ប្រជាពលរដ្ឋ និងសមត្ថកិច្ចជាច្រើនស្ថាប័នបាននិយាយតៗគ្នាថា លោកគឹម-ឡេង ទាហ៊ានសឹករងបានកំពុងប្រព្រឹត្តិអំពើពុករលួយ ក្រោមក្រសែភ្នែកលោក ស៊ុន-បូរ៉ាន់ មេបញ្ជាការសឹករងស្រុកត្រពាំងប្រាសាទ ដែលបានតាំងខ្លួនជាសមត្ថកិច្ច ចាប់ឈើប្រជាពលរដ្ឋក្រីក្រយកទៅលក់ផង រកស៊ីដឹកឈើក្រញូងខ្លួនឯងផង ដាក់កុងត្រូលជជុះយកលុយពីអ្នកដឹកឈើផង ដែលទង្វើទាំងនេះកំពុងត្រូវបានពលរដ្ឋរិះគន់ថា ផ្គើនបទបញ្ជារបស់សម្តេចហ៊ុនសែន។
ប្រភពពីប្រជាពលរដ្ឋ រាប់រយនាក់បាននិយាយដូចៗគ្នាថា លោកគឹមឡេង កំពុងតែក្អេងក្អាងដូចកូនក្អាត់ចូលក្អម ស្របពេលដែលប្រទេសជាតិកំពុងតែរៀបចំរដ្ឋាភិបាលថ្មីមិនទាន់បាននឹងនរ នោះលោកបានឆ្លៀតឱកាសលេងក្បាច់គុណហុងកុង ដោយតាំងខ្លួនជាមេប៉ុស្តិ៍ ដាក់កុងត្រូវជជុះនៅចំនុចភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខាងកើតរង្វង់មូលអូរស្វាយប្រហែល១០០ម៉ែត្រ គាបយកលុយពលរដ្ឋរកស៊ីដឹកជញ្ជួនឈើបន្តិចបន្ទួចដាក់ហោប៉ៅធ្វើមានធ្វើបានខ្លួនឯង។
ប្រជាពលរដ្ឋបន្តថា ពួកគាត់ជីកបានឬសក្រញូងពីរបីដុំដឹកឆ្លងកាត់ប៉ុស្តិ៍លោកគឹមឡេង គឺត្រូវបង់លុយពី៨-ទៅ១០ម៉ឺនរៀលជាកំហិត បើមិនដូច្នេះទេ គាត់ចាប់យកឈើនេះទៅលក់ដោយខ្លួនឯង មិនមែនចាប់បញ្ជូនទៅមេព្រៃតាមច្បាប់ទេ។
ពលរដ្ឋអ្នកស៊ីដឹកឈើប្រភេទបេងធ្នង គគឺ ត្រាចយាង តាមរទេះបានត្អូញត្អែទាំងទឹកភ្នែកថា ក្រៅពីធ្វើស្រែចំការពួកគាត់ស៊ីច្រៀកឈើដែលសល់ពីឈ្មួញធំៗគេកាត់យកដើមធំ អស់សល់តែមែកតូចៗ បាន១ថ្ងៃពីរបីសន្លឹកគ្រាន់លក់យកលុយទិញម្ហូប តែលោកគឹមឡេងទាលុយពី៥ទៅ១០ម៉ឺនរៀលជាថ្នូនិងការមិនចាប់ចង ដែលតំលៃនៃការទាលុយនេះ លើសពីតំលៃឈើទៅទៀត។ ពួកគាត់បន្តត្អូញត្អែថា បើឯកឧត្តម ជា-ម៉ន ឯកឧត្តម នួន-នៅ និងលោក ស៊ុន-បូរ៉ាន់ នៅតែបន្តអោយលោក គឹម-ឡេង ដើរចាប់ពលរដ្ឋយកលុយ យកឈើ ឬរកស៊ីដឹកឈើក្រញូងបន្តទៅទៀត ពួកគាត់ច្បាស់ជាស្លាប់មុនអាយុជាក់ជាមិនខាន ម្យ៉ាងបណ្តោយអោយកងទ័ពប្រព្រឹត្តិអំពើល្មើសវិន័យបែបនេះ ច្បាស់ជាខូចឈ្មោះដល់អង្គភាពកងទ័ព អាប់អោនកិត្តិយស់ដល់ថ្នាក់ដឹកនាំ កំពូលជាក់ជាមិនខាន។
