ឯកឧត្តម សខេងអនុញាត្ត​ឲ្យ ឯកឧត្តម ឯក​អគ្គ​រដ្ឋ​ទូត​ស្វីស​ចូល​ជួប​ពី​ភាក្សា​ការ​ងារ

រសៀលថ្ងៃទី១៩ ខែកញ្ញា ឆ្នាំ២០១២ នៅក្រសួងមហាផ្ទៃ ឯកឧត្តម ស ខេងឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអនុញាត្តឲ្យប្រតិភូស្វីស ដឹកនាំដោយឯកឧត្តមCHRISTOPH BURGENER ឯកអគ្គរដ្ឋទូតស្វីស ប្រចាំកម្ពុជា ដែលមាននិវាសនដ្ឋាននៅទីក្រុងបាងកក ចូលជួបពិភាក្សាការងារ ។

ឯកឧត្តម CHRISTOPH BURGENER ឯកអគ្គរដ្ឋទូតស្វីស ប្រចាំកម្ពុជា បានមានប្រសាសន៍សន្យាជួយដល់កម្ពុជា លើវិស័យសុខាភិបាល និងវិស័យសំខាន់បីទៀត គឺ ១.វិស័យសន្តិសុខស្បៀង, ២.វិស័យបណ្តុះបណ្តាលវិជ្ជាជីវៈដល់យុវជន និងកុមារ, ៣.វិស័យកំណែទម្រង់ រដ្ឋបាល វិមជ្ឈការ និងវិសហមជ្ឈការ ។ នៅក្នុងជំនួបនោះ ឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានមានប្រសាសន៍ថ្លែងអំណរគុណចំពោះ រដ្ឋាភិបាលស្វីស ដែលកន្លងមកបានជួយរដ្ឋាភិបាលកម្ពុជាលើច្រើនវិស័យ ជាពិសេសវិស័យសុខាភិបាល និងកុមារ ។

ចុងបញ្ចប់ ឯកឧត្តម ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានជូនពរដល់ប្រតិភូស្វីស ឲ្យទទួលបានសុខភាពល្អ និងទទួលបានជោគជ័យក្នុងការបំពេញភារកិច្ចការងារនៅកម្ពុជា ៕