បើយោង តាមសេចក្តីរាយការណ៍ពីខេត្តក្រចេះបានអោយដឹងថាលោក គង់-គឹមនី ចៅហ្វាយស្រុកស្នួល កំពុងតែបើកដៃអោយក្រុមឈ្មួញរកស៊ីដឹកឈើខុស ច្បាប់ឆ្លងកាត់ស្រុកស្នួលយ៉ាងអាណាធិប្បតេយ្យបំផុតទាំងយប់ទាំងថ្ងៃ ហើយលោកគង់គឹមនី ក៏កំពុងតែប្រើអំណាចរបស់ខ្លួនកាងបទល្មើស និងគំរាមកំហែងដល់ក្រុមសមត្ថកិច្ចតាមដងផ្លូវ ព្រោះតែលោក គង់ គឹមនី ចាត់ទុកថា សមត្ថកិច្ចនិងអ្នកកាសែត គឺជាឆ្អឹងទទឹងកដល់ការរកស៊ីខុសច្បាប់របស់ក្រុមឈ្មួញ បំផ្លាញព្រៃឈើ ឬជាការរំខានដល់ការបង់លុយចូលហោប៉ៅរបស់ គង់ គឹមនី នោះ។
ប្រភពព័ត៌មានបានអោយដឹងទៀតថា ជារៀងរាលថ្ងៃមានរថយន្តទាំងតូចទាំងធំដឹកឈើខុសច្បាប់ធ្វើចរចរាណ៍ដឹកបទល្មើស ព្រៃឈើមិនក្រោម ៣០០ ទៅ ៥០០គ្រឿងនោះទេ ដែលធ្វើដំណើរឆ្លងកាត់ស្រុកស្នួលខេត្តក្រចេះ ដោយបានបង់លុយជូនមន្ត្រី ជំនាញ និងបានសែនព្រេនយ៉ាងដិតដល់បំផុត ដល់លោក គង់-គឹមនី អភិបាលស្រុកស្នួលរូបនេះ។
គួររំលឹកថា ថ្មីៗនេះកាលពីថ្ងៃទី២០ ខែកក្កដា ឆ្នាំ២០១៤កន្លងទៅនេះ គឺ លោក គង់-សឹមនី អាងខ្លួនជាអភិបាលស្រុកស្នួលនោះ ។ ដោយយល់ថា សម្បូរអ្នកកាសែតធ្វើព័ត៌មានរសើបបទល្មើសព្រៃឈើជួញដូរជួបលោក គង់ គឹមនី និងចាត់ទុកអ្នកសារព័ត៌ មានជាបន្លាក្នងកែវភ្នែកនោះ ទើបចៅហ្វាយស្រុករូបនេះបានប្រើក្បាច់គុនអោយសមត្ថកិច្ចចាប់ ខ្លួន លោក ជា ម៉ាប់ នៅផ្លូវជាតិលេខ៧អា ស្នូល មណ្ឌលគិរី ចំណុចគីឡូម៉ែតលេខ៨៨ ឃុំ២ធ្នូ ស្រុកស្នូល ខេត្តក្រចេះ ដែលជាប្រធាន សាខាសមាគមន៍សារព័ត៌មានឃ្លាំមើលកម្ពុជា ប្រចាំស្រុកស្នូល ខេត្តក្រចេះ បញ្ជូនទៅតុលាការខេត្តដោយចោទពីបទជំរិត ទារប្រាក់ពីឈ្មួញដឹកឈើខុសច្បាប់។
សកម្មភាពរបស់លោកអភិបាលស្រុកស្នូលដ៏មហិមានេះបានប្រើអំណាចឆបោកផ្តាច់ការមកលើអ្នកកាសែតមានតែកាំម៉ារ៉ានឹងប៊ិចគឺដើម្បីបំបាត់ស្មារតីអ្នកកាសែតដ៏ទៃ ទៀតកុំឲ្យធ្វើការរាំងស្ទះដល់រូបលោកអភិបាលស្រុកស្នូលដ៏មានឥទ្ធិពលនេះ ក្នុងការកាងមេឈ្មួញឈើរកស៊ីកាប់ព្រៃឈើលក់ខុសច្បាប់ដោយផ្គើនបទបញ្ជាសម្តេចនាយករដ្ឋមន្រ្តី(បើនិយាយពីអំណាចអភិបាលមេកាងឈ្មួញឈើនេះគឺសឹងមានអំណាចលើជាងអភិបាលខេត្តទៅទៀត)ហើយក៏ជាសញ្ញាមួយបញ្ជាក់ឫពារបង្អួតខ្លួនដល់គេឯងថា ខ្លួនជាជើងខ្លាំងបន្ទាប់ពីសម្តេចនាយករដ្ឋមន្រ្តីហ៊ុនសែន។
