កាលរិយាល័យព្រហ្មទណ្ឌអាវុធហត្ថខេត្តសៀមរាបបានបញ្ជូនជនដៃដល់០៧នាក់ដែលបានប្រើហឹង្សាដោយចេតនាមានស្ថានទម្ងន់ទោស ទៅសាលាដំបូងខេត្តសៀមរាបនៅរសៀលថ្ងៃទី០២ ខែមេសា ឆ្នាំ២០១៦នេះ។
សូមរំលឹកថា នៅយប់ថ្ងៃទី៣១ ខែមីនា ឆ្នាំ២០១៦វេលាម៉ោង១១ មានក្រុងជនដៃដល់មួយក្រុមមានគ្នា០៧នាក់ ជិះរថយន្តម៉ាកហៃលេនដឺពណ៍ខ្មៅពាក់ស្លាកលេខភ្នំពេញ 2K-6261 ទៅពួនស្ទាក់វាយបុរស់វ័យ៣៧ឆ្នាំម្នាក់ ឈ្នោះ ឈួរលាង អោយរងរបួសស្ទើតែស្លាប់ស្ថិតនៅចំនុចភូមិវត្តដំណាក់ សង្កាត់សាលាកំរើក ក្រុងសៀមរាប (ខាងត្បូងឈាងខាងលិចសាលារៀនវិទ្យាល័យអង្គរ) ចម្ងាយតែប្រហែល១០ម៉ែត្រពីផ្ទះជនរងគ្រោះ ខណៈជនរងគ្រោះជិះម៉ូតូចេញពីផ្ទះរបស់ខ្លួន។
ការិយាល័យព្រហ្មទណ្ឌអាវិធហត្ថខេត្តសៀមរាបបានអោយដឹងថា ដោយមានការរាយការពីប្រជាពលរដ្ឋនៅក្បែរនោះថា មានការប្រើអំពើហឹង្សដោយចេតនាទើបកម្លាំម៉េអឹមខេត្តបានចុះទៅបង្ក្រាប ហើយបានដកហូតបានដំបងឈើជ្រុង០១ដើមប្រវែងជិត១ម៉ែត្រជាវត្ថុតាង និងឃាត់ខ្លួនជនសង្ស័យ០៧នាក់យកមកសាកសួរកសាងសំណុំរឿងបញ្ជូនទៅតុលាការខេត្តសៀមរាបនៅរសៀលថ្ងៃទី០២នេះ ខែមេសា ឆ្នាំ២០១៦។ សមត្ថកិច្ចបានបង្ហើបទៀតថា មូលហេតុឈានដល់ព្រួតគ្នាប្រើហឹង្សលើជនរងគ្រោះបែបនេះ អាចជារឿងគំនុំ ព្រោះកាលពីជាង១ឆ្នាំមុន ខាងក្រុមជនដៃដល់បានយកសំរាមដែលមានក្លិនស្អុយដែលជាកាកសំណល់របស់រោងម៉ាស៊ីទឹកកក ដែលមានយីហោឈ្មោះថា ឈូករដ្ឋ ទៅចាក់មុខផ្ទះជនរងគ្រោះ ទើបធ្វើឱ្យមានការឈ្លោះទាស់ទែងប្តឹងប្តល់គ្នាដល់ប៉ុស្តិ៍ប៉ូលីសក្នុងសង្កាត់សាលាកំរើក ម្តងរួចទៅហើយ។ សមត្ថកិច្ចបានបន្ថែមថា ក្រុមជនដៃដល់បានសារភាពថា ពួកគេវាយមនុស្សច្រឡំ តាមពិតពួកគេមានបំណងវាយ លោក តឹកសារ៉ាវី ដែលជាប្អូនថ្លៃជនរងគ្រោះនោះទេ។
