ជារៀងរាល់ថ្ងៃគេសង្កេតឃើញពលករខ្មែរ ចំណាកស្រុក លួចឆ្លងដែនដោយខុសច្បាប់ ចូលទៅស្វែងរកការងារធ្វើនៅក្នុងប្រទេសថៃដោយប្រថុយប្រថានហើយសមត្ថកិច្ចគ្រប់ជំនាញនៅតាមព្រំដែន ថៃ-ខ្មែរ តាម ច្រករបៀងមួយចំនួនបានឆ្លៀតឱកាសប្រព្រឹត្តអំពើពុករលួយ គាបជំរិត ឬឃុបឃិតឲ្យមានការរត់ពន្ធមនុស្សឆ្លងដែនខុសច្បាប់ ផ្គើនទៅនឹងអនុសាសន៍របស់ប្រមុខរាជរដ្ឋាភិបាល ក៏ដូចជាសេចក្តីជូនដំណឹងរបស់ក្រសួងមហាផ្ទៃ ។ ដូចជានៅក្បែរមាត់អូរ ភូមិក្បាលស្ពាន ក្រុងប៉ោយប៉ែត ខេត្តបន្ទាយ-មានជ័យ មានក្រុមពលករកាន់កាបូបស្ពាយអង្គុយចាំក្បែរកន្លែងជល់មាន់ដ៏ធំនៅក្បែរមាត់អូរជាច្រើនរយនាក់ ចាំឱកាសសំរុក ចេញតាមច្រករបៀងតាមមេខ្យល់របស់ពួកគេ។
នគរបាលប្រចាំច្រកព្រំដែនអន្តរជាតិប៉ោយប៉ែតក្រោមការគ្រប់គ្រងរបស់លោក សៅ ប៊ុនរិទ្ធ ត្រូវប្រជាពលរដ្ឋចោទថា បានទារលុយពីពួកគាត់ក្នុងម្នាក់ ៦០០ បាតប្រមាណ៦ ម៉ឺនរៀលសម្រាប់អ្នកកាន់លិខិតឆ្លងដែនថ្មី ប៉ុន្តែបើអ្នកកាន់លិខិតឆ្លងដែនធ្លាប់ ចេញចូល គឺតម្រូវឲ្យបង់ត្រឹមតែ១ម៉ឺនរៀល ឬ ក៏១០០បាតប្រាក់ថៃ គឺករណីនេះបានកើតមានរាប់សិបឆ្នាំមកហើយមិនមានការកែទម្រង់ទាល់តែសោះ អាចចាត់ទុកជាអំពើពុករលួយផ្គើនបំផុតទៅនឹងការកែទម្រង់របស់ប្រមុខ រាជរដ្ឋាភិបាលកម្ពុជា។
ពលកររាប់រយនាក់បានធ្វើដំណើរចេញពីស្រុក ភូមិ ដោយជិះ ម៉ូតូឌុប រថយន្តឈ្នួលនិង រថយន្តក្រុងមកឈប់នៅក្រុង ប៉ោយប៉ែត ដើម្បីរកច្រកចេញទៅរកការ ងារធ្វើក្នុងទឹកដីថៃ ។ពលករចំណាកស្រុកទាំងនោះក្រោយពេលចុះពីរថយន្តបាននាំគ្នាសំរុកមកកាន់ច្រករបៀងមួយកន្លែងក្បែរស្ពានមិត្តភាពខ្មែរ-ថៃ ដែលមាន ចម្ងាយបី-បួនរយម៉ែត្រ ត្រង់ចំណុចមាត់អូរកាស៊ីណូហ្គោលឌិនក្រោន ចេញតាមច្រករបៀងខាងជើងផ្លូវជាតិលេខ៥ដែលរាប់ចាប់ពីកំពូលប្រាសាទក្បាលស្ពានប្រហែល ប្រាំរយម៉ែត្រទៅទល់នឹងរបង “ហូលីវូដ” នៅជាប់ នឹងមាត់អូរ គឺមានតែមួយកន្លែងគត់ ដែលជាច្រករបៀងគ្រប់គ្រងដោយប៉ូលិសអន្តោប្រវេសន៍ដែលមានប៉ុស្តិ៍ប្រចាំការនៅនឹងមាត់ច្រករបៀងខ្មែរ-ថៃនោះ។
