដ្ឋក្នុងឃុំរកាត និងឃុំសន្ទ្រែ ស្រុកភ្នំក្រវាញ ខេត្តពោធិ៍សាត់ បានឲ្យដឹងថា រយៈពេលប៉ុន្មានខែកន្លងទៅនេះបទល្មើសកាប់ឈើនិងដឹកជញ្ជូនឈើចេញពី ព្រៃក្នុងត...Read more
សត្វតិរិច្ឆាន គឺជាសត្វមួយប្រភេទ ដែលមិនស្គាល់បុណ្យបាប មិនស្គាល់ពូជពង្សវង្សសាវតារបស់ខ្លួន មិនមានឧត្តមគិតិ មិនមានចំណេះដឹង ស៊ីតែអាហារដែលជាកាកសំណល់ពីគេ រកស៊ីចិញ្ចឹមជីវិតតែមួយក្រពេះ មិន...Read more
ថ្មីៗនេះមេប៉ុស្តិ៍លោក ពេជ មុនីរតន៍ នាយប៉ុស្តិ៍ច្រកទ្វារព្រំដែនកោះរកា ដែលស្ថិតនៅក្នុងឃុំកោះរកា ស្រុកពាមជរ ខេត្តព្រៃវែង កំពុងរងនូវការរិះគន់យ៉ាងខ្លាំងពីប្រជាពលរដ្ឋថា កំពុងបាន...Read more
នៅម៉ោងប្រហែល១១យប់ថ្ងៃទី២០ ខែវិច្ឆកា ឆ្នាំ២០១៥ មានប៉េអឹមស័ក្ត២ម្នាក់ឈ្មោះ មិត្តសៅ អត្តលេខ ០៥១០៦៩ បានប្រើអំពើហឹង្សាទៅលើស្ត្រីម៉ាស្សា ដែលហាងមានយីហោ ម៉ារ៉ាឌីម៉ាស្សា ស្ថិតនៅភូមិត...Read more
សេចក្ដីរាយការណ៏បានឲ្យដឹងថាកាលពីថ្មីៗនេះអគ្គស្នងការដ្ឋាននគរបាលជាតិ បានចេញសេចក្ដីប្រកាសជាសាធារណៈដល់ម្ចាស់កាស៊ីណូនានាដែលបានបើកឲ្យពលរដ្ឋខ្មែរចូលទៅលេងល្បែងស៊ីសងនៅក្នុងកាស៊ីណូរបស់ខ្លួន ម្ចាស់កាស៊ីណ...Read more
នៅព្រឹកថ្ងៃទី១៥ ខែតុលា ឆ្នាំ២០១៤នេះ ព្រះរាជពិធីគោរពនិងឧទ្ទិសថ្វាយព្រះរាជកុសលដល់ព្រះវិញ្ញាណក្ខន្ធ ព្រះករុណា ព្រះបរមរតនកោដ្ឋគម្រប់២ឆ្នាំបានប្រារព្ធធ្វើ ដោយមានការចូលរួមពីរដ...Read more
កីឡាករ-កីឡាការិនីជាតិ និងអន្តរជាតិចំនួន១៨រូប មកពី៩ប្រទេស ដែលត្រូវចូលរួមប្រកួតក្នុងព្រឹត្តិការណ៍ប្រដាល់ក្នុងទ្រង់ទ្រាយជាលក្ខណៈអន្តរជាតិ One FC: Rise of the Kingdom បានថ្លឹងទម្ងន់...Read more
ប្រជាពលរដ្ឋ២៥០គ្រួសា នៅឃុំកំពង់ភ្លុគ បានលើកគ្នាមកតវ៉ានៅចំណុចភូនិកំពង់ថ្កូវ ឃុំមានជ័យ ស្រុកបានសាទបាគង តាំងពីម៉ោង៩ព្រឹករហូតដល់ល្ងាចថ្ងៃទី១០ ខែមិថុនា ឆ្នាំ២០១៥ ដោយពួកគាត់...Read more
| ថ្ងៃនេះ | 34762 | នាក់ |
| ម្សិលមិញ | 42319 | នាក់ |
| សប្ដាហ៍នេះ | 77095 | នាក់ |
| ខែនេះ | 224368 | នាក់ |
| ឆ្នាំនេះ | 2968672 | នាក់ |
| សរុប | 56567568 | នាក់ |
| ថ្ងៃទី 06 ខែ 05 ឆ្នាំ 2025 ម៉ោង 18:18 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net