ក្រៅពីចរាចរបទល្មើសព្រៃឈើក្នុងមូលដ្ឋានស្រុកស្នូលគេក៏កត់សំគាល់ឃើញផងដែរពីប្រជាពលរដ្ឋត្អូញត្អែរពីបញ្ហាគ្រោះថ្នាក់ចរាចរណ៏ជាប្រចាំពីមួយៗថ្ងៃទៅមួយថ្ងៃ ក្នុងទឹកដីស្រុកស្នូលដោយសាររថយន្តដឹកឈើគ្រប់ប្រភេទជាពិសេសរថយន្តសាំយ៉ុងដឹកជន្លង់ម្រេច បង្កគ្រោះថ្នាក់ចរាចរណ៏ដល់អាយុជីវិតប្រជាពលរដ្ឋជាច្រើន គេមិនដែលឃើញលោកអភិបាលស្រុករូបនេះរកដំណោះស្រាយធ្វើយ៉ាងដើម្បីកាត់បន្ថយកុំឲ្យមានការគ្រោះថ្នាក់ចរាចរណ៏ច្រើនឡើយនឹងមិនមានការបង្រ្កាបបទល្មើស ព្រៃឈើឡើយ មានតែកាងឈ្មួញឈើយកលុយធ្វើមានធ្វើបានខ្លួនឯងនឹងទុកសូកប៉ាន់ទប់ដំណែងដើម្បីឡើងធ្វើជាចៅហ្វាយខេត្ត។
គេឃើញមានរថយន្តសាំយ៉ុងដឹកជន្លង់ម្រេចតំរង់ ជួរប្រដេញគ្នាតាមដងផ្លូវលេខ៧ចំនួនជាច្រើនគ្រឿងបើកបរយ៉ាងលឿនហួសល្បឿនដូចយន្តហោះអញ្ចឹងដែលជាហេតុបង្កឲ្យមានគ្រោះថ្នាក់ចរាចរណ៏ដល់អាយុជីវិត មនុស្សនឹងខូចខាតទ្រព្យសម្បត្តិគ្រប់បែបយ៉ាង មិនដែលឃើញលោកអភិបាលស្រុកដ៏មហិមានេះចេញបង្រ្កាបឡើយ។ ប្រជាពលរដ្ឋនិយាយថា ពេលដែលលោក គង់ គឹមនី អភិបាលស្រុកចុះទៅជួយស្ទូងស្រូវប្រជាពលរដ្ឋមួយព្រឹកបានចំនួន៤ទៅ១០កណ្តាប់ស្រូវហៅគេមកថតផ្សាយតាមកញ្ជក់ទូរទស្សន៏ឲ្យអ្នកដឹកនាំប្រទេសឃើញ (ខ្ពើមណាស់លោកអើយ)។ ប្រភពពីអ្នកស្រុកស្នូលខ្លះបានលាន់មាត់ថាសកម្មភាពលោកគង់ គឹមនី ហៅលោកប្រុស ណែត នេះគឺថ្ងៃក្រោយចង់ក្លាយជានាយករដ្ឋមន្រ្តីហើយមើលទៅ។
យើងមិនគួរបន្ទោសលោកអភិបាលសស្រុករូបនេះទេ គួរតែលោកទទួលតំណែងថ្មីណាមួយវិញ ពីព្រោះលោកពុំធ្លាប់មានបទពិសោធន៏ខាងការគ្រប់គ្រងខាងផ្នែករដ្ឋបាលមន្រ្តីរាជការឡើយ លោក គង់ គឹមនីនេះធ្លាប់តែស៊ីឈ្មួញឲ្យក្រុមហ៊ុនចំការកៅស៊ូផ្នែកដាំដុះដំណាំហើយធ្លាប់សិក្សាជាប់សញ្ញាប័ត្រខាងអាហារូបបឋមផ្នែកដាំដុះ ដូចនេះលោកខ្វះខាតខាងផ្នែកសន្តិសុខសណ្តាប់ធ្នាប់សង្គមបានជាមិនគិតគូរដិតដល់ការស្លាប់អាយុជីវិតមនុស្សដោយការគ្រោះថ្នាក់ចរាចរណ៏នឹងបទល្មើសព្រៃឈើកើតឡើងពេញបន្ទុកនៅក្នុងស្រុកស្នូលរួមទាំងបទល្មើសផ្សេងៗជាច្រើនទៀត។ មិនគួរលោកអភិបាលស្រុក រូបនេះយកគំនុំបុគ្គលរករឿងលេសចាប់ឃាត់ខ្លួនអ្នកកាសែតដោយមិនមានការពិតយកទៅឃុំខ្លួនក្នុងគុកដូចនោះឡើយ។