អ្នកគ្រប់គ្រងនៅច្រករបៀងនោះ គឺលោក ប៊ុន សុផា ជាមន្ត្រីប៉ូលិសអន្តោប្រវេសន៍ច្រករបៀងហើយ ម្នាក់ទៀតជាដៃជើងដ៏ខ្លាំងពូកែ និងម្នាក់ទៀតពូកែទាក់ទងមេខ្យល់ សម្រាប់នាំពលករចេញទៅប្រទេសថៃផងដែរ។ លោក ប៊ុន សុផា ជាញឹកញយបានឃុបឃិតជាមួយ មេខ្យល់ បើកភ្លើងខៀវឱ្យពលករចំណាកស្រុកចេញតាមច្រករបៀងយ៉ាងប្រសេចប្រសាចគ្មានគិតពីអាយុជីវិតឡើយ ។ មានការបញ្ជាក់ផងដែរថា ក្នុងការឆ្លងដែនតាមច្រករបៀង គឺពលករចំណាកស្រុកម្នាក់ៗ ត្រូវបង់លុយឱ្យទៅប៉ូលិសអន្តោប្រវេសន៍ដែលនៅប្រចាំការនៅទីនោះ ចាប់ពី១០០បាតទៅ២០០បាត ដើម្បីបន្តចេញតាមច្រករបៀងរបស់ប៉ូលិសអន្តោប្រវេសន៍ដែលគ្រប់គ្រងដោយ លោក ប៊ុន សុផា តែ មួយគត់ ។
លោក ឱម យ៉ិនទៀង បានកំណត់រួចហើយក្នុងការយកភូមិសាស្ត្រខេត្ត បន្ទាយមានជ័យធ្វើជាគំរូល្អមុនគេក្នុង ការបោសសម្អាតមន្ត្រីខិលខូចពុករលួយហើយក៏ធ្លាប់បានកោះហៅមន្ត្រី មួយចំនួនឲ្យធ្វើរបាយការណ៍ដើម្បីកែប្រែកំហុងឆ្គងឡើងវិញផងដែរ ដូច្នេះលោក ឱម យ៉ិនទៀង មិនគួរមើលរំលងពីភាពអសកម្មដែលលោក សៅ ប៊ុនរិទ្ធ កំពុងចាត់តាំងឲ្យមន្ត្រីក្រោមឱវាទប្រព្រឹត្តអំពើពុករលួយពីការធ្វើ ប័ណ្ណឆ្លងដែននិងការរាប់ក្បាលឡានដឹកទំនិញប្រមូលប្រាក់យកទៅច្រកហោប៉ៅ ធ្វើមានធ្វើបានផ្ទាល់ខ្លួននោះទេ។
សូមបញ្ជាក់ថាលោក សៅ ប៊ុនរិទ្ធបានប្រព្រឹត្តអំពើខុសឆ្គងធ្ងន់ធ្ងរសឹងរាប់ភ្លេចទៅហើយ ប៉ុន្តែមិនដែលមានទោសពៃរ៍ឬត្រូវបាននាំទៅដាក់ពិន័យដូចដែលអង្គភាព ប្រឆាំងអំពើពុករលួយបានអនុវត្ត ចំពោះមន្ត្រីមួយចំនួននោះទេដែលសកម្ម ភាពនេះកំពុងក្លាយជាការទំយើខ្លាំងបំផុតនាំឲ្យលោក សៅ ប៊ុនរិទ្ធ បន្តប្រព្រឹត្តអំពើ ពុករលួយមិនខ្លាចច្បាប់ ឬចំណាត់ការរបស់អង្គភាពប្រឆាំងអំពើពុករលួយនោះ ឡើយធ្វើឲ្យមន្ត្រីជាច្រើន ចេះតែប្រព្រឹត្តខុសឆ្គងគ្មានថ្ងៃកែខ្លួន៕
.jpg)
.jpg)
.jpg)
.png)
.jpg)
.jpg)
ប្រភពពីឈ្មួញរកស៊ីឈើបានឲ្យដឹងថាមេឈ្មួញជាឧញ្ញ៉ាលឹមប៊ុណ្ណា(ហៅខ្នា) មានមេការម្នាក់ឈ្មោះ សាន ចយជាមនុស្សមានជំនាញជាច្រើនឆ្នាំខាងយកលុយឲស្ថាប័នពាក់ពន្ធ័ទើប ប្រព្រឹត្តទៅដោយរលូនបើសិនជាមិនល...Read more
.JPG)
សូមអានព័ត៌មានលំអិតដោយចុចលើរូបភាពខាងក្រោម៖...Read more
គ្រួសារកសិករក្រីក្រ ដែលមានកូនប្រុស៤នាក់ សុទ្ធតែពិការ ត្រូវបានក្រុមការងារលេខាធិការដ្ឋានក្រុមប្រឹក្សាជាតិកម្ពុជា ដើម្បីកុមារ នាំយកអំណោយមួយចំនួនទៅផ្តល់ជូនដល់ផ្ទះរបស់គាត់ នៅព្រឹកថ្ងៃទី...Read more
