ក្រុមប្រជាពលរដ្ឋជួលដីគេធ្វើស្រែស្ថិតក្នុង ភូមិស្ទឹងព្រះស្រុក ឃុំល្វា ស្រុកពួក ខេត្តសៀមរាប បានអះអាងថា អាជ្ញាធរស្រុកពួក រួមជាមួយមេប៉ុស្តិ៍ ប្រធានសហគមន៍ និងប្រធានការិយាល័យអន្តរវិស័យ បានចុះចាប់អាត្រាក់ភ្ជួរដីស្រែរបស់ពួកគាត់កាលពីថ្ងៃទី៦ ខែឧសភាឆ្នាំ២០១៩ ហើយកំហែងទាប្រាក់២៥០០ដុល្លារជាថ្នូរទៅនឹងការដោះលែងអាត្រាក់មកវិញ។
នៅព្រឹកថ្ងៃទី៤ ខែមិថុនា ឆ្នាំ២០១៩ ក្រុមប្រជាពលរដ្ឋបានប្រាប់អ្នកកាសែតយើងថា លោកសិន ចាន់ថុល អភិបាលរងស្រុកពួក បានបញ្ជាឲ្យលោក ថ្លៃ ចិន ប្រធានការិយាល័យអន្តរ:វិស័យ មេប៉ុស្ត៍ និងប្រធានសហគមន៍ ចុះចាប់ត្រាក់ទ័រពលរដ្ឋមួយគ្រឿងកំពុងភ្ជួរស្រែក្នុងអាស័យដ្ឋានខាងលើ យកមករក្សាទុកនៅប៉ុស្តិ៍ល្វាដើម្បីឲ្យម្ចាស់ចចារបង់ប្រាក់២៥០០ដុល្លារ ជាថ្នូរនឹងការដោះលែងអាត្រាក់ភ្ជួរស្រែកនោះវិញ។
លោក សំរិទ្ធ ស៊ឹង អ្នកភ្ជួរស្រែម្នាក់ក្នុងចំណោមអ្នកស្រែជាច្រើននាក់បានប្រាប់ថា លោកបានសុំបង់លុយ២លានរៀលអោយទៅអាជ្ញាធរដើម្បីសុំយកអាត្រាក់ភ្ជួរស្រែមកភ្ជួរស្រែវិញ ព្រោះនេះជារដូវធ្វើស្រែវស្សាហើយ តែក្រុមអាជ្ញាធរ និងសមត្ថកិច្ចខាងលើមិនព្រម នៅតែស្រែកថា ពីពាន់ប្រាំរយដុល្លារៗៗៗ ទន្ទេញជាប់មាត់ មិនបន្ថូបន្ថយសោះ។ លោក សំរិទ្ធ ស៊ឹង បានបន្តថា លោកបានដើរស្វះស្វែងរកគ្រប់មធ្យោបាយ តាំងពីថ្នាក់ក្រោម ដល់ថ្នាក់លើនៅតែមិនអាចដោះស្រាយយកត្រាក់ទ័រវិញបាន រហូតដល់លោកសម្រេចចិត្តប្តឹងទៅតុលាការដើម្បីស្វែងរកយុត្តិធម៌។ លោក សំរិទ្ធ ស៊ឹង បានបន្ថែមថា ដីស្រែដែលលោកភ្ជួរខាងលើនេះ លោកជួលគេ១ហិចតា ១រយដុល្លារក្នុងមួយរដូវ ហើយដីនេះជាដីស្រែយូរឆ្នាំណាស់មកហើយ មិនមែនដីព្រៃលិចទឹកដូចក្រុមអាជ្ញាធរចោទប្រកាន់នោះទេ។
លោក សិន ចាន់ថុល អភិបាលរងស្រុកពួកបានឲ្យដឹងតាមទូរស័ព្ធនៅល្ងាចថ្ងៃទី៤ ខែមិថុនា ឆ្នាំ២០១៩នេះថា ការចុះឃាត់អាត្រាក់របស់ពលរដ្ឋមួយគ្រឿងនេះ ដោយលោកបានធ្វើសេចក្តីជូនដំណឹងឲ្យសម៉ីខ្លួនមកធ្វើពាក្យស្នើសុំ ព្រោះទីតាំងនោះជាតំបន់ព្រៃលិចទឹក។ លោកបានបញ្ជាក់ទៀតថា ព្រៃទាំងនោះម្ចាស់អាត្រាក់បានឈូសឆាយរយៈពេល២ឆ្នាំហើយ។ លោកអភិបាលរងស្រុករូបនេះបានបន្ថែមថា ចំពោះបញ្ហាអាត្រាក់ដែលលោកឃាត់នោះលោកមិនបានយកទៅលាក់ទុកដូចការចោតប្រកាន់ពីម្ចាស់អាត្រាក់នោះទេ គឺលោកបានយកទៅទុកនៅក្នុងស្ថាននីរបស់មន្ទីរ កសិកម្ម។
