បទល្មើសឆក់ត្រីកើតពេញបន្ទុកនៅឃុំតាប៉ុន ស្រុកសង្កែ គ្មានអ្នកបង្ក្រាប មានតែអ្នកទៅដាក់ខែ

បទល្មើសឆក់ត្រីនៅព្រៃរនាម នៅឃុំ តាប៉ុន ស្រុកសង្កែ ខេត្តបាត់ដំបង​កើតឡើងពេញបន្ទុក គ្មានអ្នកបង្ក្រាបទេ មានតែអ្នកដើរយកលុយ ដាក់ខែជាមួយឈ្មួញនិងក្រុមអ្នកនេសាទខុសច្បាប់ទាំងនោះ បើទោះជាដឹងថា សកម្មភាពល្មើសទាំងនោះជាអំពើរខុសច្បាប់ និងប្រឆាំងជាមួយបទបញ្ជារបស់រដ្ឋាភិបាល ក៏ដោយ ។

ប្រភពពពីប្រជាពលរដ្ឋបានរាយការមកថា នៅតាមបឹងធំៗ មានដូចជា ១.ទំនប់តាង៉ែ ២.អន្លុងតូល ៣.ភូមិចាក់អង្ករ ៤.ពាមផ្សោត ៥.បឹងល្ហា ៦.នាគកក ជាកន្លែងក្តៅគគុក ដែលជាតំបន់រនាម ស្ថិតក្នុង ខេត្តបាត់ដំបង មានអ្នកឆក់ត្រីរប់សិបនាក់ ក្នុងមួយថ្ងៃប្រើម៉ាស៊ីនឆក់ត្រីជាច្រើនគ្រឿង ដើរឆក់ត្រី បានម៉ាសេរី គ្មានសមត្ថកិច្ចចុះបង្ក្រាបទេ។

ក្រុមអ្នកដើរឆក់ត្រីនៅចំនុចបឹងខាងលើ សុំមិនបញ្ចេញឈ្មោះបានឲ្យសារពត៌មានអង្គរថែមស៍ដឹងនៅ ថ្ងៃទី ១៧ ខែមិនា ឆ្នាំ២០១៤នេះថា ក្នុងមួយខែៗពួកគាត់បានបង់ប្រាក់មិនតិចជាង៥០ម៉ឺន ទៅ១លានទេ ក្នុងម្នាក់ ឲ្យសមត្ថកិច្ចជាច្រើនស្ថាប័ន ដូចជា នគរបាល ប៉េអឹម មន្ត្រីជលផល ក្រុមអភិរក្ស ទើបពួកគាត់ហ៊ានមក ឆក់ត្រី និងដាកណរ៉ាវចាប់ត្រី បានដោយរលូនបែបនេះ។ គឺអ្នកឆក់ម្នាក់៥០ម៉ឺនរៀល អ្នកដាក់ណរ៉ាវម្នាក់ ១លានរៀល បើមិនបានបង់លុយឲ្យអស់លោកទេ ពួកខ្ញុំមិនអាចឆក់ត្រីបានទេ គឺត្រូវគេចាប់មិនខាន។

ប្រភពដដែលបានឲ្យដឹងថា រាល់ថ្ងៃនេះមានមន្ត្រីប៉ូលីស០២នាក់ផ្នែកព្រហ្មទណ្ឌ នៃអធិការដ្ឋានស្រុកសង្កែ ទី១.ឈ្មោះ ឡាន  ទី២.ឈ្មោះ ផាត ដើរយកលុយដាក់ខែ ពេញព្រៃរនាម​ខាងលើ ពីក្រុមអ្នកឆក់ត្រី និង ដាក់ ណរ៉ាវ ដោយមិនគិតពីភាពវិនាសនៃពូជត្រីទេ ។ហើយសកម្មភាពទាំងនេះត្រូវបានគេចាត់ទុកថា ជាទង្វើ ដែលប្រឆាំងនិងបទបញ្ជារបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដ៏ធ្ងន់ធ្ងន់ ដែលមន្ត្រីមានសមត្ថកិច្ច មានជំនាញមិននាំគ្នាបង្រ្កាបបទល្មើស បែជានាំគ្នាដើរយកលុយពីអ្នកឆក់ត្រីធ្វើដូច គ្មានរឿងអ្វីកើតឡើង។

នាយខណ្ឌ័រដ្ឋបានជលផលខេត្តបាត់ដំបង លោក ជួង សភា​ បានបានឲ្យដឹងតាមទូរសព្ទ័ថា លោកសូមទទួល ស្គាល់បទល្មើសទាំងនោះពិតជាមានមែន ក៏ប៉ុន្តែមានអ្នកយកឈ្មោះជលផលទៅប្រើដើម្បី យកលុយពីអ្នក នេសាទ​ខុសច្បាប់ដែរផង។

ចំពោះឈ្មោះ ឡាន និងឈ្មោះ ផាត ដែលគ្រប់គ្នាគេស្គាល់ថា ជាមន្ត្រីនគរបាល ដែលកំពុងរងការចោទ ប្រកាន់ ថា ដើរប្រមូលប្រាក់ពីពួកអ្នកឆក់ត្រីខុស ច្បាប់នៅតំបន់ខាងលើ មិនទាន់អាចសុំការបំភ្លឺបានទេ ជុំវិញការចោទ ប្រកាន់នេះ។  អង្គភាពសារពត៌មាន អង្គរថែមស៍ សូមទទួលយកការអធិប្បាយពីអស់លោក នៅពេលខាងមុខ ដោយក្តីសោមនស្ស។

លោក ចាន់ សុផល អភិបាលខេត្តបាត់ដំបង គួរមើលចំនុចខ្វះចន្លោះនិងដុលក្អែលកូនចៅរបស់លោកដែល ឈរនៅគោលដៅខាងលើផង បើបណ្តោយតទៅទៀតខេត្តរបស់លោកអភិវឌ្ឍន៍ទៅមុខមិនរួចទេ ព្រោះមាន តែមន្ត្រីពុករលួយ ឃើញបទល្មើសនេសាទខុសច្បាប់នៅនឹងភ្នែកហើយគ្មានអ្នកបង្ក្រាប បែជានាំគ្នាទៅដាក់ ខែដើម្បីបានលាភសក្ករះពីពួកឈ្មួញខុសច្បាប់ទៅវិញ៕ ដោយ កែវ នាង