ផឹកស្រាស្រវឹងភ្នាល់គ្នាហែលទឹកលង់ទឹកស្លាប់ម្នាក់

បុរសម្នាក់លង់ទឹកស្រះស្លាប់ ខណៈ​ពេល​ផឹក​ស៊ីស្រ​វឹង​នាំគ្នា​ទៅភ្នាល់​ហែល​ទឹក​បើកអ្នក​ណាចាញ់ជា​អ្នកចាញ់​ថ្លៃស្រា​និងសាច់ក្លែម។ ហេតុការណ៍នេះ កើតឡើងនៅវេលាម៉ោង៣និង៣០នាទីរសៀលថ្ងៃទី១៨ ខែសីហា នៅក្នុងទឹកស្រះ ស្ថិតក្នុងភូមិទួលពង្រ សង្កាត់ចោមចៅ ខណ្ឌ ពោធិ៍សែនជ័យ ។

ជនរងគ្រោះលង់ទឹកស្លាប់មានឈ្មោះ ឡឹង សិទ្ធិ ភេទប្រុស អាយុ២៣ឆ្នាំ មុខរបរកម្មករសំណង់ ស្នាក់នៅផ្ទះជួលភូមិកើតហេតុខាងលើ មានស្រុកកំណើតនៅភូមិថ្មីខ្មែរ ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង ។

បើតាមការឲ្យដឹងពីមិត្តភក្កិធ្វើការជាមួយគ្នាបានឲ្យដឹងថា មុនពេលកើតហេតុជាថ្ងៃអាទិត្យ សម្រាកពីការងារពួកគេមានគ្នា៤នាក់បានជួបជុំគ្នាផឹកស្រាសស្រវឹងរៀង ខ្លួនហើយម្នាក់ៗតំណាលរឿងអួតរៀងខ្លួន ម្នាក់ៗសុទ្ធតែជាពូកែ ។ លុះនិយាយចុះនិយាយឡើងស្រាប់តែនិយាយរឿងហែលទឹក ម្នាក់ថារូបគេ ពូកែហែលទឹកម្នាក់ទៀត ថាពូកែលឹបទឹកបានយូរ អួតរៀងៗខ្លួន ទើបយុវជនទាំង៤នាក់បាន ភ្នាល់ហែលទឹកប្រណាំងគ្នា បើនរណាហែលទឹកឆ្លងស្រះចាញ់គេ អ្នកនោះជាអ្នកចេញថ្លៃស្រា និងសាច់ក្លែម ។

បន្ទាប់ពីនិយាយភ្នាល់គ្នារួចហើយអ្នកទាំង៤នាក់ដែលសុទ្ធតែជាកម្មករសំណង់បាននាំគ្នាទៅហែលទឹកទាំងស្រវឹងស្រាទាំងអស់គ្នា ។ ទឹកស្រះនោះជារណ្តៅដីដែល គេជីកយកដីលក់មានទំហំ៣០ម៉ែត្រគុណ២០០ម៉ែត្រ កម្មករទាំង៤នាក់បានបបួលគ្នាភ្នាល់ហែលឆ្លងពីត្រើយម្ខាងទៅដល់ត្រើយម្ខាងទៀត ។

ខណៈពេល មុជហែលទឹកស្រាប់តែបាត់ជនរងគ្រោះខាងលើ ធ្វើឲ្យអ្នកហែលនាំគ្នារកតែរកមិនឃើញស្មាន តែជនរងគ្រោះមុខហែលទៅមុនបែរជារកមិនឃើញ ទើបដឹងថាជនរងគ្រោះលង់ទឹកនាំគ្នារាវរក តែរកមិនឃើញ បាននាំគ្នាត្រឡប់ទៅផ្ទះអស់ រហូតដល់ព្រឹកទើបនាំគ្នាទៅរាវរកម្តងទៀត និងយកអួនទៅអូសរកទើប ប្រទះឃើញសាកសព ។ ក្រោយពេលកើតហេតុសពសាច់ញាតិបានដឹកយកទៅធ្វើបុណ្យតាមប្រពៃណីនៅស្រុកកំណើត ៕ដោយ ខ្មែរ៧មករា