លោក ថ្លៃ ចិន ប្រធានអន្តរវិស័យស្រុកពួក បានចុះទៅចាប់អាត្រាក់ដោយផ្ទាល់ជាមួយសមត្ថកិច្ចពាក់ព័ន្ធខាងលើ ហើយត្រូវបានពលលរដ្ឋចោទផងដែរថា ជាអ្នកចចារទាប្រាក់២៥០០ដុល្លារ តែដល់ចចារគ្នាមិនត្រូវទើបរៀបសំណុំរឿងបញ្ជូនទៅតុលាការដោយចោទប្រកាន់ពលរដ្ឋថា ឈូសដីតំបន់ព្រៃលិចទឹកទៅវិញ។
អ្នកយកព័ត៌មានយើងមិនអាចសុំការបកស្រាយពីលោក ថ្លៃ ចិន ប្រធានអន្តរវិស័យស្រុកពួកបានទេ ព្រោះកាលពីល្ងាចថ្ងៃទី៤ ខែមិថុនា ឆ្នាំ២០១៩ម្សិលមិញនេះ ក្រុមការងារបានខលទូរស័ព្ទចូលតែស្តាប់គ្នាមិនបានព្រោះមិនសូវមានសេវា សំលេងលឺដាច់ៗ។
សួមបញ្ជាក់ផងដែរថា ខាងអាជ្ញាធរស្រុកពួក បានបញ្ជូនសំណុំរឿងចាប់អាត្រាក់ភ្ជួរស្រែទៅតុលាការដោយចោទប្រកាន់ថា ភ្ជួរប៉ះព្រៃលិចទឹក បន្ទាប់ពីទាប្រាក់២៥០០ដុល្លារមិនបាន ឯចំណែកម្ចាស់ត្រាក់ទ័រភ្ជួរស្រែ ក៏បានដាក់ពាក្យបណ្តឹង ទៅតុលាការផងដែរ ដោយចោទខាងអាជ្ញាធរថា ចាប់ត្រាក់ទ័រភ្ជួរស្រែកំហែងទាប្រាក់២៥០០ដុល្លារជាថ្នូរក្នុងការដោះលែង។
ក្រុមប្រជាពលរដ្ឋបានសុំអំពាវនាវ ទៅអាជ្ញាធរខេត្ត និងស្ថាប័នតុលាការ មេត្តាជួយផ្តល់យុត្តិធម៌ដល់ពួកគាត់ផង ជាពិសេសសុំយកត្រាក់ទ័រទៅវិញដើម្បីអោយទាន់រដូវភ្ជួររាស់ឆ្នាំនេះ។
យោងតាមប្រភពពីប្រជាពលរដ្ឋបានអះអាងថា ក្រុមអាជ្ញាធរស្រុកពួកខាងលើនេះ មិនមែនទើបតែចាប់ត្រាក់ទ័រភ្ជួរស្រែក១នេះទេ កន្លងមកចាប់យកលុយពីរបីបួនប្រាំរយដុល្លារតែរហូត ចាប់យកលុយៗ ហើយដោះលែង៕ ដោយ៖ ផ្លុងរ៉េត
.jpg)
.jpg)
.jpg)
.png)
.jpg)
.jpg)
.jpg)
យោងតាមប្រភពព័ត៌មានពីក្រុងភ្នំពេញនៅព្រឹកថ្ងៃទី០៦ ខែវិច្ឆកា ឆ្នាំ២០១៥នេះ បានអោយដឹងថា លោកនាយករដ្ឋមន្ត្រី ហ៊ុនសែន បានប្រកាសក្នុងអង្គប្រជុំប្រចាំសបា្ដហ៍របស់ខ្លួននៅទីស្ដីការគណរដ...Read more
អគ្គលេខាធិការដ្ឋានព្រឹទ្ធសភា មានកិត្តិយសសូមជំរាបជូនសាធារណជនជ្រាបថា នាថ្ងៃព្រហស្បត៍ទី០៩ខែតុលាឆ្នាំ២០១៤ (សូមចុចលើរូបភាពខាងក្រោម ដើម្បីអានបន្ត)...Read more
នៅវេលាម៉ោង១១និង១០នាទី ព្រឹកថ្ងៃទី១២ ខែមេសា ឆ្នាំ២០១៦នេះលោក ឈាងវុន បានទូរស័ព្ទមកលោក ផ្លុងរ៉េត ចាងហ្វាងសារព័ត៌មាន កម្ពុជាសុវណ្ណភូមិ សាជាថ្មីម្តងទៀតសុំអោយដកស្រង់ឯកសារពីគណនីបណ្តាញសង្គមរបស់លោក ដែលលោកបា...Read more
