ឆែកឆេទីតាំងមួយកន្លែងសង្ស័យថាជាគ្រឿងផ្សំផលិតគ្រឿងញៀននៅស្រុកភ្នំស្រួច

កំពង់ស្ពឺ៖សារធាតុគីមីជាច្រើនធុងដែលអាចពាក់ពន្ធ័និងការផលិតគ្រឿងញៀន ត្រូវបានកម្លាំងសមត្ថកិច្ចចម្រុះ ខេត្តកំពង់ស្ពឺ ឆែកឆេរកឃើញ បន្ទាប់ពីមានសេចក្តី រាយការណ៍ពីប្រជាពលរដ្ឋ ហើយករណីនេះកំពុងរងចាំក្រសួងមហាផ្ទៃ និង អាជ្ញាធរជាតិប្រឆាំង គ្រឿងញៀនចុះទៅត្រួតពិនិត្យ ។

ការឆែកឆេរកឃើញសារធាតុគីមីដែលសង្ស័យពាក់ព័ន្ធនិងការផលិតគ្រឿងញៀននេះ ត្រូវបានគេរកឃើញ នៅទីតាំងក្នុងដីឡូត៌អតីតកសិដ្ឋានចិញ្ចឹមជ្រូកស្ថិតនៅភូមិកូនត្រុម ឃុំអូ ស្រុកភ្នំស្រួច ខេត្តកំពង់ស្ពឺ កាលពីរសៀលថ្ងៃទី០២ ខែកក្តដា ឆ្នាំ២០១២  ។

ប្រភពព័ត៌មានពីមន្ត្រីកងរាជអាវុធហត្ថខេត្តកំពង់ស្ពឺបានប្រាប់ឲ្យដឹងថា សារធាតុគីមីចំនួន៨២ធុង ក្នុងនោះធុងតូចមានចំនួន១១និងធុងធំ៧១ដែលសង្ស័យថាអាចពាក់ពន្ធ័នឹងការផលិត គ្រឿងញៀន ។ ព័ត៌មានបានបន្តទៀតថាការឆែកឆេរកឃើញនេះដោយសារមានសេចក្តីរាយការណ៍ពី ក្រុមប្រជាប្រជាពលរដ្ឋដែល បានប្រទះឃើញសារធាតុគីមីមួយចំនួនបានអណ្តែតក្នុងទឹកអូរ ហើយក៍បានរាយការណ៍ព័ត៌មានដល់កំលាំងសមត្ថកិច្ចប្រចាំគោលនៅតំបន់នោះ រួចក៏ចុះទៅធ្វើស្រាវជ្រាវម្តុំចំណុចដែលមានការសង្ស័យ ដោយសុំយោបល់ពីលោកព្រះរាជអាជ្ញា អមសាលាដំបូងខេត្តកំពង់ស្ពឺជាក់ស្តែងក៏រកឃើញតែម្តង ។

មន្រ្តីប៉ូលិសស្រុកភ្នំស្រួចបានឪ្យដឹងផងដែរថាករណីខាងលើនេះយើងមិនទាន់ហាន សន្និដ្ឋានថាជាសារធាតុគីមីសម្រាបផលិតអ្វីនោះទេ ប៉ុន្តែយើងបានរាយការណ៍បន្តជូនទៅ ថ្នាក់លើ ហើយពេលនេះកំពុងរងចាំមន្ត្រីជំនាញក្រសួងមហាផ្ទៃ និង អាជ្ញាធរជាតិប្រឆាំងគ្រឿងញៀនចុះមកធ្វើការត្រួត ពិនិត្យដើម្បីបញ្ជាក់ពីសារធាតុទាំងនោះ៕