ឧកញ៉ា គង់ គ្រឹង ជាមេឈ្មួញឈើប្រណិតដែលអ្នកកាន់ច្បាប់នៅស្រុកខ្មែរខ្លាចរអា

ឧកញ៉ា គង់ គ្រឹង ជាមេឈ្មួញឈើ​ប្រណិតដែល​អ្នកកាន់ច្បាប់នៅស្រុក​ខ្មែរខ្លាចរអា មិន​ហ៊ាន​ចុះ​បង្ក្រាប​បើ​ទោះ​ជា​កាសែត ទូរទស្សន៍ ហ្វេសប៊ុគ​ចុះ​ផ្សាយ​ឡើង​កក្រើក​មេឃ​យ៉ាង​ណាក៏ដោយ។

ជារៀងរាល់ថ្ងៃ គង់គ្រឹង​ ប្រមូល​ទិញ​ឈើ​ពី​ខេត្ត​ស្ទឹង​ត្រែង និងខេត្ត​ជិត​ខាង​នានា​យក​ចូល​មក​ស្តុក​ទុក​នៅ​ខេត្ត​ក្រចេះ រួច​ដឹក​យក​ទៅ​លក់​ចេញ​នៅ​ព្រំដែន​កម្ពុជា-វៀតណាម តាម​ច្រក​របៀង​ដោយ​រលួន រាប់​រយរថយន្ត​ រាប់​ពាន់​ម៉ូតូ គ្មាន​អាជ្ញាធរ សមត្ថកិច្ច​ ឬក្រសួង​ពាក់ព័ន្ធ​ណាមួយ​ធ្វើ​ដឹក​ធ្វើ​លឺ​ឡើយ។

ពលរដ្ឋ​ចោទសួរថា បើដឹកយ៉ាងនេះ បំផ្លិច​បំផ្លាញ​យ៉ាង​នេះ តើ​ថ្ងៃ​អនាគតព្រៃ​ឈើ​នៅ​កម្ពុជា​ទៅ​ជាយ៉ាង​ណា? ហើយ​ចុះ​សមត្ថកិច្ច​ពាក់ព័ន្ធ​កំពុង​ធ្វើអ្វី ទាំងមេព្រៃ បរិស្ថាន ចៅហ្វាយ​ខេត្ត បាត់​ទៅណាអស់ហើយ ឬមួយអស់​លោក​បានដាក់​ភាគហ៊ុន​ជាមួយ​ គង់ គ្រឹង ដែរ​? បាន​ជាស្ងាត់​ឈឹង​គ្មាន​ធ្វើ​សកម្ម​ភាព​អីបន្តិច​សោះ​ចឹង?។ដោយ៖ ផ្លុង-រ៉េត