ពលទាហ៊ានម្នាក់បានលួចខ្សឹបប្រាប់អ្នកយកព័ត៌មានយើងថា មូលហេតុដែលលោក គឹម-ឡេង ហ៊ានប្រព្រឹត្តិអំពើពុករលួយ និងធ្វើទង្វើដ៏លាមកដែលគួរអោយស្អប់ខ្ពើមបែបនេះ គឺព្រោះលោកឡេង មានខ្សែមានខ្នង ជានាយរងភូមិភាគ៤ម្នាក់នៅពីក្រោយខ្នងចាំការពារ តំណែងទាំងយប់ទាំងថ្ងៃ ព្រោះលោក គឹម-ឡេង ចេះរកលុយសែនព្រេន ដល់ថ្នាក់លើរបស់គាត់បានដិតដល់។
ពលរដ្ឋនៅឃុំអូរស្វាយសុំនូមពរទៅ សម្តេច ហ៊ុន-សែន នាយករដ្ឋមន្រ្តីថ្មីនៃព្រះរាជាណាចក្រកម្ពុជា មេត្តាចាត់ចែងរកកន្លែងអោយលោក គឹម-ឡេង សំរាកអោយបានសុខស្រួលផង ព្រោះនៅខេត្តឧត្តរមានជ័យ គ្មានអ្នកណាម្នាក់ហ៊ានហើបមាត់នែនាំដាស់ទឿនលោក គឹម-ឡេង ដ៏មហាអស្ចារ្យនេះទេ ព្រោះគាត់មានលុយមានខ្នង មានអំណាច ថែមចេះប្រើក្បាច់ហុងកុង ឬច្បាប់ព្រៃទៀតផង។
ពាក់ព័ន្ធការចោទប្រកាន់ខាងលើនេះ អ្នកយកព័ត៌មានយើងពុំទាន់អាចសុំការបំភ្លឺពីលោក គឹម-ឡេង បានទេ ព្រោះទូរស័ព្ទពុំអាចទំនាក់ទំនងបាន៕ ដោយ៖ ផ្លុង-រ៉េត
.jpg)
.jpg)
.jpg)
.png)
.jpg)
.jpg)
អស់រយៈពេលជាយូរឆ្នាំណាស់មកហើយជំងឺអសកម្ម និងភាពកំសោយរបស់អាជ្ញាធរខេត្តសៀមរាប និងរដ្ឋបាលជលផល ដែលជាមន្រ្តីជំនាញ នៅតែកើតមានឡើងតាំងពីអាណត្តិរបស់លោក ស៊ូ-ភិរិន រហូតមកដល់លោក ឃឹ...Read more
នៅគ្រប់ទិសទីក្នុងទឹកដីខេត្តសៀមរាបគេសង្កេតឃើញថា មានប្រជាពលរដ្ឋខ្មែរភាគច្រើនមានការរអូរទាំរិះគន់ដល់រាជរដ្ឋាភិបាលកម្ពុជាថា មិនគួរយកប្រាសាទអង្គរវត្តដែលមានចំណូលក្រាសក...Read more
នៅព្រឹកថ្ងៃទី២២ ខែឧសភា ឆ្នាំ២០១៥នេះ មានប្រជាពលរដ្ឋតំណាងសហគមន៍ចំនួន៧ស្រុកផ្សេងៗគ្នា មានបំណងហែញត្តិ ដាក់ជូនអភិបាលខេត្តសៀមរាប ពាក់ព័ន្ទនិងរឿងជម្លោះដីធ្លីរបស់ពួកគាត់ តែត្រូ...Read more
អ្នកមិនឯកោទេប្រសិនបើលោកអ្នកមានបុត្រធីតាធ្វើរោគវិនិច្ឆ័យទៅកើតមាននូវជំងឺ ទឹកនោមផ្អែម។ ជារៀងរាល់ឆ្នាំ នៅសហរដ្ឋអាមេរិក មានកុមារប្រមាណជាង ១៣០០០ នាក់ កើតមានជំងឺទឹកនោមផ្អែមប្រភេទ...Read more