ប្រជាពលរដ្ឋនៅឃុំកណ្តែកមួយក្រុមបានលួចបង្ហើបអោយដឹងថា លោកខាំលឿមេឃុំកណ្តែកកំពុងតែកាប់រានដើមរាំងទឹក ព្រមទាំងចាក់ថ្នាំសំលាប់ដើមរាំងមិនអោយដុះឡើងវិញ ដើម្បីយកដីធ្វើស្រែប្រាំ...Read more
ក្នុងវេទិកាសេរីកាលពីថ្ងៃទី១៨ខែវិច្ឆិកា ឆ្នាំ២០១៤កន្លងទៅ នៅក្នុងស្រុកថ្មពួកលោកគោសុំសារឿត អភិបាលខេត្តបន្ទាយមានជ័យបានលើកឡើងថា អាជ្ញាធរចាំតែសម្រួលតាមក្រោយទេចំពោះដីស្តូបដែលដា...Read more
ល្បែងកន្ទុយលេខខុសច្បាប់ កំពុងបើកលេងយ៉ាងគគ្រឹកគគ្រេង និងយ៉ាងអនាធិបតេយ្យ រីកដូចផ្សិត តែសមត្ថកិច្ចប៉ូលិស សមត្ថកិច្ចអាវុធហត្ថ មិនដែលបង្ក្រាប ដោយសារតែបានទទួលសំណែនពីពួកមេឆ្នោតធំៗទាំងនោះ...Read more
.png)
ហាងកាហ្វេណូគាររបស់វៀតណាមបីកន្លែង ស្ថិតនៅក្នុងក្រុងសៀមរាប រងការចោទថា គៀបសង្កត់ទៅលើកម្មករស្រីខ្មែរដែលបំរើក្នុងរបស់ខ្លួន និងគំរាមសម្លាប់ បើសិនពួកគេទៅធ្វើការកន្លែងផ្សេង ព្រ...Read more
សិប្បកម្មឈ្មោះ ទូ ហៀង (យាយម៉ាប់)កំពុងក្លាយទៅជាទីតាំងស្តុកឈើនិងលក់ឈើប្រណិតនៅក្នុងឃុំមេម៉ង់ ស្រុកកែវសីមា ខេត្តមណ្ឌលគីរី ហើយក៏ជាជើងខ្លាំងល្បីឈ្មោះបោះសំឡេងជាច្រើនឆ្នាំមកហើយ...Read more
iPhone 6 និង iPhone 6plus បង្ហាញខ្លួនលើទីផ្សារហើយ ដែលមានតម្លៃ ជាង ១០០០ដុល្លា។
iPhone 6 isn’t simply bigger — it’s better in every way. Larger, yet dramatically thinner. More power...Read more
យោងតាមប្រភពព័ត៌មានបានអោយដឹងថា នៅព្រឹកថ្ងៃទី១២ ខែវិច្ឆកា ឆ្នាំ២០១៥នេះ សមត្ថកិច្ចក្រុងបាត់ដំបងចាប់បានជនសង្ស័យ ដែលបានចាប់ខ្លួននាងក្រមុំអាយុ១៨ឆ្នាំ កំពុងលាងសណ្តែកនៅផ្ទះ...Read more
| ថ្ងៃនេះ | 3824 | នាក់ |
| ម្សិលមិញ | 5740 | នាក់ |
| សប្ដាហ៍នេះ | 9578 | នាក់ |
| ខែនេះ | 318746 | នាក់ |
| ឆ្នាំនេះ | 2329285 | នាក់ |
| សរុប | 51689211 | នាក់ |
| ថ្ងៃទី 16 ខែ 04 ឆ្នាំ 2024 ម៉ោង 20:45 |
Copyright © 2024 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net