មកទល់ពេលនេះ ក្រោយពេលចាប់បង្ក្រាបអ្នកសារព័ត៌មានហើយនោះបានធ្វើឱ្យភ្ញាក់ផ្អើលយ៉ាងខ្លាំង និងល្បីសុះសាយ ថា ចៅហ្វាយស្រុករូបនេះអួតក្អេងក្អាងប្រឈមបង្កជម្លោះជាមួយតែអ្នកកាសែត ឯបទល្មើសព្រៃឈើឆ្លងកាត់ស្រុកស្នួល ១យប់១ថ្ងៃ រាប់សិបរយគ្រឿង ស្ទើររាប់ពាន់គ្រឿងនោះ គេពុំឃើញជនអសមត្ថភាពនេះអនុវត្តអភិបាលកិច្ចល្អ កែទម្រង់ស៊ីជម្រៅតាមរដ្ឋាភិបាលដាក់ចុះឡើយ ។
ជាពិសេស គឺលោក គង់-គឹមនី ចៅហ្វាយស្រុកស្នួលកំពុងតែសកម្មវក់វីត្រូវរ៉ូវជាមួយ និងក្រុមឈ្មួញបទល្មើសព្រៃឈើជាន់ឈ្លី កំណែទម្រង់របស់រដ្ឋាភិបាល សម្តេចហ៊ុន សែន យ៉ាងគឃ្លើនបំផុត ។ ហើយបានគេពុំឃើញថា ហ្វាយស្រុកស្នួលនេះ អើពើបង្ក្រាប សកម្មភាពបទល្មើសព្រៃឈើឱ្យមានប្រសិទ្ធភាព និងតម្លាភាពទ្រង់ទ្រាយធំម្តងណាសោះ ហើយដែលមិនគួរក្រសួងមហាផ្ទៃ មើលរំលងសកម្មភាព គង់ គឹមនី និងបទល្មើសព្រៃឈើក្នុងខេត្តក្រចេះនោះទេ !។
អ្វីជាការគួរឱ្យភ្ញាក់ផ្អើលនោះ បុរសដែលអួតខ្លួនថា ជាឈ្មួញរកស៊ីឈើដែលខ្លួនជាចោរឈ្មួញរកស៊ីបំពានច្បាប់រដ្ឋាភិបាលនោះ ។ នៅពេលដែលអ្នកកាសែត ត្រូវបានចាប់ខ្លួនឯវិញ បែរជាស្រែកតាមទូរស័ព្ទថា ក្រុមរថយន្តខាងលើដេញកាក់ រថយន្តរបស់លោកតែរហូត ដេញរាល់តែថ្ងៃ។ ចំណែកឯលោក គង់-គឹមនី ចៅហ្វាយស្រុកស្នួលវិញលោក និយាយថា លោកនិងធ្វើការបោសសំ អាតក្រុមអាណាធិប្បតេយ្យតាមដងផ្លូវអោយអស់។ ប៉ុន្តែឯឈ្មួញរកស៊ីក៏ជាជនល្មើស និងក្រុមឈ្មួញបទល្មើសព្រៃឈើ ដែលរកស៊ីពេញស្រុកស្នួល និងចរាចរណ៍បទល្មើសព្រៃឈើឆ្លងកាត់ស្នួលទាំងយប់ទាំងថ្ងៃ នោះគេសួរថា តើ គង់ គឹមនី បានទទួលប៉ុន្មានសែន ១ខែៗ បានជាគេពុំឃើញ គង់ គឹមនី អនុវត្តន៍កំណែទម្រង់លាងខ្លួនពីអំពើ ពុករលួយទៅ បែរជាមកចាត់ទុកកាសែតជាបន្លាក្នុងកែវភ្នែកបង្ក្រាបអ្នកកាសែតទៅវិញ ៕
.jpg)
.jpg)
.jpg)
.png)
.jpg)
.jpg)
.jpg)