មនុស្សម្នាក់ត្រូវបានស្លាប់ និងម្នាក់ទៀតបានរង របួសធ្ងន់ត្រូវគេបញ្ជូនទៅសង្គ្រោះនៅមន្ទីរពេទ្យទាំងយប់ ក្រោយពីជួបគ្រោះថ្នាក់ចរាចរណ៍ រវាងម៉ូតូបុកជាមួយម៉ូតូ ហើយត្រូវរថយន្តយីឌុបកិនពីលើបន្ថែមទៀត កាលពីវេលាម៉ោង៦...Read more
ប្រជាពលរដ្ឋរួមគ្នាស្តារព្រៃឈើឡើងវិញតាមរយៈ គម្រោងទេសចរណ៍នៅក្នុងសហគមន៍បន្ទាប់ពីព្រៃឈើនៅ មូលដ្ឋាន ខ្លួនបាន រងការបំផ្លាញយ៉ាងធ្ងន់ធ្ងរដោយសារការកាប់ បំផ្លាញពីសំណាក់អ្នកភូមិខ្លួនឯងផង និងជនខិលខូច មកពីក្រៅផង។
...Read more
សត្វតិរិច្ឆាន គឺជាសត្វមួយប្រភេទ ដែលមិនស្គាល់បុណ្យបាប មិនស្គាល់ពូជពង្សវង្សសាវតារបស់ខ្លួន មិនមានឧត្តមគិតិ មិនមានចំណេះដឹង ស៊ីតែអាហារដែលជាកាកសំណល់ពីគេ រកស៊ីចិញ្ចឹមជីវិតតែមួយក្រពេះ មិន...Read more
យោងតាមបណ្តាញសង្គម (Face book) បានបង្ហោះតៗគ្នាថា អង្ករដែឡបានផលិតចេញពីប្លាស្ទិក (Plastic Rice) ពេលនេះកំពុងតែចរាចរណ៍នៅទីផ្សាអាស៊ីយើងនេះ ដូចជាមាននៅក្នុងប្រទេស ចិន និងកំពុងបោះជំហានចូលមកកា...Read more
លោក ចេង ដារ៉ាវុធ (អតីត) ប្រធានស្តីទីនាយកដ្ឋានសុខុមាលភាពមនុស្សចាស់នៃក្រសួងសង្គមកិច្ចគឺបន្ទាប់ពី រងភាពអយុត្តិធម៌ អំពីការតែងតាំងក៏ប្រតិកម្មស្នើសុំ ឯ/ឧនាយកខុទ្ទការល័យរដ្ឋមន្ត្រីជួយសម្របសម្រួល ប៉ុន្តែមិនទទ...Read more
លោក មង្គលទីណា តារាចម្រៀងផលិតកម្មថោនបាន បើករថយន្តស៊េរីទំនើបជ្រុលបុករនាំងដែកពុះចែកទ្រូវបាក់អស់១០ផ្ទាំង ដែលស្ថិតតាមបណ្តោយផ្លូវសហព័ន្ធរុស្ស៊ី ទល់មុខព្រលានយន្តហោះពោធិ៍ចិនតុង ស្ថិតក្ន...Read more
| ថ្ងៃនេះ | 285 | នាក់ |
| ម្សិលមិញ | 4536 | នាក់ |
| សប្ដាហ៍នេះ | 11522 | នាក់ |
| ខែនេះ | 118600 | នាក់ |
| ឆ្នាំនេះ | 2576503 | នាក់ |
| សរុប | 51936429 | នាក់ |
| ថ្ងៃទី 15 ខែ 05 ឆ្នាំ 2024 ម៉ោង 04:37 |
Copyright © 2024 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net