អគ្គលេខាធិការដ្ឋានព្រឹទ្ធសភា មានកិត្តិយសសូមជម្រាបជូនសាធារជនជ្រាបថា នាថ្ងៃច័ន្ទទី០៨ ខែធ្នូ ឆ្នាំ២០១៤ វេលាម៉ោង០៨:០០ព្រឹក ព្រឹទ្ធសភា...Read more
ប្រទេសជាតិជាច្រើននៅលើពិភពលោកយើងនេះ គឺរមែងតែងតែមានមេដឹកនាំ និងប្រជានុរាស្រ្តតិច ឬច្រើនអាស្រ័យទៅលើប្រទេសនោះតូចឬធំតែប៉ុណ្ណោះ ប្រទេសខ្លះគ្មានស្តេច តែមានប្រធានាធិបតី ឯប្រទេសខ្ល...Read more
ប្រជាពលរដ្ឋខ្មែរជាច្រើនជំនាន់ សុទ្ធតែបានស្គាល់ពីគុណប្រយោជន៍នៃដើមរាំងទឹក ដែលភាគច្រើនដុះនៅជុំវិញបឹងទន្លេសាប និងដុះនៅតាមបឹង អូរ ត្រពាំង តែបច្ចុប្បន្នដើមរាំង គឺជាមុនស្នេហ៍ទាក់ទាញ...Read more
ប្រភពព័ត៌មានពីប្រជាពលរដ្ឋដែលជាជនរងគ្រោះម្នាក់ក្នុងចំណោមប្រជាពលរដ្ឋដែលជាជនរងគ្រោះជាច្រើននាក់ទៀតរស់នៅក្នុងភូមិថ្នល់បែកកើត ឃុំស្វាយទៀប ស្រុកចំការលើ ខេត្តកំពង់ចាម បាននិយាយរៀបរាប់ទាំងមិនអស់ចិត្តថាអស់រយៈ...Read more
ខេត្តសៀមរាប ព្រឹកថ្ងៃទី២៨ ខែឧសភា ឆ្នាំ២០១៧ មានប្រជាពលរដ្ឋមួយចំនួនសម្ដែង ការមិនពេញចិត្តយ៉ាងខ្លាំង ចំពោះការបិទផ្លូវ ដើម្បីធ្វើការជួបជុំ និងឃោសនារកសម្លេងឆ្នោត របស់គណបក្ស សម្ព័នដើម្បីប្រជាធិប្បតេយ្យ នៅតាម...Read more
នៅល្ងាចម៉ោង៦:២៦នាទីថ្ងៃទី១១ខែមេសាឆ្នាំ២០១៦ នេះលោកឈាងវុនបានខលទូរស័ព្ទមកលោក ផ្លុងរ៉េត ចាងហ្វាងសារព័រមានកម្ពុជាសុវណ្ណភូមិសុំអោយបកស្រាយរឿងជីវប្រវត្តិសង្ខេបដែលចោទថា លោកជាចោរលួចឡាន ដែលលោកបានសរសេរបកស្រាយនៅលើ...Read more
តំបន់រម្យណីយដ្ឋានវប្បធម៌ធម្មជាតិអង្គរវត្ត ដែលជាកន្លែងគោរពបូរជា និងជាទីកម្សាន្តរបស់ភ្ញៀវទេសចរណ៍ជាតិ និងអន្តរជាតិ ត្រូវបានគេរំខាងដោយសូរសំលេងម៉ាស៊ីនភ្លើងលាន់លឺកង...Read more
| ថ្ងៃនេះ | 2612 | នាក់ |
| ម្សិលមិញ | 5789 | នាក់ |
| សប្ដាហ៍នេះ | 19650 | នាក់ |
| ខែនេះ | 126728 | នាក់ |
| ឆ្នាំនេះ | 2584631 | នាក់ |
| សរុប | 51944557 | នាក់ |
| ថ្ងៃទី 16 ខែ 05 ឆ្នាំ 2024 ម៉ោង 11:00 |
Copyright © 2024 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net