យោងតាមរបាយការណ៍របស់សមត្ថកិច្ចបានអោយដឹងថា ជនសង្ស័យទាំង០៧នាក់នោះមាន៖ ទី១/ ឈ្មោះ គង់ លីនិច ភេទប្រុសអាយុ៣១ឆ្នាំមុខរបរបើកឡានដឹកទឹកកក មានទីលំនៅភូមិកញ្ចំ ឃុំកញ្ចំ ស្រុកពារាំង ខេត្តព្រៃវែ់ង បច្ចប្បន្នរស់នៅភូមិសាលាកំរើក សង្កាត់សាលាកំរើក ក្រុងសៀមរាប។ ទី២/ ឈ្មោះ សុខ សុទ្ធា ហៅ ម៉ៅ ភេទប្រុសអាយុ៣០ឆ្នាំមុខរបរដឹកទឹកកក មានស្រុកកំណើត នៅភូមិកញ្ចំ ឃុំកញ្ចំ ស្រុកពារាំង ខេត្តព្រៃវែ់ង បច្ចប្បន្នរស់នៅភូមិសាលាកំរើក សង្កាត់សាលាកំរើក ក្រុងសៀមរាប។ ទី៣/ ឈ្មោះ ឡឺ គឹមចេន ភេទប្រុស អាយុ៣៤ឆ្នាំមុខរបរកម្មកររោងចក្រទឹកកកឈូករ័ត្ន មានស្រុកកំណើត នៅភូមិកញ្ចំ ឃុំកញ្ចំ ស្រុកពារាំង ខេត្តព្រៃវែ់ង បច្ចប្បន្នរស់នៅភូមិជ្រាវ សង្កាត់ជ្រាវ ក្រុងសៀមរាប។ ទី៤/ ឈ្មោះ សៀន ប៊ុនធី ភេទប្រុសអាយុ១៧ឆ្នាំមុខរបរកម្មកររោងចក្រទឹកកកឈូករ័ត្ន មានស្រុកកំណើត នៅភូមិកញ្ចំ ឃុំកញ្ចំ ស្រុកពារាំង ខេត្តព្រៃវែ់ង បច្ចប្បន្នរស់នៅភូមិស្លក្រាម សង្កាត់ស្លក្រាម ក្រុងសៀមរាប។ ទី៥/ ឈ្មោះ គង់ ចាន់ថា ភេទប្រុសអាយុ៣៨ឆ្នាំមុខរបរលក់ទឹកសុទ្ធមានស្រុកកំណើត នៅភូមិកញ្ចំ ឃុំកញ្ចំ ស្រុកពារាំង ខេត្តព្រៃវែ់ង បច្ចប្បន្នរស់នៅភូមិសាលាកំរើក សង្កាត់សាលាកំរើក ក្រុងសៀមរាប។ ទី៦/ ឈ្មោះ ផាន់ សុវណ្ណនី ភេទប្រុសអាយុ២៧ឆ្នាំ មុខរបរជាងជួសជុលទូរស័ព្ទដៃ រស់នៅភូមិសាលាកន្សែង សង្កាត់ស្វាយដង្គំ ក្រុងសៀមរាប។ ទី៧/ ឈ្មោះ យ៉ង់ ចិន្តា ភេទប្រុស អាយុ២៨ឆ្នាំ មុខរបរ បើកឡានដឹកទឹកកក មានស្រុកកំណើតនៅភូមិកញ្ចំ ឃុំកញ្ចំ ស្រុកពារាំង ខេត្តព្រៃវែ់ង បច្ចប្បន្នរស់នៅភូមិសាលាកំរើក សង្កាត់សាលាកំរើក ក្រុងសៀមរាប។
លោក ឈួរលាង ជនរងគ្រោះបានអោយអ្នកយកព័ត៌មានយើងដឹងថា លោកបានជិះម៉ូតូចេញពីផ្ទះ ដែលមានអាស័យដ្ឋានខាងលើបានប្រហែលតែជាង១០ម៉ែត្រ ស្រាប់មានមុស្សប្រុសជិត១០នាក់រតសំដៅមកវាយលោកតែម្តង ដោយពួកគេខ្លះប្រើកណ្តាប់ដៃ ឯខ្លះគេប្រើដំបង។ ភ្លាមនោះលោកបានស្រែកហៅបងប្អូនសាច់ញាតិអោយជួយ ទើបប្អូនថ្លៃរបស់លោករតទៅដេញចាប់ជនដៃដល់ តែចាប់មិនបានពួកគេបានរតឡើងឡានហៃឡេនដឺខាងលើបើកទៅបាត់។ លោក ឈួរលាង បានបន្តថាពេលនោះងងឹតមុខសន្លប់ទើបបងប្អូនសាច់ញាតិជូនទៅសង្គ្រោះបន្ទាន់នៅឯមន្ទ្រីរពេទ្យ។ លោក ឈួរលាង បានអោយដឹងបន្ថែមនៅរសៀលថ្ងៃទី០១ថា លោកបានអោយបងប្រុសរបស់លោក ទៅដាក់ពាក្យបណ្តឹងនៅឯប៉េអឹមខេត្តសៀមរាប ពីបទហិង្សាដោយចេតនា មានស្ថានទំងន់ទោស ដោយទាមទាសំណងជាទឹកប្រាក់ចំនួន១ម៉ឺនដុល្លារអាមេរីក ហើយសូមអោយសមត្ថកិច្ចផ្តន្ទាទោសជនដៃដល់ទៅតាមផ្លូវច្បាប់ផង។
លោក តឹកសារ៉ាវី ត្រូវជាប្អូថ្លៃជនរងគ្រោះខាងលើបានអោយដឹងថា នៅពេលបងថ្លៃលោកចេញម៉ូតូពីផ្ទះមិនបាន១០ម៉ែត្រផងស្រាប់លឺសំលេងស្រែកអោយជួយផង ភ្លាមនោះលោកបានរតទៅដល់ឃើញមនុស្សជិត១០នាក់ប្រដាប់ដោយដំបងកំពុងព្រួតវាយបងរបស់លោកដែលកំពុងដួលដេកលើដី។ លោកវីបន្តថា ពេលក្រុមជនដៃដល់ឃើញលោករតទៅជួយបងលោក ពួកក្រុមជនដៃដល់បែកវ៉ូងប្រសេកប្រសាច ហើយលោកបានរតតាមចាប់ជនដៃដល់២នាក់ក្នុងចំណោមនោះ តែបែជាមានជនដៃដល់បីបួននាក់ផ្សេងទៀតមកព្រួតវាយបងរបស់លោកបន្ថែមនៅមុខផ្ទះម្តងទៀត ឃើញហេតុការណ៍ដូច្នេះលោករតបកមកជួយបងវិញ តែក្រុមជនដៃដល់បាននាំគ្នារតឡើងឡានបើកចេញទៅបាត់។
នៅរសៀលថ្ងៃទី០២នេះអ្នកយកព័ត៌មានយើងពុំអាចសុំការបំភ្លឺពីលោក ព្រះរាជអាជ្ញារង និងលោកចៅក្រមស៊ើបសួរដែលទទួលរឿងក្តីនេះបានទេ តែប្រភពពីមន្ត្រីប៉ែអឹមខេត្តបានអោយដឹងថា ជនសង្ស័យទាំង០៧នាក់បានបញ្ជូនយកទៅផ្ញើនៅកងរាជអាវិធហត្ថខេត្តវិញសិន។
អ្នកយកព័ត៌មានយើងក៏ពុំអាចសុំការបំភ្លឺពីថៅកែរោងម៉ាស៊ីនទឹកកកយីហោ ឈូគរដ្ឋ បានដែរព្រោះមិនមានលេខទូរស័ព្ទសំរាប់ធ្វើការទំនាក់ទំនង ពាក់ព័ន្ធករណីក្រុមកម្មកររោងម៉ាស៊ីនទឹកកកនេះនាំគ្នាទៅប្រើហឹង្សាលើជនរងគ្រោះខាងលើ។
គេសង្កេតឃើញថា ក្រោមការដឹកនាំរបស់លោក ប៉ោវណ្ណនិត មេប៉េអឹមខេត្តសៀមរាប និងមន្ត្រីក្រោមឧវាតរបស់លោក បទល្មើសមួយចំនួនកំពុងតែត្រូវបានបង្គ្រាបជាហូរហែគួរអោយកត់សម្គាល់៕ ដោយ៖ ផ្លុង រ៉េត (កម្ពុជាសុវណ្ណភូមិ និងធ្វើព័ត៌មានស៊ើបអង្កេតមួយក្នុងករណីការប្រើហឹង្សាខាងលើ សូមរងចាំអាន)
.jpg)
.jpg)
.jpg)
.jpg)
.jpg)
.png)
.jpg)
.jpg)
.jpg)
