អគ្គីភ័យឆាប​ឆេះផ្ទះប្រជាពលរដ្ឋ៤០-​៥០ខ្នងបណ្តាល​អោយ​មនុស្ស៧នាក់រង​របួស

អគ្គិភ័យកំណាចមួយដែលបង្កឡើង ដោយសារផ្ទុះធុងហ្គាស បានបំផ្លាញផ្ទះប្រជាពលរដ្ឋ តូច ធំ សង់ជាប់ៗគ្នាចន្លោះពី៤០ទៅ៥០ខ្នង ស្ថិតនៅតំបន់ទំនប់រលក សង្កាត់លេខ១ ក្រុងព្រះសីហនុ កាលពីយប់ រំលងអធ្រាត្រ ឈានចូលថ្ងៃទី២៣ ខែកញ្ញា ឆ្នាំ២០១២ និងបណ្តាលឲ្យប្រជាពលរដ្ឋប្រុសស្រីចំនួន៧នាក់ រង របួសធ្ងន់ស្រាលក្នុងនោះធ្ងន់៤ស្រាល៣នាក់។ស្

នងការនគរបាលខេត្ត ព្រះសីហនុ លោកឧត្តមសេនីយ៍ តាក់ វណ្ណថា ដែលដឹកនាំកម្លាំងសមត្ថកិច្ចជួយអន្តរាគមន៍ទាំងយប់ បានប្រាប់ឲថាផ្ទះប្រជាពលរដ្ឋចន្លោះពី ៤០ ទៅ ៥០ខ្នង ដែលសង់ជាប់ៗគ្នា នៅតំបន់នោះ ត្រូវបានបំផ្លាញទាំងស្រុងដោយអគ្គិភ័យដែលបណ្តាលមកពីផ្ទុះធុងហ្គាសពី ផ្ទះប្រជាពលរដ្ឋម្នាក់។បើតាមលោក តាក់ វណ្ណថា អន្តរាគមន៍បាញ់ពន្លត់អគ្គិភ័យតាំងពីពេលកើតហេតុ នៅវេលាម៉ោង ១២ រហូតដល់ ម៉ោង ៣ទៀបភ្លឺ ទើបរលត់ទាំងស្រុង។

សូមបញ្ជាក់ថា ទីតាំងខាងលើនេះ ត្រូវបានគេរាយការណ៍ថា ជាតំបន់អនាធិបតេយ្យផងដែរ ពីការរស់នៅរបស់ប្រជាពលរដ្ឋនៅទីនោះ។ស្នងការនគរបាលខេត្តព្រះសីហនុ លោកឧត្តមសេនីយ៍ តាក់ វណ្ណថា សូមអំពាវនាវទៅកាន់ប្រជាពលរដ្ឋទាំងអស់ ឲ្យមានការប្រុងប្រយ័ត្នគ្រប់ពេលវេលា និងគ្រប់ទីកន្លែង ដែលធ្វើឲ្យខូចខាត និងបំផ្លាញទ្រព្យសម្បត្តិ៕ដោយ CCKNEWS